YAHYA 5:23 - KITABI HABARI MOPIOHE

²³ Allahu Taa̒ala lohutu uito alihu ngoa̒amila tau mohulumati to Walao̒ debo odelo timongolio mohulumati to Allahu Taa̒ala. Taa diila mohulumati to Walao̒ diila mohulumati olo to Allahu Taa̒ala tamalolao mai to Walao̒.

YAHYA 5:23 ပူးပေါင်းရင်းမြစ်များ

JABURU 2:12

posujudulo totalu-Lio wolo humuhela, diila bolo Eeya mamo muluka mai wau timongoli pobinasaa-Lio ngoi̒ntaalo mato, sababu omulukaa-Lio wali-walihuhu wolo tumahuo̒lo mola. Potisangilo tutu taa u motiwunela to Eeya!

YESAYA 42:8

Wau̒ulo Eeya, uitolo tanggulu-U̒; odudaa̒a-U̒ diila tawohi-U̒ penu boli olo tatoonu; omasaahuru-U̒ diila tawuduo-U̒ ode bui̒.

YESAYA 44:6

Uti-utieelo tahuda mai lo Eeya Taa Laba-labaalo kawasa, Olongia wau tamoo-duo̒lawa Isirai̒lu, “Wau̒ Allahu Taa̒ala Taa Laba-labaalo tuwau, tabohulio wau tapulitio.

YESAYA 45:15

Allahu Taa̒ala tamopoa̒ahu mai Isirai̒lu yito Allahu Taa̒ala tamoluuo̒ batanga.

YESAYA 45:21

Wuduwalo palakalamu, podudulaalo bubuu-kutiilio, ooo̒, huliaalo mao̒ timongolio moheeluma pee̒-pee̒enta. Tatoonu talo pohabari mai sua̒li boito wau lopoo̒otai tumulalo muloololio mai? Diila maa Wau̒, Eeya? Diaaluo ila wewo ngopohia Wau̒. Wau̒ulo Allahu Taa̒ala taa̒adili tamoo-poa̒ahu, diaaluo wewolio ngopohia Wau̒!

JAKARIA 9:9

Wuu ulipu lo Sion, poti wengahulo! Wuu ulipu lo Yerusalemu, pongiibodulo mola meengahu! Bilohilo! Olongiamu dungga-dungga mai wolo ohaama! Tio olongia aadili talodelo mai oa̒ahu. Bo lealeaatu odupapa lohilao tio meidungga tae̒tae̒ to kolodai, kolodai tuwau u buboto.

MATIUSI 10:37

Taa u motolia̒ngo oliyamolio meaanto oliilolio lebe mao̒ wola-U̒ diila patuti mowali muri-U̒. Odito olo taa u motolia̒ngo walai̒o talolai meaalo taabua lebe mao̒ wola-U̒.

MATIUSI 11:27

Lapatao̒ ti Isa lobisala, “Totoonulalo u hitua-tuawua mailudu mai li Paapa ode laatia. Diaaluo penu boli ngotaa mao̒ tamotota to Walao̒ ngopohia li Paapa. Diaaluo olo tamotota li Paapa ngopohia Walao̒, wau tau-tauwala ode tatoonu Walao̒ boito mopoo̒taa mao̒ pasali li Paapa.

MATIUSI 12:21

ngoa̒amila bangusa mamo tiwunela to o-Lio.”

MATIUSI 15:8

‘Odie mola tahuda lo Allahu Taa̒ala: Tau-tauwala boito bo hipo lubowa ola-U̒ wolo loi̒ya, bo hilaa limongolio molaminga monto ola-U̒.

MATIUSI 28:19

Sababu uito ponao̒lo ode ngoa̒amilalo bangusa to ngoilanggubu dunia, pohutua mao̒ timongolio mowali muri-U̒. Wau lihua mao̒ timongolio lou̒ molanggula tangguli Paapa, wau Walao̒, wau Rohullah.

LUKASI 10:16

Lapatao̒ ti Isa lotahuda mao̒ to tahidudua̒ o-Lio, “Taa u modungohe olimongoli, modungohe ola-U̒. Taadiila mololimo olimongoli, diila mololimo ola-U̒, wau taadiila mololimo ola-U̒, diila mololimo olo to talolao mai ola-U̒.”

YAHYA 14:1

“Diila mao̒ pobalisa hilaamu,” tahuda li isa olimongolio. “Pomalacayalo to Allahu Taa̒ala, wau pomalacayalo ola-U̒ olo.

YAHYA 16:14

Tio mamopo u̒daa̒ ola-U̒, sababu wolo u pilotunggu-Lio mai olemu, tilolimo-Lio lonto ola-U̒.

YAHYA 17:10

Ngoa̒amila miliki lo Watia yito miliki li Paapa olo; wau ngoa̒amila miliki li Paapa yito miliki lo Watia olo. Watia pilopo udaa̒ towolota limongolio.

ROMA 1:7

Uito sababuulio watia loluladei olimongoli. Pohileaala dua̒ Allahu Taa̒ala ti Paapanto wau ti Isa Almasi mongohi mai balakati wau salaamati olimongoli.

ROMA 15:12

Wau utie olo uiloi̒ya lei Yesaya, “Monto waliilio lei Isai malumenetai tahingota-ngotaawa tamaa momalenta babaa-ngusawalo; to o-Liolo babaa-ngusawalo boito mamo tiwunelo.”

ROMA 6:22

Bo botia timongoli mailopa-Tio lonto dusa, wau lowali wato lo Allahu Taa̒ala. Opae̒eda yito deu̒ Wutato tumutumulo tolomodu duo̒lo Allahu Taa̒ala wau sua̒li boito moo̒toduo mai tutumulo tutu wau ohiheo-hiheolo mao̒.

ROMA 8:9

Bo timongoli diila tumutumulo modudua̒ pii̒li lomanusia. Timongoli tumutumulo modudua̒ Rohullah – wonu, tantulio, Rohullah otu-otutuulo mao̒ dulu-dulude todelomo batangamu. Taa diila o Rohu li Almasi, tau boito diila miliki li Almasi.

1 KORINTUS 10:31

Penu boli wolo upohutuo lo Wutato – Wutato molamela meaalo mongilu – pohutua mao̒ ngoa̒amilalo boito u mopolaio̒ Allahu Taa̒ala.

1 KORINTUS 16:22

Taa udiila motolia̒ngo to Eeya, huliilo mao̒ tio laa̒laa̒nati! Maranatha – Eeya lomongo watotia, podunggalo mai!

1 KORINTUS 6:19

Musi otaawa mao̒ limongoli deu̒ batangamu yito tambati potibiluloa̒ lo Rohullah. Rohu boito bilubiluloa̒ todelomi mongoli. Wau Allahu Taa̒ala lohihilaolo talongohi mai Rohu boito olimongoli. Batanga lo Wutato diila haku limongoli. Uito yito haku lo Allahu Taa̒ala.

2 KORINTUS 1:9

lasaalio debo odelo madilehua hukumani mate wambai̒o. Bo sua̒li boito lotoduo alihu amiaatia diila tamo tiwunela to olootolo batanga lohihilao, boto Allahu Taa̒ala tamopo tumulai taamate.

2 KORINTUS 5:14

Ponu li Almasilo u motolo kawasa olamiaatia; wau amiaatia mongalati deu̒ wonu ngotaalio mailate ode taa ngoa̒amila, yi uito boliilio deu̒ ngoa̒amila tau mailate.

2 KORINTUS 5:19

Amiaatia helo pohabari deu̒ lotimbulude li Almasi, Allahu Taa̒ala lohutu mai manusia luli lopiiohe wolo batanga-Lio. Allahu Taa̒ala lohutu mai lou̒ diila lopoilaalo suusa totoonulalo totala u mapilohutu lomanusia ode batanga-Lio. Wau amiaatia maa tilugasia lo Allahu Taa̒ala u lopohabari habari boito.

EPESUS 6:24

Pohileaala dua̒ Allahu Taa̒ala mobalakati Wutato ngoa̒amila tamo tolia̒ngo Eeyanto Isa Almasi wolo tolia̒ngo udiila mowali mooli. Hulumati lamiaatia, Paulus 17

2 TIMOTIUS 1:12

Uitolo sababuulio wau̒ helo dutolo ngoa̒amilalo botie, bo wau̒ debo yakini, sababu otaawau̒ tutu tatoonu taa pilalacayau̒. Wau̒ yakini deu̒ wolo u mapilo malacaya-Lio mai olau̒, Tio olo mambo modaha mai dilumutu to Dulahe Kiama.

IBRANI 1:6

Bo tosaaa̒ti Allahu Taa̒ala lolao mai Wala-I̒o tamohuhula daa̒ ode dunia botie, Allahu Taa̒ala lotahuda odie, “Ngoa̒amila malai̒kati wajibu molubo Walao̒ boito.”

2 PETRUS 1:1

Mongo wutato tao̒tu-otutuulo mao̒ palacaya debo odelo amiaatia! Ti Isa Almasi, deu̒ito-yito Allahu Taa̒ala wau Olongia Tamopo-poa̒ahua olanto, lopoluasi mai olanto palacaya to o-Lio, sababu Tio helohutu u otutu. Tulade botie lonto olei Simon Petrus, ngotaalio lowato wau rasulu li Isa Almasi.

2 PETRUS 3:18

Mamusi timongoli helebe moo̒laasa ponu li Isa Almasi, Eeya wau Olongia Tamoo-poa̒ahua olanto, wau mamusi timongoli olo helebe motota o-Lio. Ilopujiaalo mola Tio, botia wau dilumutu ohiheo-hiheolo mao̒! Amin. Hulumati lamiaatia, Petrus 9

1 YAHYA 2:23

Taa diila motolo akuo to Walao̒, boliilio mao̒ diila mololimo li Paapa olo. Wau taa motolo akuo to Walao̒ boliilio mao̒ mololimo li Paapa olo.

2 YAHYA 1:9

Taa u diila motidihu to pongaajali li Almasi, bo tumbao̒ molambanga tou̒ wolo u pilo ngaajali li Almasi, tau boito diila o Allahu Taa̒ala. Taa u debo todelomo pongaajali li Almasi, bolilio mao̒ motolo miliki mopio Allahu Taa̒ala ti Paapa bolito Walao̒.