YAHYA 7:26 - KITABI HABARI MOPIOHE

²⁶ Bilohi mao̒ Tio hemobisala lou̒ bebasi totalu lotaa dadaata, wau diaaluo tamoloi̒ya wolo-wolo to o-Lio! Wolo tahidihima kawasa to olanto botie tanu malotota lou̒tau deu̒ Tio botie Olongia Tamoo-poa̒ahua?

YAHYA 7:26 ပူးပေါင်းရင်းမြစ်များ

POHUMAYA 28:1

Taa moleeto tumeteo̒ diaaluo tamo hilapito olio, bo taa juujulu, buheli debo odelo singa.

YESAYA 42:4

lou̒ diila molawalo meaambo mooli halapani, dilumutu u aadili potihulolo todunia. Lilii-puwaalo u molamingo mooloolo to pongaajalilio.”

MATIUSI 22:16

Yi timongolio malolao to tahidudua̒ olimongolio odeli Isa pee̒-pee̒enta wolo dengolo lota pongawaa̒ lopalatei lei Herodes. Tau-tauwalo boito loloi̒ya mao̒ odeli Isa, “Paaa̒ Guru, otaawa lami ti Paaa̒ ohilaa motulidu. Ti Paaa̒ malo ngaajali lou̒ juujuru tomimbihu kahandaki lo Allahu Taa̒ala ode manusia, lou̒ diila momandungi boli huhaama lo tatoonu. Sababu ti Paaa̒ diila momilohe tau.

LUKASI 23:13

Tei Pilatus malongambu mongo iimamu tau̒wa, mongo tau̒wa, wau ulipu,

LUKASI 7:30

Bo tau-tauwalo Parisi wau guguu-ruwaalo agama diila lohuto lololimo lanjana lo Allahu Taa̒ala ode batanga limongolio. Timongolio diila lohuto lihua lei Yahya.

YAHYA 12:42

Eleponu odito, dadaata tau, tumbao̒ towolota lo tahidihima kawasa lo Yahudi palacaya li Isa. Bo timongolio diila buheli motolongaku uito wolo juujulu, sababu timongolio moohe diila bolo taulo Parisi diila mongohi olimongolio tumuwoto ode bele potabiaalo.

YAHYA 18:20

Ti Isa lolametao̒, “Wau̒ laito hemo bisala wolo juujulu totalu lotaa dadaata. Wau̒ laito hemo ngaajali tobele potabiyaalo wau to Bele lo Allahu Taa̒ala, tambati taulo Yahudi u biasaalio hemo ambuwa. Diila pee̒enta mao̒ Wau̒ helo bisala wolo-wolo lou̒ tuua̒ao̒-tuua̒ao̒.

YAHYA 3:1

Woluo ngotaalio tao̒tanggulo to agama towimbihu taulo Parisi tai̒lunte Nikodemus.

YAHYA 4:29

“Dulo mai bilohi talo poo̒taa mai olaatia totoonulalo hitua-tuawua u mapee̒enta pilohutu lowatia. Wolo otanu Tiolo boito Olongia Tamoo-poa̒ahua?”

YAHYA 7:25

Lapatao̒ woluo dengolo lota taulo Yerusalemu loloi̒ya, “Diila maa Tio botie tau-Lio tahe lolohulo u pateelo mate-mateelo mao̒?

YAHYA 7:31

Dadaata towolota lotau-tauwalo boito mapilacaya o-Lio, wau hemoloi̒ya, “Wonu Olongia Tamoo-poa̒ahua boito meidungga mai, wolo Tio mowali mohutu lebe dadaata mao̒ u moo̒linggolabe wolo tau botie?”

YAHYA 7:48

“Wolo woluo tahidihima kawasa lonto olanto meaambo taulo Parisi tapalacaya o-Lio?

YAHYA 9:22

Mongo dulaa̒ lotau boito loloi̒ya mao̒ odito sababu timongolio moohe tomongo tau̒wa lo Yahudi; sababu timongolio boito malo heeluma, deu̒ tamo tolongaku mao̒ li Isa debo odelo Olongia Tamoo-poa̒ahua, diilalo mowali tumuwoto ode bele potabiaalo.

WUNGGULI LOMONGO RASULU 4:13

Popoo-ngawaa̒alo majalisi lobubutoo̒ boito lolinggolabu loo̒onto obuheli lei Petrus wolei Yahya, tidiyolo mao̒ otaawa limongolio deu̒ rasulu duulota boito yito tau-tauwalo biasa tadiila he osikolawa. Lapatao̒ timongolio bolo longalati mao̒ deu̒ rasulu duulota boito yito tau-tauwolo talo duduo̒ li Isa.

PILIPI 1:14

Wau pilo tutupawa olaatia maloo̒ sababu odaata lonto tau-tauwalo Nasara tokota botie lowali lebe yakini poli to Eeya, tilinggula timongolio lebe buheli helo pohabari tahuli lo Allahu Taa̒ala lou̒ diila wohe-wohe.