YAHYA 5:40 - KITABI HABARI MOPIOHE

⁴⁰ Bo timongoli diila motohilaa monao̒ mai ode ola-U̒ u moo̒tapu tutumulo ohiheo-hiheolo mao̒.

YAHYA 5:40 ပူးပေါင်းရင်းမြစ်များ

JABURU 81:11

Wau̒lo Eeya Allahu Taa̒ala limongoli, tahe lodelo olimongoli yulumualai lonto Masiri. Tou̒ timongoli hipolaanga timongolio yilohiya-U̒ ua̒alo.

YESAYA 49:7

Allahu Taa̒ala tamantali Tamoo-poa̒ahua Isirai̒lu lotahuda mai totaa ulaba-labaalo hilinaa, wau tailonui̒o lo babaa-ngusawalo wau lowali wato lotahi kawaasawa, “Mongo olongia mamoo̒onto huhutuu-U̒; timongolio mamobongu mohulumati ola-U̒. Tahi kawaasawa mamoo̒onto mao̒ olo, lapatao̒ mosujudu molubo.”

YESAYA 50:2

Yilongola lonto umati-U̒ diaaluo penu boli ngotaa mao̒ talolameto, tou̒ Wau̒ leidungga mai helo tiango olimongolio? Wolo timongolio hipoo̒yonga wambai̒o sababu hemolantobu Wau̒ diila mambo molopato wau mopoa̒ahu olimongolio? Tutuulio tutu, to palentaa-U̒ deheto lowali lohengu, duduu-tulaalo pilowali-U̒ huta datahu wau luasi daa̒ udelita, tilinggula totoo-lawaalo mate moboolo mobunuto.

MATIUSI 22:3

Olongia boito lopoa̒hu tahi pomayalio mota lolutulai tau-tauwalo tahe tiloduo ode potihunggu boito. Bo tahe tiloduo boito diila lohuto lonao̒ mai.

MATIUSI 23:37

“Yerusalemu, Yerusalemu! Mongo nabi pilatemu yila-yilateelo mao̒. Mongo utolia lo Allahu Taa̒ala hepilai̒mu lobotu tunggula yilate. Demaa poo̒ongolo Wau̒ ohilaa momuduo̒ ngoa̒amila tuango lipumu odelo tiilo maluo̒ modaha walai̒o to walungo polipii̒o, bo timongoli diila mohuto!

YAHYA 1:11

Tio dungga-dungga mai odelipu-Lio lohihilao bo bangusaa-Lio diila mololimo o-Lio.

YAHYA 10:10

Tamootao̒wa monao̒ mai bo mai motao̒, mai momate mate-mateelo mao̒ wau mai mongantulu. Bo Wau̒ dungga-dungga mai alihu manusia moo̒tapu tutumulo – tutumulo laba-labaalo daata.

YAHYA 3:19

Tio pilohile moo̒ohuu̒ dadaasali tosua̒li botie; Tilango boito malei dungga mai ode dunia, bo manusia lebe motohilaa u modio̒lomo wolo u mobaango, sababu huhutu limongolio moleeto.

YAHYA 5:39

Timongoli mopoo̒olato kitabi sababu helantobu limongoli deu̒ wolo dudelo boito timongoli otutumulo ututuulio tutu wau ohiheo-hiheolo mao̒.

YAHYA 5:41

Wau̒ diila mololohe poloi̒laalo momuji monto manusia.

YAHYA 5:44

Woloolo mola timongoli moo̒ palacaya, wonu timongoli bo ohilaa mei̒puji monto timongotamu, wau diila motolopani u moo̒tapu poloi̒laalo momuji monto Allahu Taa̒ala u Tuwa-tuwaulo?

YAHYA 6:27

Diila mao̒ pokalaja u moo̒tapu mai ua̒alo u mowali mopulito wau mobunuto. Pokalajaalo u moo̒tapu mai ua̒alo udiila mowali mobunuto u mongohi tutumulo ututuulio tutu wau ohiheo-hiheolo mao̒. Ua̒alo boito mawohi mai lo Walao̒ Manusia olemu, sababu Tio mapiluduo̒ lo Allahu Taa̒ala.”

YAHYA 6:37

Ngoa̒amila tailudu mai li Paapa ode ola-U̒ mamonao̒ mai ode ola-U̒. Wau̒ diila tamopo touli boli tatoonu tamonao̒ mai ode ola-U̒.

YAHYA 6:40

Memangi uti-utieelo u otohilaa li Paapa-U̒: alihu ngoa̒amila tau moo̒onto to Walao̒ boito wau palacaya o-Lio o tutumulo tutu wau ohiheo-hiheolo mao̒, wau muli bongulo-U̒ mai to Dulahu Kiama.”

ROMA 6:23

Sababu opopate yito wuupa lodusa; bo tutumulo tutu wau ohiheo-hiheolo mao̒ pee̒-pee̒enta woli Isa Almasi Eeyanto yito wowohi uiludu mai lo Allahu Taa̒ala wolo palacuma.

WAHI 22:17

Rohullah wau Bulentiti Taabua lotahuda mai, “Duloolo!” Timii̒du taa u modungohe utie musi olo moloi̒ya, “Duloolo!” Tatoonu tamo totoa̒ngo, mamusi tio monao̒ mai! Wau tatoonu tai̒lo hilao, mamusi mohama taluhu u mongohi tutumulo boito wolo beebasi.