YAHYA 5:25 - KITABI HABARI MOPIOHE

²⁵ Pomalacayalo: Mamei dungga wakutuulio – tumbao̒ malei dungga wakutuulio – taamate mamo dungohe suala lo Walao̒ Allahu Taa̒ala. Wau taa modungoheo̒ matumumulo.

YAHYA 5:25 ပူးပေါင်းရင်းမြစ်များ

LUKASI 15:24

Sababu walau̒uu̒ botie mailate, masaatia luli tilumumulai; tio mailooli masaatia luli lotapu mai.’ Tulusi timongolio malohutu potihunggu.

LUKASI 15:32

Bo ito wajibu mohutu potihunggu wau motiwengahu, sababu wutatumu tawali-yali boito mailate, bo botia luli tilumumulai; tio mailooli, bo botia luli lotapu mai.’ ”

LUKASI 9:60

Ti Isa lolametao̒, “Huliimao̒ taamate molobungo taa matelio lohihilao. Bo yio̒, ponao̒lo wau pololade mota habari deu̒ Allahu Taa̒ala malo lumulo lomalenta.”

YAHYA 13:1

Ngohui tou̒ diipo Dulahu Buka Paska, otaawa li Isa deu̒ maa wakutuulio Tio mololaa mao̒ dunia botie wau muli mohulinga mola odeli Paapa-Lio. Tio momonu totau-tauwalo talowali milikii-Lio todunia, wau Tio debo momonu olimongolio tunggula pulitio.

YAHYA 17:1

Lapatao̒ lotahuda mao̒ odito, ti Isa yilumanggela mola ode hulungo wau loloi̒ya, “Paapa, botia malei dungga wakutuulio. Pou̒daa̒alo mai Walai̒ Paapa, alihu Walai̒ Paapa olo mopou̒daa̒ mola li Paapa.

YAHYA 4:21

“Pomalacayalo,” tahuda li Isa olio, “Tosaaa̒ti tuwau tau mamolubo Allahu Taa̒ala, diilalo tohuludu botie wau diila olo to Yerusalemu.

YAHYA 4:23

Bo wakutuulio mamei dungga, tumbao̒ malei dungga mai, deu̒ wolo kawasa lo Rohullah tau-tauwalo mamolubo li Paapa odelo Allahu Taa̒ala tabanali debo odelo u otohilaa li Paapa.

YAHYA 5:21

Allahu Taa̒ala boito mopobongu mai taamate, wau mongohi olimongolio tutumulo ututuulio tutu wau ohiheo-hiheolo mao̒; odito olo Walao̒ mongohi mai tutumulo u ohiheo-hiheolo mao̒ totaa mohuto wohia-Lio tutumulo.

YAHYA 5:28

Diila mao̒ polinggolabu timongoli modungohe sua̒li botie, sababu wakutuulio mamei dungga deu̒ ngoa̒amila taa mailate modungohe sualaa-Lio,

YAHYA 6:60

Tou̒ loo̒dungohe tataa-heyaalo li Isa boito, dadaata towolota lo tahidudua̒ o-Lio loloi̒ya mao̒, “Pongaajali botie mailaba buheetio. Tatoonu tamowali mololimo mao̒!”

YAHYA 8:43

Wolo sababuulio timongoli diila mongalati wolo upilo tahuda-U̒? Sababu timongoli diila moo̒ tahangi modungohe pongaajali-U̒.

YAHYA 8:47

Taa asaliilio mai monto Allahu Taa̒ala, modungohe tahuda lo Allahu Taa̒ala. Bo timongoli diila lonto Allahu Taa̒ala, uitolo sababuulio timongoli diila mohuto modungohu.”

YAHYA 9:27

Tau boito lolametao̒, “Mailungguli mai lowatia olimongoli bo timongoli diila mohuto modungohu. Yilongola timongoli ohilaa modungohe poli? Otanu timongoli ohilaa mowali muri-Lio olo?”

ROMA 6:4

Wolo polihu boito, ito yilobungio woli Almasi, wau lodudua̒ yilate pee̒-pee̒enta wo-Lio, alihu debo odelo ti Almasi pilopo tumulai lonto opopate tokawasa li Paapa talailaio̒, odito olo ito mowali tumumulo todelomo tutumulo u bohu.

EPESUS 2:1

Muloololio mai timongoli yilate odelo dudelo lorohu sababu timongoli odusa wau lolambanga papaa-lentawalo Allahu Taa̒ala.

EPESUS 2:5

tilinggula tou̒ ito donggo hipatea delo dudelo lorohu sababu totoonulalo totalanto, Tio luli lopotumulai olanto pee̒-pee̒enta woli Almasi. Oditolio, bo sababu opopiohu hilaa lo Allahu Taa̒ala wambai̒o, timongoli piloa̒ahu-Lio.

EPESUS 5:14

Sababu ngoa̒amila u mowali oontonga wolo mopatato, deu̒ito-yito mobaango. Uitolo sababuulio loi̒loi̒ya “Pobongulo, wuu yio̒ tatuutuluhu, wau pobongulo monto opopate! Ti Almasi mamotinelai toitaatumu.”

KOLOSE 2:13

Muloololio mai, timongoli mailate delo dudelo lorohu kalana timongoli odusa, wau kalana timongoli diila tiluuna delo dudelo lahiri. Bo botia Allahu Taa̒ala lopotumulai olimongoli pee̒-pee̒enta woli Almasi. Allahu Taa̒ala malo ngambungu mai totoonulalo dusaanto,

WAHI 3:1

“To malai̒kati lojamaa̒ to Sardis, tulade mola odie: Utieelo tahuli monto o-Lio taa ohuu̒wo lo opitu rohu monto Allahu Taa̒ala wau opitu poliyama boito. Otaawa-U̒ wolo upilohutu limongoli. Ualio mao̒ timongoli tumutumulo, lebe-lebe pomao̒ timongoli yilate!