YAHYA 5:42 - KITABI HABARI MOPIOHE

⁴² Oonuhe-U̒ timongoli. Otaawa-U̒ timongoli diila motolia̒nga to Allahu Taa̒ala todelomo hilaamu.

YAHYA 5:42 ပူးပေါင်းရင်းမြစ်များ

LUKASI 16:15

Boti Isa lotahuda mao̒ olimongolio, “Timongolilo taa u totalu lotaa wewo oontonga otutu, bo otaawa lo Allahu Taa̒ala todelomo tuango hilaamu. Sababu wolo u hea̒nggapuo lomanusia lailaio̒, oontonga dupadupapa lo Allahu Taa̒ala.

YAHYA 2:25

Diila palalu tau mongohi tombango to o-Lio pasali penu boli olo tatoonu wambao̒, sababu otaawa-Lio lohihilao wolo uwoluo todelomo hilaa lomanusia.

YAHYA 21:17

U otolulio ti Isa luli lotahuda mao̒ olio, “Simon walae̒e Yona, wolo yio̒ motolia̒ngo ola-U̒?” Tei Petrus masiluukali sababu ti Isa malohintu olio tunggula poo̒otolu. Yi tei Petrus luli lolametao̒, “Eeya, otaawa lo Eeya totoonulalo u hitua-tuawua. Otaawa lo Eeya watotia motolia̒ngo to Eeya!” Tulusi ti Isa lotahuda olio, “Biyaheelo ngoa̒amila himba-U̒.

YAHYA 5:41

Wau̒ diila mololohe poloi̒laalo momuji monto manusia.

YAHYA 5:43

Wau̒ dungga-dungga mai wolo kawasa li Paapa-U̒, bo timongoli diila mololimo ola-U̒. Bo wonu taawewo dungga-dungga mai wolo kawasaalio lohihilao, timongoli motohilaa mololimo olio.

YAHYA 5:44

Woloolo mola timongoli moo̒ palacaya, wonu timongoli bo ohilaa mei̒puji monto timongotamu, wau diila motolopani u moo̒tapu poloi̒laalo momuji monto Allahu Taa̒ala u Tuwa-tuwaulo?

YAHYA 8:42

Lapatao̒ ti Isa lotahuda ode limongolio, “Humayaalio Allahu Taa̒ala boito ti Paapamu, timongoli mamo tolia̒nga ola-U̒, sababu Wau̒ dungga-dungga mai lonto Allahu Taa̒ala. Wau̒ dungga-dungga mai diila wolo hilaa-U̒ lohihilao, bo Tiolo tamalolao mai ola-U̒.

YAHYA 8:47

Taa asaliilio mai monto Allahu Taa̒ala, modungohe tahuda lo Allahu Taa̒ala. Bo timongoli diila lonto Allahu Taa̒ala, uitolo sababuulio timongoli diila mohuto modungohu.”

YAHYA 8:55

lebe-lebe pomao̒ timongoli diila moo̒onuhe o-Lio. Bo Wau̒ moo̒onuhe o-Lio. Humayaalio Wau̒ motahuda mai deu̒ Wau̒ diila moo̒onuhe o-Lio, yi Wau̒ ngotaalio lo tamoo-himbulowa, tutuuwauwa debo odelo timongoli. Wau̒ moo̒onuhe o-Lio wau modungohe tahudaa-Lio.

ROMA 8:7

Taa pikiilangilio kiluwasa pii̒li lomanusia, tau boito mumuusua wolo Allahu Taa̒ala; sababu tau boito diila taa̒luku tobutoo̒ lo Allahu Taa̒ala; wau memangi tio diila mowali taa̒luku tobutoo̒ lo Allahu Taa̒ala.

1 YAHYA 2:15

Diila mao̒ potolia̒ngo dunia botie, meaalo penu boli wolo uwoluo todelomo dunia botie. Wonu timongoli motolia̒ngo dunia, timongoli diila motolia̒ngo Allahu Taa̒ala.

1 YAHYA 3:17

Wonu ngotaalio talebe-lebe moo̒onto wutatio u ilodiaa̒a, bo diila mohuto motulungi wutatio boito, woloolo mola tau boito mowali moloi̒ya deu̒ tio motolia̒ngo Allahu Taa̒ala?

1 YAHYA 4:20

Wonu ngotaalio moloi̒ya, “Watia motolia̒ngo Allahu Taa̒ala,” bo tio diila motolia̒ngo wutatio, tau boito mohimbuloa. Sababu taa udiila motolia̒ngo wutatio tailoo-ntongalio, diila pongalo aakali mowali motolia̒ngo Allahu Taa̒ala tadiila iloontongalio.

WAHI 2:23

Tahidudua̒ olio mapate-U̒ olo mate-mateelo mao̒ alihu ngoa̒amila jamaa̒ mongalati deu̒ Wau̒lo Tio molonea̒ pikiilangi wau hilaa lomanusia. Timongoli mabalasiya-U̒ modudua̒ huhutu limongoli ngota-ngota.