YAHYA 6:9 - KITABI HABARI MOPIOHE

⁹ “Tewe woluo walao̒ talolai̒ wolo limo lobotu roti wau uponula dulo botu. Bo wolo boliilio uito totaa dadaata botie?”

YAHYA 6:9 ပူးပေါင်းရင်းမြစ်များ

BOHULO MONGO OLONGIA 4:28

Timii̒du uhuuhu boito olo hipongohia pale wau laato ode ngoa̒amila wadala lei Salomo, mopio wadala hetae̒yalo meaambo wadala lokaleta. Ua̒alo binatangi boito hedilelolio ode lalaa-ntungaalo wadala ngodaata u palaluwolo.

OLUO MONGO OLONGIA 7:1

Tei Elisa lolametao̒, “Dungohi mao̒ wolo u tilahuda mai lo Eeya! Loombu tanu to wakutu debo odelo utie, wolo ngopita doi talaa̒ wambai̒o tau moo̒tali tolokilo pale u mopiohe daa̒ meaalo wolomo kilo u ngodalala wewo.”

JABURU 147:14

Eeya modaha mai madalamu alihu debo aamani, wau moposanangi mai olemu wolo pale u mopiohe daa̒.

JABURU 78:19

Timongolio loluwali to Allahu Taa̒ala wolo loloi̒ya, “Tingga mambo Allahu Taa̒ala mongohi mai ua̒alo olanto tohuta datahu wau luasi udelita?

JABURU 78:41

Pipiiu̒wa timongolio helo himontala to Allahu Taa̒ala, loposuusa Taa Mantali Allahu Taa̒ala lo Isirai̒lu.

JABURU 81:16

Taa u molonuo̒ ola-U̒ mapo taa̒alukuwo-U̒, timongolio mahukuu-maniyo-U̒ u ohiheo-hiheolo mao̒.

YEHESKIEL 27:17

Yehuda wau Isirai̒lu moluloa̒a balangi lo daahangimu wolo pale, hula lotiia̒, winulo jaitun wau ramba-ramba.

MATIUSI 14:17

“Amiaatia bo wambao̒ oroti limo lobutu wau uponula dulo botu!” tametao̒ lo tahidudua̒ li Isa boito.

MATIUSI 16:9

Debo diipo mongalati timongoli? Diila oe̒ela mola limongoli u roti limo lobotu mapili-pilitanga-U̒ ode taalimo lolihu lota? Ngoolo kalanji lebelio loroti u mailimoi̒ mongoli?

MARKUSI 6:38

Lapatao̒ yilintu mao̒ li Isa, “Ngoolo roti tolimongoli? Nte mota bilohi mai.” Lapatao̒ mota bililohei limongolio, malo loi̒ya timongolio, “Woluo roti limo lobutu wau woluo olo dulo botu uponula.”

MARKUSI 8:19

toroti limo lobotu boito u mapili-pilitangu-U̒ ode talimo lolihu lota? Ngoolo kalanji lebe lou̒ aalo uilimoi̒ mongoli?” “Mopulaa duluo,” tametao̒ limongolio.

LUKASI 9:13

Boti Isa lolametao̒, “Timongolilo tamopo tamelao̒ olimongolio.” Tahidudua̒ li Isa loloi̒ya mao̒, “Woluo to olamiaatia roti bo limo lobotu wau uponula dulo botu. Wolo amiaatia tamusi motali mai ua̒alo ode taa ngoa̒amila botie?”

YAHYA 11:21

Loi̒ya mao̒ li Marta odeli Isa, “Eeya, humayaalio Eeya woluo teea tou̒ boito, tantu wutato lowatotia diila yilate.

YAHYA 11:32

Tou̒ ti Maria leidungga totambati li Isa wau loo̒onto o-Lio, maloti bonggohuu̒lo mola ti Maria totalu li Isa wau loloi̒ya, “Eeyau̒, wonu Eeya woluo teea tou̒ boito, tantu wutato lowatotia diila yilate.”

YAHYA 21:10

Ti Isa lotahuda mao̒ olimongolio, “Nte deloa mai odia tola ngoolo botu u heli yilau̒pai limongoli.”

YAHYA 21:13

Lapatao̒ ti Isa lohimbideo̒ olimongolio, wau lohama roti boito, wau yiludu-Lio olimongolio. Tio malohutu odito olo wolo tola boito.

YAHYA 21:9

Tou̒ timongolio lolaaheo̒ lonto bulotu, iloontonga limongolio woluo bohu lotulu mola teto wolo tola toitaatio wau roti.

YAHYA 6:11

Lapatao̒ ti Isa malohama roti boito tulusi losukuru mola ode Allahu Taa̒ala. Lapatao̒ uito Tio lolaya-layadeo̒ roti boito totaa dadaata. Lapatao̒ Tio lolaya-layadeo̒ uponula boito, wau timongolio malo lamelo lotolu-toluulo mao̒.

YAHYA 6:7

Tei Pilipus lolametao̒, “Roti u ngohalaga dulo hetuto doi talaa̒ diila tamoo̒ tuheta totau-tauwalo botie, eleponu ngota-ngota bo moo̒tapu ngoi̒di wambao̒.”

2 KORINTUS 8:9

Sababu otaawa limongoli tutu deu̒ ito otolia̒ngo daa̒ li Isa Almasi Eeyanto. Tio kaya bo Tio lohutu batanga-Lio lowali mosikini ode polohuna daa̒ limongoli, alihu wolo omosikini-Lio boito, timongoli mowali kaya.

TINGULI 32:14

Sapi wau batade himba limongolio mongohi tilapulo dadaata susu; bibiahi mongolio laba-labaalo omutu, pale wau taluhu angguru limongolio laba-labaalo mopiohu.

TINGULI 8:8

Lipu boito mongohi mai tilapulo pale u hidala-dalaala, angguru, hungo lo ara, hungo lodalima, bungo lo ayu jaitun wau hula lotiia̒.

WAHI 6:6

Wau watia loo̒dungohe hitua-tuawua u odungohe debo odelo suala hemo ngiibodu tohuungo opaato mahaluku boito. Suala boito loloi̒ya mai “Pale ngoliteri u mopiohe ngohalaga lowuupa ngohui, wau tolo literi pale ngohilaide wewo ngohalaga lowuupa ngohui olo. Bo diila mao̒ poluusawa bubuu-ngowaalo jaitun wau ilengi lo angguru!”