YAHYA 6:31 - KITABI HABARI MOPIOHE

³¹ Tinenemoya lamiaatia lolamela manna tohuta datahu u luasi daa̒ wau delita, debo odelo u leitulade todelomo Kitabi, ‘Tio longohi olimongolio ua̒alo roti lonto sologa!’ ”

YAHYA 6:31 ပူးပေါင်းရင်းမြစ်များ

NEHEMIA 9:15

Tou̒ timongolio hepolaanga wau ilokulangia lo ua̒alo, roti lonto hulungo pilotuhutai lo Eeya. Wau lonto botu u loobuo̒, mototoheto wau moluwalo taluhee poluli totoa̒ngo pilopo tolohei lo Eeya wolo tolo-tolobulio. Ilahula lo Eeya timongolio lotihuloa̒a tohuta u pilodanti mai lo Eeya olio wolo tadia.

NEHEMIA 9:20

Wolo kawasa lo Eeya u mopiohu hepilate lo Eeya timongolio. Timongolio lolamelo manna wau longilu taluhu lotuuu̒delo mao̒.

JABURU 105:40

Timongolio helohile, tulusi pilopo dungga mai lo Eeya bilulu, timongolio yilohia lo Eeya roti lonto sologa tunggula lobutuhu.

PILOTIMUA̒TA 16:35

Manna boito lowali ua̒alo duo̒lo taulo Isirai̒lu ngotilonggadu wopato pulu lotaunu wumbutio mola, tunggula timongolio leidungga mola ode Kanaa̒n, tambati poti tatapua limongolio. (

YAHYA 6:32

Lapatao̒ ti Isa lotahuda mao̒ olimongolio, “Pomalacayalo: Diila tei Musa, boti Paapa-U̒lo tamongohi mai olemu roti u otutuulio mao̒ monto sologa.

YAHYA 6:49

Tinenemoyamu lolamelo manna tohuta datahu u luasi daa̒ wau delita wau timongolio yilate olo.

YAHYA 6:58

Uti-utieelo roti u lotuhutai lonto sologa; diila debo odelo roti u pilolameli nenemoyamu. Sababu tou̒ malo lamelo roti boito, timongolio debo yilate olo. Bo taa u molamelo roti botie matumumulo ohiheo-hiheolo mao̒.”

1 KORINTUS 10:3

Timongolio ngoa̒amilalo helo lamela ua̒alo rohu u tutuuwauwa,

TINGULI 8:3

Tio lopoluli mao̒ olimongoli pola-polaango, lapatao̒ timongoli yilohia-Lio maana u mowali aaloolo. Timongoli wau loluuhuru limongoli diila pee̒enta mao̒ lolamela ua̒alo boito tou̒ dipo-dipolulio mai. Eeya helohutu mao̒ odito u mongaajali mai olimongoli deu̒ manusia diila bo tumumulo monto ua̒alo wambao̒, bo monto totoonulalo hitua-tuawua u pilotahuda mai lo Eeya.

YOSUA 5:12

Todulahee boito olo manna diilalo lotuhutai lonto hulungo, wau taulo Isirai̒lu malo huheli lolamela manna. Tumulalo mao̒ tou̒ boito timongolio helo lamela ua̒lo tilapulo huta lo Kanaa̒n.

WAHI 2:17

Titaalo tita tamoo̒ dungohu, mamusi mopoo̒ tuoto wolo u tilahuda mai lo Rohullah to jajaa-maa̒alo! Timongolio tamoo̒haama, mapoluasiyo-U̒ molamela manna u tutuuo̒, wau ngota-ngota mamololimo monto ola-U̒ botu moputio̒ tuwau. To botu boito tulatulade tanggulo tuwau u bohu, udiila otaawa penu boli lotatoonu, ngopohia lotaa mololimo mao̒.”