YAHYA 7:14 - KITABI HABARI MOPIOHE

¹⁴ Tohuungo lo lameyangi, ti Isa tilumuwoto ode delomo Bele lo Eeya, tulusi lolumulao̒ longaajali.

YAHYA 7:14 ပူးပေါင်းရင်းမြစ်များ

MALEAKHI 3:1

Totametai lo Eeya Taa Laba-labaalo kawasa, “Wau̒ mamolao mai utoliya-U̒ u mopodapato dalalo ola-U̒. Yi wolo tumahuo̒lo mola Wau̒, Eeya tahe lolohu olimongoli, mamei dungga ode Belee-U̒. Utoliya-U̒ tahe wooloolo limongoli boito mamei dungga mai wau mopo malalumu daantiaa-U̒.”

YIA̒APO 29:17

Todulahee u oluolio podewowa mao̒ mopulaa duluo sapi ulai̒ buboto, duluo himba ulai̒ buboto, wau mopulaa pato walao̒ himba ulai̒ ou̒umulu ngotaunu, tinggai udiila otailio.

YIA̒APO 29:20

Todulahee u otolulio podewowa mao̒ mopulaa tuwau sapi ulai̒ buboto, duluo himba ulai̒, wau mopulaa pato walao̒ himba ulai̒ ou̒umulu ngotaunu, tinggai udiila otailio.

MATIUSI 21:12

Lapatao̒ ti Isa tilimuwoto ode Bele lo Eeya, wau helo pohinggi ngoa̒amila tahipo tataalia mota teto. He bilantulele-Ngio memee-jawaalo lo tahipo tutuuloa̒ lodoi, wau babaa-nggawalo lotahi podahangia poombo.

MATIUSI 26:55

Lapatao̒ ti Isa lotahuda mao̒ ode taa dadaata boito, “Wolo Wau̒ botie tamoleeto, tunggula timongoli lonao̒ mai hidelowa wamilo wau ayu pongokoo̒ mai moheu̒pa ola-U̒? Ngohui-ngohui Wau̒ hemo ngaajali to Bele lo Allahu Taa̒ala, wau timongoli diila loheu̒pa ola-U̒.

LUKASI 19:47

Timii̒du dulahu ti Isa hemo ngaajali to Bele lo Eeya. Mongo iimamu tauwa, wau guguu-ruwaalo agama wolo mongo tau̒wa lo Yahudi, ohilaa momate-mateelo mao̒ o-Lio,

YAHYA 18:20

Ti Isa lolametao̒, “Wau̒ laito hemo bisala wolo juujulu totalu lotaa dadaata. Wau̒ laito hemo ngaajali tobele potabiyaalo wau to Bele lo Allahu Taa̒ala, tambati taulo Yahudi u biasaalio hemo ambuwa. Diila pee̒enta mao̒ Wau̒ helo bisala wolo-wolo lou̒ tuua̒ao̒-tuua̒ao̒.

YAHYA 5:14

Lapatao̒ ti Isa lodunggaya wolo tau boito todelomo Bele lo Eeya, wau lotahuda mao̒ olio, “Botia yio̒ maloluli. Diilalo pohutu dusa, alihu yio̒ diila moo̒laasa mai sua̒li ulebe moleetao̒.”

YAHYA 7:2

Towakutu boito malembidei Dulahu Buka Wombohe Duungo.

YAHYA 7:28

Lapatao̒, tou̒ ti Isa donggo hemo ngaajali todelomo Bele lo Eeya, Tio longibode mola wolo suala daa̒, “Oditolio otaawa limongoli tatoonu Wau̒ botie, wau lonto utoonu asalii-U̒? Wau̒ diila leidungga mai sababu otohilaa-U̒ lohihilao. Wau̒ yilao-Lio mai lo tao̒haku lolao mai ola-U̒, wau Tio mowali palacayalo. Bo timongoli diila moo̒onuhe o-Lio.

YAHYA 7:37

Topulito dulahu lo lameyangi boito, deu̒ito-yito dulahu ulaba-labaalo polohuna daa̒, ti Isa tilimihulao̒ todelomo Bele lo Eeya tulusi longiibode, “Taa u mototoa̒ngo ponao̒lo mai ode ola-U̒ mai mongilu.

YAHYA 8:2

Loloombulio mola dimodupo Tio lonao̒ mota poli ode Bele lo Eeya, wau dadaata tahe lonao̒ mai ode o-Lio. Ti Isa malo tihuloa̒a mola, tulusi lolumulo longaajali mao̒ olimongolio.

YAHYA 8:20

Ngoa̒amilalo botie pilotahuda li Isa tou̒ Tio donggo hemo ngaajali to Bele lo Eeya totili bubuu-luwaalo lodoi podewo. Bo diaaluo penu boli ngotaa mao̒ talo heu̒pa o-Lio, sababu diipo leidungga wakutuulio.