YAHYA 5:28 - KITABI HABARI MOPIOHE

²⁸ Diila mao̒ polinggolabu timongoli modungohe sua̒li botie, sababu wakutuulio mamei dungga deu̒ ngoa̒amila taa mailate modungohe sualaa-Lio,

YAHYA 5:28 ပူးပေါင်းရင်းမြစ်များ

YESAYA 26:19

Umati lo Eeya tamailate mamuli tumumulai, mimii-lateyaalo limongolio mamuli mobongu mai. Taa u mailobungo todelomo huta mamobongu mai wau motingalaa̒ meengahu. Debo odelo wambulo u moposeehati dunia, Eeya mopo tumulai umati lo Eeya tamalo hiiheo yilate.

DANIALI 12:2

Dadaata to wolota limongolio taa maa yilate maa muli mobongu mai; ngotayade mamoo̒lasa tutumulo u kakaali, wau ngotayade poli maa moo̒rasa ohiihina wau oliliheela hapato u kakaali olo.

HOSEA 13:14

Bangusa botie diila tapoa̒ahuwo-U̒ monto kawasa dunia lotaa mate. Wuu opopate, popoo-loo̒opolo mola wembelomu! Pohutuwalo kalajaamu umopo aantulu boito! Wau̒ diilalo momonu mai bangusa botie.

YAHYA 3:7

Diila mao̒ polinggolabu wonu Wau̒ motahuda mai: timongoli ngoa̒amila paatuti muli potutuolio mai.

YAHYA 4:21

“Pomalacayalo,” tahuda li Isa olio, “Tosaaa̒ti tuwau tau mamolubo Allahu Taa̒ala, diilalo tohuludu botie wau diila olo to Yerusalemu.

YAHYA 4:23

Bo wakutuulio mamei dungga, tumbao̒ malei dungga mai, deu̒ wolo kawasa lo Rohullah tau-tauwalo mamolubo li Paapa odelo Allahu Taa̒ala tabanali debo odelo u otohilaa li Paapa.

YAHYA 5:20

Sababu Allahu Taa̒ala lomonu to Walao̒ wau lopobilohei o-Lio ngoa̒amila u pilohutu-Lio lohihilao. Tumbao̒ Allahu Taa̒ala mamopo bilohei o-Lio totoonulalo huhutu ulebe udaa̒ mao̒ poli tilinggula timongoli molinggolabe.

YAHYA 5:25

Pomalacayalo: Mamei dungga wakutuulio – tumbao̒ malei dungga wakutuulio – taamate mamo dungohe suala lo Walao̒ Allahu Taa̒ala. Wau taa modungoheo̒ matumumulo.

WUNGGULI LOMONGO RASULU 24:15

Tutuuwauwa debo odelo timongolio, watia olo ohalapani to Allahu Taa̒ala deu̒ ngoa̒amila tau mamuli tumumulai tou̒ mailate mao̒ – tau-tauwalo mopiohu, meaambo tau-tauwalo moleeto!

WUNGGULI LOMONGO RASULU 3:12

Tou̒ tei Petrus loo̒onto mao̒ tau-tauwala boito, malo loi̒ya tio olimongolio, “Wuu tau-tauwalo Isirai̒lu, yilongola Mongo wutato lolinggolabu to ulotoduo mai botie? Yilongola timongoli hemo lontongo tulusi olami? Wolo to lantobu limongoli tau botie malowali lonao̒ sababu woluo kawasa to olami meaalo sababu ami lodungohe to Allahu Taa̒ala?

1 KORINTUS 15:22

Debo odelo ngoa̒amila manusia mate sababu leituwoto tuwau wolei Adamu, odito olo ngoa̒amila mapo tumulo-Lio mai sababu leituwoto tuwau woli Almasi.

PILIPI 3:21

Batanganto u molulupuhu wau mowali moa̒antulu botie, mamowali debo odelo batanga-Lio lohihilao u molaio̒. Tio mowali mohutu mai uito sababu Tio motolo miliki kawasa umopo taa̒luku totoonulalo u hitua-tuawaua.

WAHI 20:12

Wau watia loo̒onto tau-tauwalo yilate, kikiio̒, udaa̒, hitihula totalu lotambati huhuloa̒ li olongia boito. Yi bubuu-kuwaalo olo hiluo̒lio. Tulusi buku tuwau u wewo hiluo̒lio mola, deu̒ito-yito Buku lo Taa Tumutumulo. Lapatao̒ hukuumani pilopodehu-Lio totaa yilate, lobaalia wolo huhutu limongolio lodudua̒ u tulatulade todelomo bubuu-kuwaalo boito.