YAHYA 6:11 - KITABI HABARI MOPIOHE

¹¹ Lapatao̒ ti Isa malohama roti boito tulusi losukuru mola ode Allahu Taa̒ala. Lapatao̒ uito Tio lolaya-layadeo̒ roti boito totaa dadaata. Lapatao̒ Tio lolaya-layadeo̒ uponula boito, wau timongolio malo lamelo lotolu-toluulo mao̒.

YAHYA 6:11 ပူးပေါင်းရင်းမြစ်များ

MATIUSI 15:36

Lapatao̒ Tio lohama roti pitu lobotu boito wau uponulalio, tulusi lolapali mola sukuru ode Allahu Taa̒ala. Lapatao̒ uito Tio lomita-mitangao̒ roti wau uponula boito wolo uluu̒-Lio tulusi yilohi-Lio ode tahidudua̒ o-Lio. Wau timongolio malo laya-layade mota totaa dadaata boito.

LUKASI 24:30

Tou̒ hihuloa̒a hipolamela pee̒-pee̒enta woli mongolio, ti Isa lohama roti, lolapali sukuru ode Allahu Taa̒ala, wau lomita-mitangao̒ roti boito wolo uluu̒-Lio, tulusi longohi mao̒ ode limongolio.

YAHYA 21:10

Ti Isa lotahuda mao̒ olimongolio, “Nte deloa mai odia tola ngoolo botu u heli yilau̒pai limongoli.”

YAHYA 21:13

Lapatao̒ ti Isa lohimbideo̒ olimongolio, wau lohama roti boito, wau yiludu-Lio olimongolio. Tio malohutu odito olo wolo tola boito.

YAHYA 21:9

Tou̒ timongolio lolaaheo̒ lonto bulotu, iloontonga limongolio woluo bohu lotulu mola teto wolo tola toitaatio wau roti.

YAHYA 6:23

Lapatao̒ demohelu ngoolo bulotu lonto kota lo Tiberias leidungga mai wau lotirabua totili lotambati lotaa dadaata boito hipo lamela roti u mailapato silukuru mola lo Eeya.

YAHYA 6:9

“Tewe woluo walao̒ talolai̒ wolo limo lobotu roti wau uponula dulo botu. Bo wolo boliilio uito totaa dadaata botie?”

WUNGGULI LOMONGO RASULU 27:35

Lapatao̒ loloi̒ya mao̒ odito tei Paulus malohama roti wau lolapali mola sukuru ode Eeya totalu limongolio ngoa̒amila. Lapatao̒ tio lolaya-layadeo̒ roti boito, tulusi lolamelo.

ROMA 14:6

Taa u mopou̒daa̒ duduu-laheyaalo utantu-tantu, tau boito mohutu odito u mohulumati Eeya. Taa u molamelo tilolahepalo mao̒, mohutu odito u mohulumati Eeya, sababu tio mosukuru ode Allahu Taa̒ala to ua̒alo boito. Odito olo wolo taa bo molamelo ua̒alo utantu-tantu wambao̒; tau boito olo mohulumati Eeya wau mosukuru to Allahu Taa̒ala.

1 KORINTUS 10:31

Penu boli wolo upohutuo lo Wutato – Wutato molamela meaalo mongilu – pohutua mao̒ ngoa̒amilalo boito u mopolaio̒ Allahu Taa̒ala.

1 TESALONIKA 5:18

Todelomo totoonulalo owowoluwoa mamusi timongoli mosukuru, sababu uitolo u otohilaa lo Allahu Taa̒ala monto olimongoli odelo taa tumu-tumulo motituwau woli Isa Almasi.