YAHYA 7:22 - KITABI HABARI MOPIOHE

²² Tei Musa longohi mai olimongoli wuu̒du u polunaalo – eleponu sunati boito otutuulio mao̒ asaliilio mai diila lonto olei Musa bo lonto mongo tiyamo loluuhuru tou̒ dipolulio mai tei Musa. Sababu uito, penu boli todulahu Saabati timongoli ohilaa moluuna tau.

YAHYA 7:22 ပူးပေါင်းရင်းမြစ်များ

ILOOWALI 21:4

wau tou̒ tei Isihaka maa o umulu walu hui mola, tei Abraham loluuna mola olio, tutuuu̒de wolo palenta lo Allahu Taa̒ala.

IMAAMATI 12:3

Todulahee u owalulio walai̒o musi tunaalo.

WUNGGULI LOMONGO RASULU 7:8

Lapatao̒ lotahuda odito buuhuta lodanti boito silaaha lo Allahu Taa̒ala wolo upacala losuunati. Yi lapatao̒ tei Isihaka, walae̒e Abraham pilotutulio mai, tei Abraham loluuna olio tou̒ maa o umulu walu hui. Lapatao̒ tei Isihaka loluuna mao̒ walai̒o olo, deu̒ito-yito tei Yako. Wau tei Yako olo loluuna walai̒o tamopula duulota, deu̒ito-yito talowali tiyamo loluhuru bangusa lo Yahudi.

GALATIA 3:17

U ohilaa too̒owali mai lowatia teea yito utie: danti lo Allahu Taa̒ala mapilohutu wau silaaha mai leimulo. Butoo̒ lo agama uilohi mai wopato hetuto tolo pulu lotaunu lapatio mao̒ diila moo̒lomelo saahalio wau moluluto danti lo Allahu Taa̒ala boito.