YAHYA 7:32 - KITABI HABARI MOPIOHE

³² Tau-tauwalo Parisi loo̒dungohe woloolo mola taa dadaata boito hipo loloohuma pasali li Isa. Sababu uito pee̒-pee̒enta wolo mongo iimamu tau̒wa, timongolio malo poa̒hu dengolo lota tamoo-kawalia Bele lo Eeya loheu̒pa li Isa.

YAHYA 7:32 ပူးပေါင်းရင်းမြစ်များ

MATIUSI 12:14

Bo tau-tauwalo Parisi lololaa mao̒ bele potabiaala boito, lapatao̒ loheeluma u momate li Isa mate-mateelo mao̒.

MATIUSI 23:13

“Matopotala timongoli guguu-ruwaalo agama wau tau-tauwalo Parisi! Timongoli wambao̒ motihutu diila otu-otutuulo mao̒. Timongoli hemo ngabuto taa u mowali pongawaa̒ umati lo Allahu Taa̒ala. Timongoli lohihilao diila mohuto mowali pongawaa̒ umati lo Allahu Taa̒ala, wau taawewo tamohuto, hetanggua limongoli. [

MATIUSI 26:58

Tei Petrus loduduo̒ li Isa lonto u molamingo demota paango lobele li iimamu daa̒. Lapatao̒ tei Petrus tilumuwoto ode delomo paango boito wau lotihuloa̒a pee̒-pee̒enta wolo tahi pokawalia. Tio ohilaa motota woloolo mola ngoa̒amilalo boito de pulitio mao̒.

YAHYA 11:46

Bo dengolo lota towolota limongolio lonao̒ mota ode taulo Parisi wau lopo duloheo̒ wolo u mapilohutu li Isa.

YAHYA 12:19

Yi tau-tauwalo Parisi malo loi̒ya ngota timongota, “Ito diila mowali mohutu wolo-wolo! Bilohilo wambao̒, ngoilanggubu dunia lonao̒ lodudua̒ o-Lio!”

YAHYA 18:3

Yi tei Yudas lonao̒ mota ode tambati boito wolo ngopasuukani suludadu lo Romawi wau dengolo lota tamoo-kawalia Bele lo Eeya tai̒lahula lomongo iimamu tauwa wau tau-tauwalo Parisi. Timongolio hideloa tingolo, lantera wau molongo.

YAHYA 7:30

Tou̒ boito timongolio ohilaa moheu̒pa li Isa, bo diaaluo tabuheli modihu o-Lio, sababu diipo leidungga wakutuulio.

WUNGGULI LOMONGO RASULU 5:26

Yi polowila tamoo-kawalia Bele lo Eeya boito wolo tahi pokawalia olio malonao̒ mota luli lohama mai tomongo rasulu boito. Bo timongolio diila lomakusai sababu timongolio moohe totaa dadaata; tolongao̒ taa dadaata boito de momai̒ olimongolio wolo botu.

BOHULO SEMUEL 19:20

Sababu uito tei Saul malolao dengolo lota utolio mota loheu̒pa olei Dauda. Bo timongolio loo̒dungga ngopolemboa̒ nabi tadonggo hipongelu-ngelungawa wau hiwati-waatia̒ pee̒-pee̒enta, hetilau̒wa lei Semuel. Lapatao̒ utolia lei Saul boito kiluwaasa mai lo Rohullah tilinggula timongolio olo mahelo ngelu-ngelungo wau hiwati-waatia̒.