YAHYA 6:70 - KITABI HABARI MOPIOHE

⁷⁰ Ti Isa lolametao̒, “Wolo diila maa Wau̒ talo lulaotao̒ olimongoli tamo pulaa duulota botie? Bo ngota towolota limongoli yito lati!”

YAHYA 6:70 ပူးပေါင်းရင်းမြစ်များ

YAHYA 13:18

Wolo u tilahuda-U̒ mai botie diila tomimbihu olimongoli ngoa̒amila. Otaawa-U̒ tita-tita tamaa tilulaotu-U̒. Bo wolo u tulatuladu todelomo Kitabi, musi motoduo mai, deu̒ito-yito, ‘Taa molamela wola-U̒, mamoluwali ola-U̒.’

YAHYA 13:2

Ti Isa wau tahidudua̒ o-Lio donggo hipolamela hui. Ibilisi malo potuwoto niyatilio ode hilaa lei Yudas walae̒e Simon Iskariot u mohiyanati li Isa.

YAHYA 13:21

Lapatao̒ ti Isa lotahuda odito, malodehu daa̒ hilaa-Lio. Lapatao̒ Tio lotahuda mao̒, “Otutu banali tahuda-U̒ botie: tala ngota limongoli mamo hiyanati ola-U̒.”

YAHYA 13:27

Lolamemeto lapatao̒ tei Yudas lololimo roti boito, Ibilisi matilumuwoto ode delomo hilaalio. Lapatao̒ ti Isa lotahuda mao̒ olio, “Hua̒a pohutuwalo wolo u otohilaa pohutuwomu.”

YAHYA 15:16

Diila timongoli talo lulaoto ola-U̒. Wau̒lo talo lulaotai olimongoli, wau mopoa̒hu olimongoli u momungo dadaata – huhuu-ngowaalo udiila mowali binasa. Yi ti Paapa-U̒ mamongohi mai olimongoli boli wolo upohile mola limongoli o-Lio to tanggulu-U̒.

YAHYA 15:19

Humayaalio timongoli miliki lodunia, timongoli matolia̒ngo lodunia debo odelo milikiilio. Bo Wau̒ malo lulaoto olimongoli lonto dunia botie, oditolio timongoli diilalo miliki lodunia, uito sababuulio dunia molonui̒ mongoli.

YAHYA 17:12

Tou̒ Watia donggo pee̒-pee̒enta woli mongolio, Watia malodaha olimongolio wolo okokawasa tangguli Paapa – tanggulo uilohi mai li Paapa olaa-Tia. Watia malodaha olimongolio wau diaaluo penu boli ngotaa mao̒ limongolio tailooli, ngopohia tio tameemangi musiilio mooli; alihu woleeto boito motoduwolo mai wolo u tulatuladu todelomo Kitabi.

YAHYA 2:2

Ti Isa wolo tahidudua̒ o-Lio tiloduwolio olo ode potihunggu boito.

YAHYA 20:24

Tei Tomas (tai̒lunte “Pingi”) ngotaalio lo tamo pulaa duulota muri li Isa, diaaluo pee̒-pee̒enta wolo tawewo tou̒ ti Isa leidungga mai.

YAHYA 6:64

Bo debo woluo olo towolota limongoli tadiila mohuto palacaya.” (Mai̒lotaawa li Isa tou̒ bohulio mai titatita tadiila mohuto palacaya, wau tatoonu tamamo hiyanati o-Lio.)

YAHYA 6:67

Lapatao̒ ti Isa lohintu mao̒ to tamo pulaa duulota tahidudua̒ o-Lio, “Wolo timongoli olo mohuto mololaa mao̒ ola-U̒?”

YAHYA 6:71

Tapilatuju li Isa yito tei Yudas walae̒e Simon Iskariot. Sababu eleponu tei Yudas ngotaalio lo tamo pulaa duulota muri li Isa, tio mamo hiyanati li Isa.

YAHYA 8:44

Ibilisi wambao̒ ti paapamu, wau timongoli mohuto modudua̒ u otohilaa lipaapamu. Tumulalo mai bohulio ibilisi boito moomatea mate-mateelo mao̒. Tio diila pee̒enta mao̒ motiwambao̒ ode u otutu, sababu diaaluo u otutu to olio. Wonu tio mohimbulo, uito mawaajibu, sababu mao̒dito pii̒liilio. Tio mohimbuloa wau bungo lou̒ totoonulalo yimbulo.

WUNGGULI LOMONGO RASULU 1:17

Tei Yudas yito tala ngota lonto olanto, wau tio maa tilulaota olo u lodudua̒ lokalaja pee̒-pee̒enta wolanto.” (

WUNGGULI LOMONGO RASULU 13:10

lapatao̒ loloi̒ya mao̒, “Wuu tamoo-himbuloa tutu, walao̒ jahanama! Yio̒ musu lo totoonulalo umopiohe. Yilongola yio̒ diila mohuheli mongantulu patuju lo Allahu Taa̒ala u mopoa̒ahu manusia?

1 TIMOTIUS 3:11

Dile limongolio taabua olo mamusi taa mopiohu, diila taa motohilaa mopo loladu loi̒ya udiila ohunalio. Musi otaawa mao̒ limongolio mongotongo batanga wau juujulu todelomo ngoa̒amila sua̒li.

TITUSI 2:3

Odito olo yio̒ mamusi monaseehati mao̒ mongobua tahi huulanga alihu pii̒li limongolio motuuu̒de lou̒ wolo upaatuti duo̒lo taa u hitumula tolomodu ode Allahu Taa̒ala. Timongolio diila mowali mopitana taa wewo, wau diila mowali otolonga lo minumani umoo̒ huwoo̒. Timongolio musi mopoa̒jali mao̒ susuu-aliyaalo u mopiohe,

1 YAHYA 3:8

Bo taa u mohutu dusa mololaalaaita yito walao̒ Ibilisi, sababu Ibilisi odusa tumulalo mai bohulio. Masababu uitolo Walao̒ Allahu Taa̒ala meidungga, deu̒ito-yito mai mongantulu kalaja lo Ibilisi.