YAHYA 6:30 - KITABI HABARI MOPIOHE

³⁰ “Wonu odito,” uali mongolio, “bukuti wolo u mowali wohi mai li Paaa̒ alihu amiaatia moo̒onto wau palacaya li Paaa̒? Wolo u mapohutuo li Paaa̒?

YAHYA 6:30 ပူးပေါင်းရင်းမြစ်များ

BOHULO MONGO OLONGIA 13:3

Uali nabi boito wumbutio mola, “Mesba botie mamo lohubu, wau wahu u toitaatio mamo bangguwata mola. Ui-uitolo bukutiilio deu̒ watia ilahula mai lo Eeya.”

BOHULO MONGO OLONGIA 13:5

Mesba boito debolo lolohubu lomola wau wahu toitaatio lotuwata mola ode huta, debo odelo u mailoi̒ya li nabi boito to palenta mai lo Eeya.

PILOTIMUA̒TA 4:8

Tahuda mao̒ lo Eeya, “Wonu timongolio diila mohuto palacaya olemu, meaalo diila yakini lapatao̒ loo̒onto mao̒ u moo̒linggolabe u bohulio, yi u moo̒linggolabe botie mamohutu mao̒ olimongolio palacaya.

PILOTIMUA̒TA 7:9

“Wonu ti olongia mei̒ pohutu mao̒ olimongoli u moo̒linggolabe odelo bukuti, ahuli mao̒ tei Haruna mohama mai tunggudio wau pomahula mola ode huta totalu li olongia. Tunggudu boito mamobolio̒ mowali tulidu.”

YESAYA 5:19

Uamu, “Huliilo mao̒ Eeya Allahu Taa̒ala mantali lo Isirai̒lu hua̒a mohutu mai! Huliilo mao̒ Eeya moponao̒ lo lanjanaa-Lio, alihu otaawanto wau motota.”

MARKUSI 15:32

Wonu Tio olongia taulo Isirai̒lu, Olongia Tamoo-poa̒ahua, opiohelio Tio botia molaahei monto ayu salipu boito, alihu oontonga lami wau ami mapalacaya o-Lio!” Tau-tauwalo tahe silaalipu pee̒-pee̒enta woli Isa boito olo helohina li Isa.

MARKUSI 8:11

Dengolo lota taulo Parisi lonao̒ mai odeli Isa, wau helo hahaamawa wo-Lio u mohentabu olio. Timongolio mei̒hutu li Isa u moo̒linggolabe odelo tuoto deu̒ Tio lonto Allahu Taa̒ala.

YAHYA 10:38

Bo sababu Wau̒ helohutu mao̒ uito, pomalacayalo tou̒ wolo u pilohutu-U̒ boito, eleponu timongoli diila mohuto palacaya ola-U̒. Lou̒ odito otaawa mao̒ limongoli wau mongalati deu̒ Allahu Taa̒ala debo tuwau wola-U̒, wau Wau̒ debo tuwau wolo Allahu Taa̒ala.”

YAHYA 12:37

Eleponu madadaata u moo̒linggolabe hepilohutu li Isa totalu limongolio, timongolio debo diila palacaya o-Lio.

YAHYA 2:18

Tahidihima kawasa lo Yahudi helo tehengi li Isa, uali mongolio, “Nte pohutua mai u moo̒linggolabe odelo tuoto olami deu̒ yio̒ ohaku mohutu mao̒ debo odelo utie.”

YAHYA 6:14

Tou̒ taa dadaata loo̒onto mao̒ moo̒linggolabe u pilohutu li Isa, timongolio malo loi̒ya, “Otutu, utieelo Nabi tahe halapuwolo meidungga mai ode dunia!”

YAHYA 6:2

Leidungga mola odito, dadaata talo dudua̒ o-Lio sababu timongolio maloo̒onto u moo̒linggolabu hepilohutu-Lio wolo lopoo̒luli tahi ngongota.

YAHYA 6:36

“Bo debo odelo u mapilo tahuda-U̒ mai olemu, eleponu timongoli maloo̒onto ola-U̒, timongoli diila palacaya.

WUNGGULI LOMONGO RASULU 4:30

Wohiyalo mai polo tulungi lo Eeya alihu taa mongongoto mowali poo̒luliolo wau ngoa̒amila u moo̒linggolabe wau susuu-aliyaalo upolu-polutuo̒ motoduo mai motimbulude to okokawasa wau olootolo monto tangguli Isa, Wato lo Eeya tamantali boito.”

1 KORINTUS 1:22

Taulo Yahudi hipohilea lou̒ moo̒ohuu̒ u moo̒linggolabu odelo bukuti, wau taulo Yunani hemo pou̒daa̒ tinepo lodunia botie.

IBRANI 2:4

Ngopohia mao̒ leeto, Allahu Taa̒ala lodudua̒ lopoo̒ toheeto osakusi lotau-tauwala boito lou̒ lopowoluo totoonulalo u moo̒linggolabe wau susuu-aliyaalo upolu-polutuo̒ wau lolaya-layadeo̒ totoonulalo wowohi lonto Rohullah lodudua̒ otohilaa-Lio lohihilao.