YAHYA 5:34 - KITABI HABARI MOPIOHE

³⁴ Sua̒li botie tahudaa-U̒ mai, diila bo sababu Wau̒ momalalu sakusi monto manusia, bo alihu timongoli poa̒ahuwolo.

YAHYA 5:34 ပူးပေါင်းရင်းမြစ်များ

LUKASI 13:34

Yerusalemu, Yerusalemu! Mongo nabi hepilatemu yila-yilateelo mao̒! Motii̒du tamailao mai lo Allahu Taa̒ala hepilai̒mu lobotu tunggula yilate! Mapoo̒ ngoolo Wau̒ ohilaa moloo̒pu tuango lipumu odelo tiilo lomaluo̒ modaha mongo walai̒o towalungo polipi̒o, bo yio̒ diila mohuto!

LUKASI 19:10

Walao̒ Manusia leidungga mai u mololohe wau mopoaahu taa u yilapalo.”

LUKASI 24:47

Wau olo deu̒ to tanggulo Olongia Tamoo-poaahua boito mamusi pololadulo to ngoa̒amilalo bangusa deu̒ manusia musi molilihu, wau deu̒ Allahu Taa̒ala mongambungu dusa. Wau habari boito musi pololadulo tumula mai to Yerusalemu.

YAHYA 20:31

Bo ngoa̒amilalo botie tiluladio mai, alihu timongoli palacaya deu̒ ti Isa yito Olongia Tamoo-poa̒ahua, Walao̒ Allahu Taa̒ala, wau sababu palacaya to o-Lio, timongoli mamoo̒tapu tutumulo.

YAHYA 5:32

Bo woluo taawewo tamongohi sakusi tomimbihu ola-U̒, wau otaawa-U̒ deu̒ u silakusialio boito otutu.

YAHYA 5:41

Wau̒ diila mololohe poloi̒laalo momuji monto manusia.

YAHYA 8:54

Ti Isa lolametao̒, “Humayaalio Wau̒ mololohe ohulumati ode batanga-U̒ lohihilao, ohulumati boito diaaluo hunalio. Tamo hulumati ola-U̒ yito ti Paapa-U̒ tahe anggapuo limongoli Allahu Taa̒ala limongoli,

ROMA 10:1

Mongo wutato! Watia mooloolo daa̒ alihu bangusa lowatia poa̒ahuwolo. Wau watia otu-otutuulo mao̒ helodua̒ to Allahu Taa̒ala ode limongolio.

ROMA 10:21

Bo tomimbihu bangusa lo Isirai̒lu tei Yesaya loloi̒ya, “Odieelo mola tahuda lo Allahu Taa̒ala, ‘Ngotupa lodulahu Wau̒ helohudu uluu̒u-U̒ ode bangusa tuwau tabaa̒ngiyolo wau diila modungohu.’ ” ROM

ROMA 12:21

Diila mao̒ polulia batangamu olaahe lou̒ moleeto, bo Wutato mamusi mopo olaaheo̒ u moleeto wolo umopiohe.

ROMA 3:3

Bo woloolo mola wonu ngotaalio taulo Yahudi diila tatapu wau molotolo hilao? Wolo sababu uito Allahu Taa̒ala mamowali diila tatapu wau molotolo hilao?

1 KORINTUS 9:22

Tohuungo lotau-tauwala tadiila boti yakini, watia olo lotihutu debo odelo ngotaalio tadiila boti yakini alihu watia mowali momantango olimongolio mowali muri li Almasi. Limbui̒o mao̒, watia mowali totoonulalo u hitua-tuawua ode ngoa̒amila tau alihu wolo dalalo u penu boli woloolo mola olo watia mowali mopoa̒ahu ngotayadi mongolio.

1 TIMOTIUS 4:16

Imatowalo batangamu wau imatowa mao̒ olo pongajalimu. Mamusi yio̒ tatapu wau molotolo hilaa mohutu ngoa̒amilalo boito, sababu lou̒ odito yio̒ mamo poa̒ahu mopio batangamu lohihilao meaalo tau-tauwalo tamo dungohe olemu.

1 YAHYA 5:9

Ito palacaya to ososakusi lomanusia, bo ososakusi lo Allahu Taa̒ala lebe motoheeto. Wau uitolo ososakusi u mailohi mai lo Allahu Taa̒ala pasali lo Wala-I̒o.