YAHYA 5:30 - KITABI HABARI MOPIOHE

³⁰ “Wau̒ diila mowali mohutu wolo-wolo modudua̒ otohilaa-U̒ lohihilao. Wau̒ bo momutoo̒ motuuu̒de lou̒ wolo u pilomalentai lo Allahu Taa̒ala. Wau putuusani-U̒ aadili, sababu Wau̒ diila modudua̒ u otohilaa-U̒ lohihilao, bo wambao̒ u otohilaa lo Allahu Taa̒ala talolao mai ola-U̒.

YAHYA 5:30 ပူးပေါင်းရင်းမြစ်များ

ILOOWALI 18:25

Ambunguolo diila bolo patea mate-mateelo mao̒ tau-tauwalo tadiila ototala boito pee̒-pee̒enta wolo tao̒totala. Ambunguolo yaa Eeyaa! Sababu wonu Eeya mopohutu mao̒ uito, taa diila ototala tantuulo mao̒ maa ohukumania pee̒-pee̒enta wolo tao̒totala. Diila pongalo aakali hakimu lo ngoilanggubu aalamu mohutu udiila aadili!”

JABURU 96:13

Sababu Eeya dungga-dungga mai momalenta to dunia, Eeya mamomutoo̒ babaa-ngusawalo wolo aadili wau juujulu.

YESAYA 28:6

Eeya mamongohi mai laasa u aadili tomongo hakimu, wau obuheli totau-tauwala tao̒tuugasi modaha kota monto tuhuwolo.

JEPANYA 3:15

Sababu Eeya lohuheli lohukuumani olimongoli; Tio malo polahi ngoa̒amila musuumu. Timongoli diluo̒la li olongia lo Isirai̒lu, Eeyaamu lohihilao. Botia timongoli diilalo palalu molaasa moohe.

MATIUSI 26:39

Lapatao̒ ti Isa lonao̒ mota lebe lolaminga ngopee̒, tulusi Tio leidumulo lomola tohuta wau lodua̒. “Paapa,” ua-Lio, “Wonu mowali, polaminga mao̒ monto olaatia sikisa u musi dutola lowatia botie. Bo diila moduduo̒ hilaa lowatia, bo moduduo̒ u tohilaa li Paapa.”

YAHYA 14:10

Pilipus! Wolo yio̒ diila palacaya, deu̒ Wau̒ tuwau woli Paapa wau ti Paapa tuwau wola-U̒? Wolo umapilo tahuda-U̒ mai olemu, diila lonto ola-U̒ lohihilao. Ti Paapa-U̒ tadebo tuwau wolau̒, Tiolo tamohutu mai ngoa̒amilalo boito.

YAHYA 17:4

Watia malo pou̒daa̒ mola li Paapa toitaato dunia botie wolo lopoo̒ lapato kalaja u pilopoa̒hu mai li Paapa olaa-Tia.

YAHYA 18:11

Yi ti Isa lotahuda mao̒ odelei Petrus, “Muli potau̒pa mola wamilumu ode tau̒pio! Wolo to pikiilangimu Wau̒ diila tamongilu hakati lo dudutolo uilohi mai li Paapa ola-U̒?”

YAHYA 4:34

Lapatao̒ ti Isa lotahuda mao̒, “Ua̒alo-U̒ yito modudua̒ u otohilaa-Lio lo tamalolao mai ola-U̒, wau mopoo̒ lapato kalaja uiludu-Lio mai ola-U̒.

YAHYA 5:19

Ti Isa lolametao̒ ode tau-tauwala boito odie, “Pomalacayalo, Walao̒ diila mowali mohutu wolo-wolo, wolo kawasaa-Lio lolohilao. Tio bo mohutu wolo u iloontonga-Lio pilohutu li Paapa-Lio. Sababu wolo u pilohutu li Paapa-Lio, uito olo u pohutuo lo Walao̒.

YAHYA 6:38

Sababu Wau̒ lotuhutai lonto sologa, diila mai mohutu u otohilaa-U̒ lohihilao, bo u otohilaa-Lio lo talolao mai ola-U̒.

YAHYA 8:28

Sababu uito ti Isa lotahuda mao̒ olimongolio, “De wonu timongoli malo palaio̒ mola Walao̒ Manusia, timongoli mamotota deu̒ ‘Wau̒lo Tio tai̒lunte WAU̒ WOLUO’, wau timongoli mamotota deu̒ diaaluo penu boli tuwau mao̒ u pilohutu-U̒ monto batanga-U̒ lohihilao. Wau̒ bo wambao̒ motahuda wolo upilo ngaajali mai li Paapa ola-U̒.

YAHYA 8:42

Lapatao̒ ti Isa lotahuda ode limongolio, “Humayaalio Allahu Taa̒ala boito ti Paapamu, timongoli mamo tolia̒nga ola-U̒, sababu Wau̒ dungga-dungga mai lonto Allahu Taa̒ala. Wau̒ dungga-dungga mai diila wolo hilaa-U̒ lohihilao, bo Tiolo tamalolao mai ola-U̒.

YAHYA 8:50

Wau̒ diila hemo lolohe hulumati ode batanga-U̒ lohihilao. Woluo ngota tahemo tolopani mai ohulumati ode ola-U̒, wau Tiolo tamo mutoa̒i.

ROMA 15:3

Sababu ti Almasi olo diila bo hemo mikiilangi osanangi lobatanga-Lio lohihilo. Todelomo Kitabi tulatulade odie, “Ngoa̒amila aibu u pilomatuju de ole-Mu malodehu to olau̒.”

ROMA 2:2

Otaawanto deu̒ wonu Allahu Taa̒ala mopodehu mai hukuumani ode tau-tauwalo tahe lohutu totoonulalo huhutu udebo odelo uito, yi putuusani lo Allahu Taa̒ala boito otutu.

ROMA 2:5

Bo timongoli baaa̒ngiola wau diila mohuto molomelo. Masababu uito timongoli lohihilaolo talohutu hukuumani limongoli heo̒duhenga mola buheetio to Dulahe Kiama, wonu Allahu Taa̒ala mopoilaalo mai mulukaa-Lio wau mopodehu hukuumani u aadili.