YAHYA 6:14 - KITABI HABARI MOPIOHE

¹⁴ Tou̒ taa dadaata loo̒onto mao̒ moo̒linggolabe u pilohutu li Isa, timongolio malo loi̒ya, “Otutu, utieelo Nabi tahe halapuwolo meidungga mai ode dunia!”

YAHYA 6:14 ပူးပေါင်းရင်းမြစ်များ

ILOOWALI 49:10

Tei Yehuda mamodihu tunggudu lo bele biluloa̒ saaha li olongia, waliilio mola mamomalenta ohiheo-hiheolo mao̒. Babaa-ngusawalo mamodelo mai doi uwajibu pomayali odeli olongia, wau mosujudu wolo taa̒luku totalulio.

MATIUSI 11:3

“Ti Paaa̒alo tamamei dungga mai modudua̒ danti lo Allahu Taa̒ala, meaanto amiaatia musi mohima mai taawewo?”

MATIUSI 21:11

“Tio Nabi Isa, lonto Najaret to Galilea,” tametao̒ lotaa dadaata tahidudua̒ li Isa.

LUKASI 24:19

“Polou̒tia wolo?” yilintu mao̒ li Isa. “Pasali uilowali woli Isa, talonto Najaret boito,” tametao̒ limongolio. “Tio Nabi. Tataahe-Lio wau huhutuu-Lio okawasa daa̒ – mopio moduduo̒ huhama lo Allahu Taa̒ala meaalo moduduo̒ huhama lotaa ngoa̒amila.

LUKASI 7:16

Ngoa̒amila tau mailoohe wau mahi pomujia Allahu Taa̒ala. Timongolio loloi̒ya, “Ngotaalio lonabi daa̒ maa yilumenetai tohuunginto! Allahu Taa̒ala maledungga mai mopoa̒ahu umati-Lio!”

YAHYA 1:21

“Wonu odito, tatoonu yio̒?” yilintu mao̒ limongolio. “Wolo yio̒ tei Elia?” “Diila,” tametao̒ lei Yahya. “Wolo yio̒ Nabi?” yilintu mao̒ limongolio poli. “Diila,” tametio mao̒.

YAHYA 11:27

“Eeya,” tametao̒ li Marta, “Watotia palacaya Eeya Walao̒ Allahu Taa̒ala, Olongia Tamoo-poa̒ahua tamamei dungga mai ode dunia botie.”

YAHYA 2:11

Ui-uitolo bohulo moo̒linggolabe u pilohutu li Isa. Tio lohutu uito to Kana to Galilea. Wolo tuoto boito Tio lopobilohe odudaa̒-Lio. Yi tahidudua̒ o-Lio palacaya o-Lio.

YAHYA 4:19

“Botia mai̒lotaawa lowatia ti Tuani nabi ngota,” loi̒ya lotaabua boito.

YAHYA 4:25

Taabua boito loloi̒ya mao̒ li Isa. “Otaawa lowatia Olongia Tamoo-poa̒ahua (tai̒lunte Almasi) mamei dungga. Wonu Tio meidungga, Tio mamo poo̒taa totoonulalo u hitua-tuawua to olanto.”

YAHYA 4:42

Timongolio loloi̒ya mao̒ ode taabua boito, “Ami palacaya masaatia, diila bo kalena u pilolelemu mai olami, bo sababu ami lohihilao malo dungohe o-Lio, wau otaawa lami deu̒ Tio memangi Tamoo-poa̒ahua dunia.”

YAHYA 6:2

Leidungga mola odito, dadaata talo dudua̒ o-Lio sababu timongolio maloo̒onto u moo̒linggolabu hepilohutu-Lio wolo lopoo̒luli tahi ngongota.

YAHYA 6:26

Ti Isa lolametao̒, “Otutu, timongoli hemo lolohe ola-U̒ diila bo sababu timongoli malo ngalati makusudu totoonulalo moo̒linggolabe u hepilohutu-U̒, bo sababu timongoli malo lamela tunggula lobutuhu.

YAHYA 6:30

“Wonu odito,” uali mongolio, “bukuti wolo u mowali wohi mai li Paaa̒ alihu amiaatia moo̒onto wau palacaya li Paaa̒? Wolo u mapohutuo li Paaa̒?

YAHYA 7:40

Dadaata taa loo̒dungohu wolo upilo tahuda li Isa, wau towolota limongolio woluo talo loi̒ya, “Tau botie maatantu Nabi boito!”

WUNGGULI LOMONGO RASULU 7:37

Tio-tiolo olo tei Musa talo loi̒ya ode bangusa lo Isirai̒lu, ‘Allahu Taa̒ala mamongohi mai olemu nabi ngota tatulaotolo to wolotamu lohihilao, tutuuwauwa debo odelo Tio lolulaota olau̒!’