YAHYA 5:3 - KITABI HABARI MOPIOHE

³ To susuu-lambeyalo boito dadaata taa mongongoto hibalata; woluo taapitoo̒, woluo taapenggo, wau woluo tadidu mowali monao̒. [Timongolio ngoa̒amila hipo himawa taluhu tokulamu boito mobuo̒lai.

YAHYA 5:3 ပူးပေါင်းရင်းမြစ်များ

BOHULO MONGO OLONGIA 13:4

Tou̒ tei Yerobeam loo̒dungohe tataa-heyaalo boito, yi tio lolunu toli nabi boito lapatao̒ malo nguatio̒, “Wau̒pa tau boito!” Bo polotodu lei Yerobeam hua̒a lowali lobualodu tilinggula tio diilalo loo̒ bantanga uluu̒lio poli.

POHUMAYA 8:34

Potisanangilo tutu taa u modungohe olau̒ wau timii̒du dulahu motihuloa̒a mohima to huhebu lobeleu̒, wau mopoo̒daha-dahaalo mao̒ to hulubangi lo biluloa̒au̒.

HIYONGO MOPOILAALO SUUSA 3:26

Oditolio, mopiohulo ito mohima wolo duo̒duo̒oto tunggula Eeya mai mongohi tulungi;

JAKARIA 11:17

Malaa̒-laa̒natilo diiti tadiila ohuna boito! Tio malo lolaa himbala lohimbalio. Popaatea mamo poo̒pulitao̒ okokawasaalio. Polotodu uluu̒lio mamowali molulupuhu wau matolio olowala mowali pitoo̒.”

MATIUSI 15:30

Dadaata tau lonao̒ mai ode o-Lio hideloa tau-tauwalo tahi penggoa, tapitoo̒, tadidu mowali monao̒, taabubu, wau donggo dadaata tahi ngongota wewolio. Timongolio lodepito tau-tauwala boito totalu li Isa, wau Tio helo poo̒luli totau-tauwala boito.

MATIUSI 4:24

Habari pasali li Isa boito malo loladu to ngoilanggubu lipu lo Siria, tilinggula dadaata taa lonao̒ mai ode o-Lio. Timongolio lodelo mai tau-tauwalo tahi duutola totoonulalo ngongoto u hidala-dalaala wau tahi suusawa. Tau-tauwalo tai̒lo tuanga lorohu u moleeto, tahe dudeetolo, didu mowali monao̒, ngoa̒amilalo piloo̒luli li Isa.

LUKASI 7:22

Oditolio ti Isa lolametao̒, “Pohualingolo mola odelei Yahya wau poo̒taa mao̒ wolo u iloontonga wau ilodungohe limongoli: taa pitoo̒ loo̒onto, taadidu mowali monao̒ malowali lonao̒, taa ongongoto lo alipo u moo̒tihela hapato maloluli, taa bungolo maloo̒ dungohu, taa yilate luli tilumumulai, wau Habari Mopiohu lonto Allahu Taa̒ala pilopo habari totaa himosikinia.

YAHYA 5:2

To Yerusalemu totili “Huhebu lo Himba” woluo kulamu tuwau, u todelomo bahasa lo Ibrani iluntee Betesda. Mota teto woluo sulambe mohelu limo.

YAHYA 5:4

Sababu tingga maito malai̒kati lo Eeya motuhutai ode delomo kulamu boito wau mopo buo̒lai taluhio. Wau tahi ngongota tabohulio tumuwoto ode delomo kulamu boito tou̒ taluhio donggo mobuo̒lo mamoluli penu boli ngongota wolo u hedutolalio.]

ROMA 8:25

Bo wonu ito mohalapu hitua-tuawua udiipo iloontonganto, yi ito mohima mai o-Lio wolo sabali.

YAKOBUS 5:7

Sababu uito, posabalilo mola Mongo wutatuu̒, dilumutu Eeya meidungga mai. Bilohilo woloolo mola sabaliilio tamoomengia ngota mohima dilumutu hutalio mongohi tilapulo u ohalaga olio. Wolo sabali tio mohima didi losembo polodehua wau didi sembo lobunga.