YAHYA 7:17 - KITABI HABARI MOPIOHE

¹⁷ Taa u mohuto moduduo̒ u otohilaa lo Allahu Taa̒ala, mamotota mao̒ wolo pongajali-U̒ boito dudunggaalio mai monto Allahu Taa̒ala meaambo monto ola-U̒ lohihilao.

YAHYA 7:17 ပူးပေါင်းရင်းမြစ်များ

JABURU 119:10

Wolo lealeaatu lohilao watia motolopani motota to Eeya, diila mao̒ polulia mai watia mohei monto palenta lo Eeya.

JABURU 25:12

Eeya mongaajali totaa saale tumutumulo dalalo u musi nao̒o limongolio.

JABURU 25:14

Eeya yito sahabati lotaa u saale tumutumulo, Eeya helo poi̒laalo makusudu lo Eeya toli mongolio.

POHUMAYA 28:5

U aadili diila opahaamua lotaa momaahu palenta, bo taa u molubo to Eeya, otu-otuulo mao̒ moo̒ pahaamu.

POHUMAYA 3:32

Sababu, Eeya molonuo̒ totaa u hipohutua u moleeto, bo Eeya mosahaabatia daa̒ wolo taa u motulidu tutumulio.

YESAYA 35:8

Mola teto mawoluo dalala daa̒, “Dalalo dulu-dulunga ode u moa̒ahu” tanggulio. Taa odusa diila tamolibaya mola teto, taa mohulodu diila tamopo lapaalo totaa u molibaya mao̒.

DANIALI 12:10

Daa-daata taa maa ujiolio wau poberesilio mao̒. Timongolio taa hileeta diila taa mongalati wau maa tulusi mohutu u moleeto; bo timongolio taa hibiijakia maa mongalati.

HOSEA 6:3

Sababu uito duloolo ito motolopani u tio̒otutua motota to Eeya. Tio tantu mamei dungga mai ode olanto debo odelo u mapobutua mai mato lodulahu, wau debo odelo didi u mopobata mai huta to pulito sembo lo polodidi.”

MIKHA 4:2

timongolio ngoa̒amila mamoloi̒ya, “Dulo ito mobotula mola ode huludu Eeya ode Bele lo Allahu Taa̒ala lo Isirai̒lu! Eeya mamo ngaajali mai olanto wolo u musi pohutuwonto. Ito mamo dudua̒ dala-Lio sababu pongaajali lo Eeya meidungga mai monto Yerusalemu; monto Sion Eeya lotahuda ode umati-Lio.”

MALEAKHI 4:2

Bo to olimongoli taa modungohe ola-U̒, kawasaa-U̒ u mopoa̒ahu mamobutu mai debo odelo mato lodulahu, wau tinelio mowali mopoo̒oluli. Timongoli mamolopato wau meengahe debo odelo walao̒ sapi u boheli yilumualai monto lantunga.

MATIUSI 6:22

“Mato yito tohe lobatanga. Wonu matomu mobaango, ngoa̒amila batangamu mobaango daa̒.

LUKASI 8:15

Bili u lobiihuto tohuta u molomiodu debo odelo taa u modungohe habari boito, lapatao̒ tilahulio todelomo hilao u mopiohu wau motulidu. Timongolio moo̒ tahangi tunggula mongohi hungo.”

YAHYA 3:21

Bo taa u hipohutua kahandaki lo Allahu Taa̒ala monao̒ mai ode mobaango alihu mowali moi̒laalo deu̒ wolo u pilohutulio boito yito modudua̒ kahandaki lo Allahu Taa̒ala.

YAHYA 8:43

Wolo sababuulio timongoli diila mongalati wolo upilo tahuda-U̒? Sababu timongoli diila moo̒ tahangi modungohe pongaajali-U̒.

YAHYA 8:44

Ibilisi wambao̒ ti paapamu, wau timongoli mohuto modudua̒ u otohilaa lipaapamu. Tumulalo mai bohulio ibilisi boito moomatea mate-mateelo mao̒. Tio diila pee̒enta mao̒ motiwambao̒ ode u otutu, sababu diaaluo u otutu to olio. Wonu tio mohimbulo, uito mawaajibu, sababu mao̒dito pii̒liilio. Tio mohimbuloa wau bungo lou̒ totoonulalo yimbulo.

YAHYA 8:47

Taa asaliilio mai monto Allahu Taa̒ala, modungohe tahuda lo Allahu Taa̒ala. Bo timongoli diila lonto Allahu Taa̒ala, uitolo sababuulio timongoli diila mohuto modungohu.”

WUNGGULI LOMONGO RASULU 17:11

Tau-tauwalo to Berea lebe lohuo̒ hilaa limongolio wolo tau-tauwalo to Tesalonika. Wolo sanangi lohilao timongolio helo dungohe habari pasali li Isa, wau timii̒du dulahu timongolio hemotulete Kitabi alihu motota mao̒ wolo u hepo ngaajali lei Paulus boito otutu.