YAHYA 7:27 - KITABI HABARI MOPIOHE

²⁷ Bo wonu Olongia Tamoo-poa̒ahua boito meidungga mai diaaluo penu boli ngotaa mao̒ tamotota monto utoonu asalii-Lio! Lebe-lebe pomao̒ otaawanto lonto utoonu asalii-Lio lotau botie.”

YAHYA 7:27 ပူးပေါင်းရင်းမြစ်များ

YESAYA 11:1

Wali mai li Olongia Dauda debo odelo batanga ayu u mailuwodu. Bo debo odelo monto tuodio mobutu tumbinga bohu, odieelo mola olo monto wali mai lei Dauda matumoodei ngotaalio li olongia.

YESAYA 53:8

Tio tilaahangiao wau ilaadili, lapatao̒ dilelo wau hilukuu-manilio mate. Diaaluo tamaa pandungi to paladio; tio yilate sababu dusa lo bangusaanto.

YEREMIA 23:5

Eeya lotahuda mai, “Mamei dungga wakutuulio, Wau̒ mamomudua̒a ngotaalio li olongia taa̒adili monto wali mai lei Dauda. Olongia boito mamomalenta, wau moponao̒ u aadili wau otutu to ngoilanggubu lipu.

YEREMIA 30:21

Olongia tamomalenta olimongoli asaliilio monto bangusaamu. Wolo beebasi tio mamohimbide ola-U̒ wonubolo tio tiango-U̒ mai motaalua wola-U̒. Sababu tatoonu tabuheeli motaalua wola-U̒ modudua̒ u otohilaalio lohihilao? Timongoli mamowali umati-U̒ wau Wau̒ mowali Allahu Taa̒ala limongoli. Wau̒, Eeya, talo tahuda mai uito.”

MIKHA 5:2

Oditolio, Eeya mamopoluli umati-Lio kiluwaasa lo mumuu-suuwaalo limongolio tunggula taabua tatilantu u mowali tiilo lo takaawasa boito malo potutu mai o-Lio. Lapatao̒ uito tau-tauwalo ngobangusaalio tawoluo to polayahu mamuli potuwaulo wolo bangusa limongolio.

MARKUSI 6:3

Diila maa Tio botie walao̒ pani lo ayu, walai̒ Maria, wau wutatee Yakobus, Yoses, Yudas, wau Simon? Ooo̒, mongo wuta-Tio taabua woluo olo hibiluloa̒wa tewe.” Sababu uito timongolio diila lololimo o-Lio.

LUKASI 4:22

Tataa-heyaalo u yilapali-Lio mopiohe daa̒, tilinggula timongolio lolinggolabe wau lodaha o-Lio. Timongolio maloloi̒ya, “Diila bo walae̒e Yusu Tio botie?”

YAHYA 6:42

Timongolio loloi̒ya mao̒, “Diila maa Tio botie ti Isa walae̒e Yusu? Otaawa lami mongo dulaa̒-Lio! Woloolo mola Tio mowali moloi̒ya deu̒ Tio malo tuhutai lonto sologa?”

YAHYA 7:15

Tahidihima kawasa lo Yahudi lolinggolabe daa̒ wau loloi̒ya, “Woloolo mola tau botie malotota odito daatalio, lebe-lebe pomao̒ Tio diipo pee̒enta mao̒ helo sikola?”

YAHYA 9:29

Otaawa lami deu̒ Allahu Taa̒ala malo tahuda odelei Musa. Bo pasali lotau boito, diila otaawa lami lonto utoonu asalii-Lio.”

WUNGGULI LOMONGO RASULU 8:33

Tio hilinaalio wau pilohutulio lou̒ diila aadili. Nyawa-Lio pilahutio lonto tudu lodunia tilinggula diaaluo penu boli ngotaa mao̒ tamoo̒ wungguli pasali lo walii-Lio.”