YAHYA 7:23 - KITABI HABARI MOPIOHE

²³ Wonu timongoli mohutu uito alihu diila mao̒ molambanga wuu̒du lei Musa pasali lou̒ sunati, yilongola timongoli moingo ola-U̒, sababu lopoo̒luli ngangaa-waa̒lo mao̒ batanga lotau todulahu Saabati?

YAHYA 7:23 ပူးပေါင်းရင်းမြစ်များ

PILOTIMUA̒TA 31:14

Dulahu pohuheliyala boito musi hulumatia mao̒ limongoli odelo dulahu u mantali. Timongoli wohiya-U̒ mai wolomohui mola u pokalajaalo, bo todulahu opitulio yi todulahee daa̒ u pohetuwola ola-U̒. Tatoonu tadiila mohulumati mao̒ dulahee boito, bo mokalaja todulahee boito musi hukuu-maniyolo mate.

MATIUSI 12:10

Mota teto woluo tamailate uluu̒lio ngotuwali. Dengolo lota tao̒hilaa mololohe totala li Isa, lohintu mao̒ o-Lio, “Wolo mowali mopoo̒luli tau todulahu Saabati?”

MATIUSI 12:2

Tou̒ tau-tauwalo Parisi loo̒onto mao̒ uito, malo loi̒ya timongolio odeli Isa, “Bilohi! tahidudua̒ ole-Mu malo lambanga butoo̒ lo agamanto lou̒ hipohutua u dinidini todulahu Saabati.”

MATIUSI 12:5

Meaalo diipo pee̒enta timongoli lopobaca mao̒ todelomo butoe̒e Musa u timii̒du dulahu Saabati mongo iimamu tahe otuugasia to Bele lo Eeya, hipo lambangawa wuu̒du lodulahu Saabati, bo diila pilopo talalio?

YAHYA 5:10

Sababu uito tahidihima kawasa lo Yahudi malo loi̒ya totaa boheli loluli mao̒ boito, “Dulahu botie dulahu Saabati. Yio̒ diila mowali momintaa̒ amongumu.”

YAHYA 7:21

Ti Isa lolametao̒, “Bo wambao̒ tuwau kalaja pilohutu-U̒ todulahu Saabati, wau timongoli lolinggolabu.

YAHYA 9:16

Dengolo lota towolota tau-tauwalo Parisi boito loloi̒ya, “Diila pongalo aakali taa ulohutu utie asaliilio mai lonto Allahu Taa̒ala, sababu Tio diila momandungi dulahu Saabati.” Bo taa wewo loloi̒ya, “Diila pongalo aakali taa odusa mohutu momoo̒-linggolabeyalo debo odelo utie?” Lapatao̒ tilumoodulo mola huhama u hihiihede towolota limongolio.