YAHYA 5:26 - KITABI HABARI MOPIOHE

²⁶ Debo odelo Allahu Taa̒ala lohihilao bungo lo tutumulo, yi Tio olo mopowali mai wala-I̒o bungo lotutumulo.

YAHYA 5:26 ပူးပေါင်းရင်းမြစ်များ

JABURU 36:9

Timongolio olulia lohilao wolo ua̒alo laba-labaalo daata to Bele lo Eeya, wolo minumani monto dutulaa lo Eeya umopowali nyaamani.

JABURU 90:2

Tou̒ huhuu-ideyaalo diipo pilopowali mai, tou̒ huta wau dunia diipo pilohutu lo Eeya, Eeyaalo Allahu Taa̒ala tadebo ohiheo-hiheolo mao̒, diila o bohulio wau diila opulitio.

PILOTIMUA̒TA 3:14

Tahuda lo Allahu Taa̒ala, “Wau̒ yito WAU̒ WOLUO. Uti-utieelo umusi polelemu mao̒ tobangusa lo Isirai̒lu, Tio tai̒lunte WAU̒ WOLUO, tamalolao mai olaatia ode limongoli.

YEREMIA 10:10

Bo Eeya, yaa Eeya, Allahu Taa̒ala tabanari, Allahu Taa̒ala tamoongohia tutumulo, olongia ohiheo-hiheolo mao̒. Wonu Eeya muluka, dunia humeula mototoo̒ wau moo̒ohuu̒, wonu Eeya muluka daa̒ yi babaa-ngusawalo diila moo̒ taahangi. (

YAHYA 1:4

Tahuda boito bungo lo tutumulo, wau tutumulo boito mongohi mai tilango tomanusia.

YAHYA 10:18

Diaaluo penu boli ngotaa tamowali mohama mao̒ monto ola-U̒. Wau̒ mohudu mao̒ modudua̒ otohilaa lohihilao. Wau̒ okawasa u mohudu mao̒, wau okawasa muli mohama mao̒. Ui-uitolo tuugasi u tilolimo-U̒ lonto li Paapa-U̒.”

YAHYA 11:25

“Wau̒lo tamongohi mai tutumulo wau mopobongu mai taa mate,” tahuda mao̒ li Isa odeli Marta “Taa u palacaya ola-U̒ matumumulo, eleponu tio mailate.

YAHYA 11:26

Wau taa tumu-tumulo wau palacaya ola-U̒, diilalo mate ohiheo-hiheolo mao̒. Wolo yio̒ palacaya tosua̒li boito?”

YAHYA 14:19

Bolo ngopee̒ mola dunia diilalo moo̒onto ola-U̒. Bo timongoli mamoo̒onto ola-U̒. Wau sababu Wau̒ tumutumulo, timongoli olo matumumulo.

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 4:10

Ti Isa lolametao̒, “Humayaalio otaawamu wowohi mai lo Allahu Taa̒ala wau tatoonu talohile taluhu olemu, tantuulo mao̒ yio̒ lohihilao tamohile uilumolo to o-Lio, wau Tio mamongohi mai olemu taluhu lo tutumulo.”

YAHYA 6:57

Allahu Taa̒ala tatumu-tumulo boito, lolao mai ola-U̒ wau Wau̒ olo tumumulo monto Allahu Taa̒ala. Odito olo taa u molamelo tapu-U̒ matumumulo monto ola-U̒.

YAHYA 8:51

Otutu banali tahuda-U̒ botie, taa u moduduo̒ tahuda-U̒, ohiheo-hiheolo mao̒ diila tamaate.”

WUNGGULI LOMONGO RASULU 17:25

Tio olo diila palalu bantua lomanusia, sababu maa Tiolo talongohi mai tutumulo wau napasi wau totoonulalo u hitua-tuawua ode manusia.

1 KORINTUS 15:45

Todelomo Kitabi tulatulade odie, “Manusia tabohulio, yito tei Adamu, lowali mahaluku tatumu-tumulo,” bo tei Adamu tapulitio yito Rohu u mongohi tutumulo.

1 TIMOTIUS 1:17

Allahu Taa̒ala, Olongia lo totoonulalo jamani, paatuti hurumatiolo wau pujiolo laito, sababu Tiolo tao̒ hiheo-hiheolo mao̒, tadiila oontonga wau tatuwa-tuwaulo! Amin.

1 TIMOTIUS 6:16

Tiolo wambao̒ tadiila mowali kawasaalio lo opopate; Tio tumutumulo todelomo tinelo udiila mowali tahudelo boli lo tatoonu. Diaaluo penu boli ngotaa mao̒ manusia tamaa pee̒enta loo̒onto o-Lio, meaalo mowali moo̒onto o-Lio. To o-Liolo hulumati wau kawasa u ohiheo-hiheolo mao̒! Amin.

IBRANI 1:2

Bo tojamani pulitio botie Tio lotahuda mai olanto wolo lotimbulude to Wala-I̒o. Lotimbulude to Wala-I̒o botieelo Allahu Taa̒ala lopowali mai ngoilanggubu aalamu. Wau Allahu Taa̒ala malolantu mao̒ deu̒ Wala-I̒o botieelo olo tao̒haku motolo miliki totoonulalo u hitua-tuawua.

WAHI 21:6

Lapatao̒ Tio lotahuda mai, “Mailapato! Wau̒lo tabohulio wau tapulitio; Wau̒lo Eeya monto Bohulio demola Pulitio. Timii̒du taa u mototoa̒ngo, mapelumo-U̒ wolo beebasi monto butu lotaluhu u mongohi tutumulo.

WAHI 22:1

Malai̒kati boito olo lopo bilohei olaatia dutula u taluhio mongohi tutumulo. Dutula boito hei̒nta-intaawa debo odelo Kristali, wau tolo-tolohei lonto tambati huhuloa̒ lo Allahu Taa̒ala wau Walao̒ Himba boito,

WAHI 22:17

Rohullah wau Bulentiti Taabua lotahuda mai, “Duloolo!” Timii̒du taa u modungohe utie musi olo moloi̒ya, “Duloolo!” Tatoonu tamo totoa̒ngo, mamusi tio monao̒ mai! Wau tatoonu tai̒lo hilao, mamusi mohama taluhu u mongohi tutumulo boito wolo beebasi.

WAHI 7:17

sababu Walao̒ Himba tahulo-huloa̒ tohuungo tambati huhuloa̒ li olongia boito mamowali diti limongolio. Tio mamodelo olimongolio ode butu lotaluhu u mongohi tutumulo. Wau Allahu Taa̒ala mamomaide ngoa̒amila ponu monto mato limongolio.”