YAHYA 6:62 - KITABI HABARI MOPIOHE

⁶² Woloolo mola waliilio dewonu timongoli moo̒onto Walao̒ Manusia muli mobotula mola ode tambati-Lio u bohulio?

YAHYA 6:62 ပူးပေါင်းရင်းမြစ်များ

MATIUSI 8:20

Ti Isa lolametao̒, “Saligala oliyango, wau bulungi obeelealio, bo Walao̒ Manusia diila otambati u poti balatalo.”

MARKUSI 16:19

Lapatao̒ ti Isa Eeya helo bisala woli mongolio, Tio bilinta-I̒o, mola ode sologa. Mola teto Tio momalenta pee̒-pee̒enta wolo Allahu Taa̒ala.

LUKASI 24:51

Tou̒ tio donggo hemohutu uito, Tio bilintai̒o ode sologa, tulusi lobua̒ala woli mongolio.

YAHYA 16:28

Memangi asalii-U̒ lonto li Paapa-U̒, wau malei dungga mai ode delomo dunia. Bo botia Wau̒ mamololaa mao̒ dunia u mohualinga mola odeli Paapa-U̒.”

YAHYA 17:11

Botia Watia monao̒ mai odeli Paapa. Watia diilalo motibiluloa̒ todunia; bo timongolio woluo todunia. Paapa tamantali! Dahailo mai timongolio wolo okokawasa tangguli Paapa, deu̒ito-yito tanggulo u mailohi mai li Paapa olaa-Tia – alihu timongolio mowali tuwau, tutuuwauwa debo odelo ti Paapa wau Watia tuwau olo.

YAHYA 3:13

Diaaluo penu boli ngotaa tapee̒enta mao̒ lobotula mola ode sologa, ngopohia Tio tamalo laahei ode dunia, deu̒ito-yito Walao̒ Manusia.

YAHYA 6:27

Diila mao̒ pokalaja u moo̒tapu mai ua̒alo u mowali mopulito wau mobunuto. Pokalajaalo u moo̒tapu mai ua̒alo udiila mowali mobunuto u mongohi tutumulo ututuulio tutu wau ohiheo-hiheolo mao̒. Ua̒alo boito mawohi mai lo Walao̒ Manusia olemu, sababu Tio mapiluduo̒ lo Allahu Taa̒ala.”

YAHYA 6:42

Timongolio loloi̒ya mao̒, “Diila maa Tio botie ti Isa walae̒e Yusu? Otaawa lami mongo dulaa̒-Lio! Woloolo mola Tio mowali moloi̒ya deu̒ Tio malo tuhutai lonto sologa?”

YAHYA 6:53

Lapatao̒ ti Isa lotahuda mao̒ olimongolio, “Pomalacayalo: Wonu timongoli diila molamelo tapu lo Walao̒ Manusia wau mongilu duhu-Lio, timongoli diila tao̒tu-otutuulo mao̒ tumumulo.

WUNGGULI LOMONGO RASULU 1:9

Lapatao̒ ti Isa lotahuda mao̒ odito Tio bilinta-I̒o mola ode sologa iloontonga limongolio, wau heengo lohenggubei o-Lio to pomilohi mongolio.

1 PETRUS 3:22

wau malo botula mola ode sologa. Masaatia Tio okawasa pee̒-pee̒enta wolo Allahu Taa̒ala wau hemo malenta ngoa̒amila malai̒kati, ngoa̒amila tao̒kawasa wau ngoa̒amila olootolo.