YAHYA 5:9 - KITABI HABARI MOPIOHE

⁹ Tou̒ boitolo olo tau boito loluli. Tio malo mintaa̒ amongio wau lonao̒. Sua̒li boito lotoduo mai todulahu Saabati.

YAHYA 5:9 ပူးပေါင်းရင်းမြစ်များ

YESAYA 35:6

Taa diila mowali monao̒ luma-lumantio̒ debo odelo buu̒lu, taa bubu motinga-tingalaa̒ meengahu. Sababu butu lotaluhu mopentelai to huta datahu u luasi wau delita, dutulaa tolotolohe tohuta datahu wau luasi udiila tilolopani.

YEREMIA 17:21

Polelela mao̒ odie: ‘Wonu timongoli diila motohilaa mate, diila mao̒ pomintaa̒a balangi todulahu Saabati, meaambo modelo tumuwoto molibaya to huhuu-hebuwaalo hulubangi lo Yerusalemu.

MARKUSI 1:31

Yi ti Isa malo himbideo̒ ode tiilo moluhengee Simon, wau lodihu mao̒ uluu̒lio, lapatao̒ lotulungi olio lobongu. Huhuulio mailoole lomola, wau tio malohinta olimongolio.

MARKUSI 1:42

To saaa̒tilo boito ngongotio yilooli wau tio maloluli.

MARKUSI 10:52

“Ponao̒lo,” tahuda mao̒ li Isa, “Sababu yio̒ palacaya ola-U̒, yio̒ maloluli.” Tou̒ boitolo tau boito maloo̒onto. Lapatao̒ tio malo dudua̒ li Isa todalalo.

MARKUSI 5:29

Tio malo dedeta jumba li Isa, wau tou̒ boitolo mola duhulio tilumonggodu. Tio loo̒laasa deu̒ tio maloluli.

YAHYA 5:14

Lapatao̒ ti Isa lodunggaya wolo tau boito todelomo Bele lo Eeya, wau lotahuda mao̒ olio, “Botia yio̒ maloluli. Diilalo pohutu dusa, alihu yio̒ diila moo̒laasa mai sua̒li ulebe moleetao̒.”

YAHYA 7:23

Wonu timongoli mohutu uito alihu diila mao̒ molambanga wuu̒du lei Musa pasali lou̒ sunati, yilongola timongoli moingo ola-U̒, sababu lopoo̒luli ngangaa-waa̒lo mao̒ batanga lotau todulahu Saabati?