YAHYA 5:38 - KITABI HABARI MOPIOHE

³⁸ Tataahe-Lio diila leitahu todelomo hilaamu sababu timongoli diila palacaya to ola-U̒ tailao-Lio mai.

YAHYA 5:38 ပူးပေါင်းရင်းမြစ်များ

JABURU 119:11

Pongaajali lo Eeya tilahu lowatia todelomo hilaa lowatia, alihu watia diila odusa to Eeya.

YESAYA 26:10

Penu boli taa moleeto pohutuolo wolo mopiohu, tio olo diila mopoo̒olaato wolo otutu. Penu boli tolipu lobutoo̒ olo tio mohutu diila juujulu, wau diila mohuto motolongaku kawasa lo Eeya.

YESAYA 49:7

Allahu Taa̒ala tamantali Tamoo-poa̒ahua Isirai̒lu lotahuda mai totaa ulaba-labaalo hilinaa, wau tailonui̒o lo babaa-ngusawalo wau lowali wato lotahi kawaasawa, “Mongo olongia mamoo̒onto huhutuu-U̒; timongolio mamobongu mohulumati ola-U̒. Tahi kawaasawa mamoo̒onto mao̒ olo, lapatao̒ mosujudu molubo.”

YAHYA 1:11

Tio dungga-dungga mai odelipu-Lio lohihilao bo bangusaa-Lio diila mololimo o-Lio.

YAHYA 15:7

Wonu timongoli debo motituwau wola-U̒ wau pongaajali-U̒ debo todelomo hilaamu, pohileaalo odeli Paapa-U̒ boli wolo u otohilaa limongoli; hihiile limongoli boito mapoo̒ poluo-Lio mai.

YAHYA 8:37

Memangi otaawa-U̒ timongoli botie wali mai lei Abraham. Bo timongoli motohilaa momate ola-U̒ mate-mateelo mao̒, sababu timongoli diila mohuto mololimo pongaajali-U̒.

KOLOSE 3:16

Mamusi totoonulalo pongaajali li Almasi u polupolu lobalakati meitahu ode delomo hilaa limongoli. Mamusi timongoli moa̒aa̒jalia wau tinggai mongohi nasehati wolo molinepo daa̒. Popolahua mola Jaburu wau puji poloi̒laalo momuji wau lalaahuwala lorohu; Popolahua mola ode Allahu Taa̒ala wolo pongo laasa sukuru to delomo hilaa limongoli.

YOSUA 1:8

Buku lo butoo̒ botie musi laito pobacaamu mao̒ to umati-U̒. Poo̒olaata mao̒ buku boito hui wau dulahu, alihu laito yio̒ moponao̒ ngoa̒amila utula-tuladee todelomio. Wonu yio̒ moponao̒ mao̒ ngoa̒amilalo boito, tutumulumu maa maa̒amulu wau otilapulo.

1 YAHYA 2:14

Watia loluladei olimongoli Mongo walao̒, sababu timongoli motota lo Allahu Taa̒ala ti Paapa. Watia loluladei olimongoli, Mongo dulaa̒, sababu timongoli motota lo Tahuda umawoluo tumulalo mai bohulio daa̒. Watia loluladei olimongoli, taa himuudawa, sababu timongoli molotolo. Tahuda lo Allahu Taa̒ala woluo todelomo hilaa limongoli, wau maa ilolaaheo̒ limongoli Taa Moleeto.