YAHYA 5:36 - KITABI HABARI MOPIOHE

³⁶ Bo u silakusiya-U̒ lebe udaa̒ mao̒ lou̒ silakusia lei Yahya. Wolo u masaatia pilohutu-U̒ botie, deu̒ito-yito kalaja u pilotuugasi mai li Paapa ola-U̒, u mopobukuti deu̒ ti Paapa malolao mai ola-U̒.

YAHYA 5:36 ပူးပေါင်းရင်းမြစ်များ

MATIUSI 11:4

Ti Isa lolametao̒, “Pohualingolo mola odelei Yahya wau polelea mao̒ wolo u mai̒lo dungohe wau iloontonga limongoli:

LUKASI 2:49

Ti Isa lolametao̒, “Yilongola tipaapa woli maama hemo lolohe olaa-Tia? Wolo diila otaawa lipaapa wau limaama u Watia musi woluo todelomo bele li Paapa lo Watia?”

YAHYA 10:25

Ti Isa lolametao̒, “Mapilo tahuda-U̒ mai olimongoli, bo timongoli diila palacaya. Ngoa̒amila kalaja u pilohutu-U̒ to tangguli Paapa-U̒, mongohi mai bukuti pasalii-U̒.

YAHYA 11:37

Bo woluo towolota limongolio talo loi̒ya, “Tio lopoo̒luli taa pitoo̒ maloo̒onto, yilongola Tio diila mowali mongabuto olei Lajarus alihu diila mao̒ mate?”

YAHYA 15:24

Humayaalio tohuungi mongolio Wau̒ diila lohutu susuu-aliyaala udiipo pee̒enta mao̒ pilohutu lotaa wewo, yi timongolio diila ilodusa. Bo botia timongolio malo oonto wolo u pilohutu-U̒, wau timongolio molonuu̒u-U̒ meaalo li Paapa-U̒.

YAHYA 17:4

Watia malo pou̒daa̒ mola li Paapa toitaato dunia botie wolo lopoo̒ lapato kalaja u pilopoa̒hu mai li Paapa olaa-Tia.

YAHYA 2:23

Tou̒ ti Isa donggo to Yerusalemu tou̒ Lameyangi lo Paska, dadaata taa palacaya o-Lio sababu ngoa̒amila moo̒linggolabe u hepilohutu-Lio.

YAHYA 3:17

Sababu Allahu Taa̒ala lolao Wala-I̒o diila mai momutoo̒ dunia botie, bo mai mopoa̒ahu mao̒.

YAHYA 3:2

Tou̒ huilio tuwau tio lonao̒ mai odeli Isa wau loloi̒ya mao̒, “Paaa̒ Guru, otaawa lamiaatia ti Paaa̒ tailao mai lo Allahu Taa̒ala. Sababu diaaluo penu boli ngotaa mao̒ tamowali mohutu u moo̒linggolabe debo odelo upilohutu li Paaa̒, Wonu Allahu Taa̒ala diila wolio.”

YAHYA 4:34

Lapatao̒ ti Isa lotahuda mao̒, “Ua̒alo-U̒ yito modudua̒ u otohilaa-Lio lo tamalolao mai ola-U̒, wau mopoo̒ lapato kalaja uiludu-Lio mai ola-U̒.

YAHYA 5:32

Bo woluo taawewo tamongohi sakusi tomimbihu ola-U̒, wau otaawa-U̒ deu̒ u silakusialio boito otutu.

WUNGGULI LOMONGO RASULU 2:22

Mongo wutato tau-tauwalo Isirai̒lu! Dungohilo wolo uiloi̒ya mai lowatia botie: ti Isa taulo Najaret boito mailohia tuugasi lo Allahu Taa̒ala ode wutato. Uito loi̒laalo daa̒ tou̒ tilolahepalo u moo̒linggolabu wau susuu-aliyaalo upolu-polutuo̒ upilohutu mai lo Allahu Taa̒ala tohuungi mongoli lotimbulude toli Isa boito. U ngoa̒amilalo boito mailotaawa lowutato lohihilao.

1 YAHYA 5:9

Ito palacaya to ososakusi lomanusia, bo ososakusi lo Allahu Taa̒ala lebe motoheeto. Wau uitolo ososakusi u mailohi mai lo Allahu Taa̒ala pasali lo Wala-I̒o.