YAHYA 7:28 - KITABI HABARI MOPIOHE

²⁸ Lapatao̒, tou̒ ti Isa donggo hemo ngaajali todelomo Bele lo Eeya, Tio longibode mola wolo suala daa̒, “Oditolio otaawa limongoli tatoonu Wau̒ botie, wau lonto utoonu asalii-U̒? Wau̒ diila leidungga mai sababu otohilaa-U̒ lohihilao. Wau̒ yilao-Lio mai lo tao̒haku lolao mai ola-U̒, wau Tio mowali palacayalo. Bo timongoli diila moo̒onuhe o-Lio.

YAHYA 7:28 ပူးပေါင်းရင်းမြစ်များ

JABURU 9:10

Eeya boito tambati potiduo̒la lotaa hideehea, tambati potiwunela tou̒ oweepita.

YEREMIA 31:34

Diilalo palalu penu boli ngotaa mao̒ monto olimongolio mongaajali timongotalio u motota to Eeya. Sababu timongolio ngoa̒amila, kikiio̒ udaa̒, mamotota ola-U̒. Ngoa̒amila totala limongolio malipato-U̒, duduu-sawaalo limongolio maa̒mbunguo-U̒. Wau̒, Eeya, malo tahuda mai.”

HOSEA 4:1

Eeya o palakala wolo ulipu lolipu botie. Wuu Isirai̒lu, dungohe mao̒ wolo upilo tahudaa-Lio mai, “To lipu botie diaaluo otatapu wau molotolo hilao meaambo tolia̒ngo, wau ulipulio diila momasisi ola-U̒ odelo Allahu Taa̒ala.

HOSEA 5:4

Ololeeto upilohutu lotau Isirai̒lu maloo̒ sababu olimongolio diila mowali muli mohualinga ode Allahu Taa̒ala limongolio. Timongolio makiluwasa lo polotubowa to balaahala, tilinggula timongolio diilalo lomandungi to Eeya.

MATIUSI 11:27

Lapatao̒ ti Isa lobisala, “Totoonulalo u hitua-tuawua mailudu mai li Paapa ode laatia. Diaaluo penu boli ngotaa mao̒ tamotota to Walao̒ ngopohia li Paapa. Diaaluo olo tamotota li Paapa ngopohia Walao̒, wau tau-tauwala ode tatoonu Walao̒ boito mopoo̒taa mao̒ pasali li Paapa.

MATIUSI 2:23

Lou̒ odito malo toduo mai wolo uiloi̒ya lomongo nabi pasali lo Walao̒ boito: “Tio mau̒nteelio Taulo Najaret.”

MATIUSI 26:55

Lapatao̒ ti Isa lotahuda mao̒ ode taa dadaata boito, “Wolo Wau̒ botie tamoleeto, tunggula timongoli lonao̒ mai hidelowa wamilo wau ayu pongokoo̒ mai moheu̒pa ola-U̒? Ngohui-ngohui Wau̒ hemo ngaajali to Bele lo Allahu Taa̒ala, wau timongoli diila loheu̒pa ola-U̒.

LUKASI 10:22

Toonulalo u hitua-tuauwa mailudu mai li Paapa to olaa-Tia. Diaaluo mao̒ penu boli ngota tamotota to Walao̒, ngopohia li Paapa. Diaaluo olo tamotota li Paapa, ngopohia lo Walao̒; wau tau-tauwala too̒lita Walao̒ boito yinao mopoo̒taa li Paapa.”

LUKASI 2:11

Todulahe botie tokota lei Dauda mapilo tutulio mai Olongia Tamoo-poa̒ahua olemu deu̒ito-yito ti Isa Almasi, Eeya.

LUKASI 2:39

Lapatao̒ tei Yusu woli Maria lopohutu mao̒ ngoa̒amila upilopo wajibu Butoo̒ lo Eeya, timongolio luli lohualinga ode Najaret to Galilea.

LUKASI 2:4

Tei Yusu olo lomonggato lonto Najaret to Galilea, ode Betlehemu to Yudea, tambati pilotutua li Olongia Dauda; sababu tei Yusu wali mai lei Dauda.

LUKASI 2:51

Lapatao̒ ti Isa malo hualinga woli mongolio ode Najaret, wau lodungohe olimongolio. Ngoa̒amila sua̒li boito hetilahu mao̒ liilo-Lio todelomo hilaalio.

YAHYA 1:46

Bo tei Natanael lolametao̒, “Wolo pongalo aakali hitua-tuawua umopiohe meidungga mai monto Najaret?” Dulo mai bilohi lohihilao tametao̒ lei Pilipus.

YAHYA 10:36

yilongola timongoli helo loi̒ya ola-U̒ hemo muayo Allahu Taa̒ala sababu Wau̒ lotahuda Walao̒ Allahu Taa̒ala? Lebe-lebe pomao̒ Wau̒ tilulaoto Allahu Taa̒ala wau yilao-Lio mai ode dunia.

YAHYA 12:49

Sababu Wau̒ diila lotahuda mai to hilaa-U̒ lohihilao; ti Paapa talolao mai ola-U̒, mati Paapalo boito talo malentai ola-U̒ wolo uwajibu potahuda-U̒ wau u potunggulo-U̒.

YAHYA 14:10

Pilipus! Wolo yio̒ diila palacaya, deu̒ Wau̒ tuwau woli Paapa wau ti Paapa tuwau wola-U̒? Wolo umapilo tahuda-U̒ mai olemu, diila lonto ola-U̒ lohihilao. Ti Paapa-U̒ tadebo tuwau wolau̒, Tiolo tamohutu mai ngoa̒amilalo boito.

YAHYA 14:31

Bo ngoa̒amila boito musi motoduo mai alihu dunia mongalati deu̒ Wau̒ momonu oli Paapa wau hemohutu ngoa̒amila u pilomalentai li Paapa to ola-U̒. Naa, dulo ito monao̒olo monteea.”

YAHYA 16:3

Timongolio mohutu mai uito olemu sababu timongolio diipo moo̒onuhe li Paapa-U̒ meaalo ola-U̒.

YAHYA 17:25

Paapa taa̒adili! Dunia diila moo̒onuhe li Paapa; bo Watia moo̒onuhe li Paapa; wau tau-tauwala botie motota deu̒ ti Paapa talolao mai olaa-Tia.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 3:2

Tou̒ huilio tuwau tio lonao̒ mai odeli Isa wau loloi̒ya mao̒, “Paaa̒ Guru, otaawa lamiaatia ti Paaa̒ tailao mai lo Allahu Taa̒ala. Sababu diaaluo penu boli ngotaa mao̒ tamowali mohutu u moo̒linggolabe debo odelo upilohutu li Paaa̒, Wonu Allahu Taa̒ala diila wolio.”

YAHYA 3:33

Taa palacaya tou̒ silakusia-Lio boito, motolongaku mao̒ deu̒ Allahu Taa̒ala banali.

YAHYA 5:32

Bo woluo taawewo tamongohi sakusi tomimbihu ola-U̒, wau otaawa-U̒ deu̒ u silakusialio boito otutu.

YAHYA 5:43

Wau̒ dungga-dungga mai wolo kawasa li Paapa-U̒, bo timongoli diila mololimo ola-U̒. Bo wonu taawewo dungga-dungga mai wolo kawasaalio lohihilao, timongoli motohilaa mololimo olio.

YAHYA 6:42

Timongolio loloi̒ya mao̒, “Diila maa Tio botie ti Isa walae̒e Yusu? Otaawa lami mongo dulaa̒-Lio! Woloolo mola Tio mowali moloi̒ya deu̒ Tio malo tuhutai lonto sologa?”

YAHYA 7:14

Tohuungo lo lameyangi, ti Isa tilumuwoto ode delomo Bele lo Eeya, tulusi lolumulao̒ longaajali.

YAHYA 8:14

Ti Isa lolametao̒, “Eleponu Wau̒ mongohi mai sakusi pasali lo batanga-U̒ lohihilao, sakusi-U̒ boito otutu; sababu otaawa-U̒ lonto utoonu mai dudunggaa-U̒ wau ode utoonu nonao̒o-U̒. Diila otaawa limongoli lonto utoonu mai dudunggaa-U̒, wau ode utoonu nonao̒o-U̒.

YAHYA 8:16

Bo humayaalio Wau̒ momutoo̒ tau, putuusani-U̒ boito aadili, sababu Wau̒ diila tutuuwau; Allahu Taa̒ala talolao mai ola-U̒ woluo wola-U̒.

YAHYA 8:19

“Ti Paapa-Mu boito tou̒toonu?” loi̒ya mao̒ limongolio. Ti Isa lolametao̒, “Timongoli diila moo̒onuhe ola-U̒ meaambo li Paapa-U̒. Humayaalio timongoli olo moo̒onuhe ola-U̒, maatantu timongoli moo̒onuhe li Paapa-U̒.”

YAHYA 8:26

Donggo dadaata sua̒li tomimbihu olimongoli u ohilaa potahuda-U̒ mai wau pomutoa̒lo. Bo Tio talolao mai ola-U̒ mowali palacayalo. Wau Wau̒ mopoo̒taa ode dunia wolo u ilodungohe-U̒ lonto o-Lio.”

YAHYA 8:42

Lapatao̒ ti Isa lotahuda ode limongolio, “Humayaalio Allahu Taa̒ala boito ti Paapamu, timongoli mamo tolia̒nga ola-U̒, sababu Wau̒ dungga-dungga mai lonto Allahu Taa̒ala. Wau̒ dungga-dungga mai diila wolo hilaa-U̒ lohihilao, bo Tiolo tamalolao mai ola-U̒.

YAHYA 9:29

Otaawa lami deu̒ Allahu Taa̒ala malo tahuda odelei Musa. Bo pasali lotau boito, diila otaawa lami lonto utoonu asalii-Lio.”

WUNGGULI LOMONGO RASULU 17:23

Sababu tou̒ watia lolontale mota topalito kotamu wau helo poo̒tuoto tataa-mbatiyalo potabiaamu, watia loo̒onto olo tambati tuwau uhepo dewowalo bake; totambati boito tulatuladu, ‘Duo̒lo Allahu Taa̒ala Taa Diila Otaawa.’ Naa, Allahu Taa̒ala tahe tuboo limongoli bo diila oonuhe limongoli boitolo, tahepo habariyou̒ mai olimongoli.

ROMA 1:28

Masababu manusia diila molaasa palalu moo̒onuhe to Allahu Taa̒ala, yi hiluliaalo mao̒ lo Allahu Taa̒ala pikiilangi limongolio lowali lolusa, tilinggula timongolio helohutu susuu-aliyaalo udiila opohutuo limongolio.

ROMA 3:4

Tantu diila! Sababu malo patatai Allahu Taa̒ala laito otutu, eleponu timii̒du tau hipo himbuloa. Todelomo Kitabi tulatulade, “Wajibulio yio̒ obukuti otutu todelomo wolo uiloi̒yamu, wau yio̒ moo̒haama tou̒ yio̒ butoo̒lio.”

2 KORINTUS 1:18

Domi Allahu Taa̒ala tamowali palacayalo, danti lowatia to Wutato diila “Joo” wau “Diila”.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

TITUSI 1:2

Pongaajali boito patopatoa̒ to halapani deu̒ ito mamololimo tutumulo u tutuulio tutu wau ohiheo-hiheolo mao̒. Allahu Taa̒ala malo danti mai tutumulo boito tou̒ diipo bohulo jamani – wau Allahu Taa̒ala diila pongalo aakali mohimbulo.

IBRANI 6:18

Dulo sua̒li boito diila mowali mobolio̒: Allahu Taa̒ala diila pongalo aakali mohimbulo tomimbihu danti wau tadia-Lio. Sababu uito, ito tamaa lotiduo̒la to Allahu Taa̒ala, yiluntula-Lio daa̒ u motidihu tio̒otutua to halapani ubua̒-bua̒adu to talunto.

1 YAHYA 5:10

Sababu uito, taa palacaya to Walao̒ Allahu Taa̒ala, malo lolimo ososakusi boito todelomo hilaalio; bo taa diila momalacaya to Allahu Taa̒ala, malo nganggapu tutuuwauwa tutu sua̒liilio wolo Allahu Taa̒ala tamoo-himbuloa, sababu tio diila palacaya tou̒ wolo upilo tahuda mai lo Allahu Taa̒ala pasali lo Wala-I̒o.

BOHULO SEMUEL 2:12

Mongo walae̒e Eli hileeta daa̒. Timongolio diila momandungi to Eeya