YAHYA 5:22 - KITABI HABARI MOPIOHE

²² Allahu Taa̒ala lohihilao diila momutoo̒ boli olita. Ngoa̒amila kawasa u momutoo̒ mailudu-Lio to Wala-I̒o.

YAHYA 5:22 ပူးပေါင်းရင်းမြစ်များ

JABURU 96:13

Sababu Eeya dungga-dungga mai momalenta to dunia, Eeya mamomutoo̒ babaa-ngusawalo wolo aadili wau juujulu.

JABURU 98:9

Sababu Eeya dungga-dungga mai momutoo̒ dunia; babaa-ngusawalo mabutoo̒ lo Eeya wolo aadili wau otutu.

TAMOO-HUTUBAWA 11:9

Laasailo maasa humulamu, wuu tabohulotau! Potiwengahulo ngotilonggadu yio̒ donggo humula daa̒. Poo̒poluwalo totoonulalo otohilaa lohilaamu, ponao̒owalo ngoa̒amila niyati lohilaamu. Bo eelai mao̒, Allahu Taa̒ala woluo tosologa, de mamo mutoa̒i huhutuumu ngoa̒amila.

TAMOO-HUTUBAWA 12:14

Allahu Taa̒ala mamomutoa̒i totoonulalo huhutuunto; u mopiohu wau u mobulilo, tumbao̒ u tuutuuo̒ olo.

MATIUSI 11:27

Lapatao̒ ti Isa lobisala, “Totoonulalo u hitua-tuawua mailudu mai li Paapa ode laatia. Diaaluo penu boli ngotaa mao̒ tamotota to Walao̒ ngopohia li Paapa. Diaaluo olo tamotota li Paapa ngopohia Walao̒, wau tau-tauwala ode tatoonu Walao̒ boito mopoo̒taa mao̒ pasali li Paapa.

MATIUSI 16:27

Diilalo mohiheo Walao̒ Manusia, pee̒-pee̒enta wolo mamaa-lai̒ikati-Lio, mamei dungga wolo kawasa li Paapa-Lio. Tou̒ boito Tio mamolontuli mai timii̒du tau motuuu̒de wolo huhutuulio.

MATIUSI 28:18

Ti Isa lohimbideo̒ olimongolio wau lotahuda mao̒, “Ngoa̒amila kawasa tosologa wau todunia mailudu-Lio mai ola-U̒.

YAHYA 17:2

Ti Paapa malohudu mai kawasa to ngoa̒amila umati lomanusia ode Walao̒, alihu Tio mongohi tutumulo ututuulio tutu wau ohiheo-hiheolo mao̒ ode ngoa̒amila tamailudu mai li Paapa o-Lio.

YAHYA 3:35

Allahu Taa̒ala momonu Wala-I̒o, wau malohudu totoonulalo kawasa to o-Lio.

YAHYA 5:27

Tio malohudu ode wala-I̒o haku u momutoo̒, sababu Tio Walao̒ Manusia.

YAHYA 9:39

Ti Isa lotahuda mao̒, “Wau̒ dungga-dungga mai ode dunia botie mai momutoo̒; alihu taa pitoo̒ mowali moo̒onto, wau taa moo̒onto, mowali pitoo̒.”

WUNGGULI LOMONGO RASULU 10:42

Wau Tio lopoa̒hu olami mopohabari Habari Mopiohe boito ode tau-tauwalo wau mongohi sakusi deu̒ Tiolo tapiluduo̒ Allahu Taa̒ala lowali Butoo̒ totau-tauwalo tadonggo hitumula wau tau-tauwalo tamailate.

WUNGGULI LOMONGO RASULU 17:31

Sababu Tio malolantu mai wakutu tuwau u momutoo̒ ngoilanggubu dunia botie wolo aadili. Tuugasi boito mapohutuo lo ngotaalio tamaa tilulaoto Allahu Taa̒ala u mohutu mao̒ sua̒li boito. Wau alihu ngoa̒amila tau yakini losua̒li boito, Allahu Taa̒ala maluli lopo tumulai tau boito lonto opopate!”

ROMA 2:16

Odieelo mola u de mamotoduo mai todulahee u matilantu boito. Todulahee boito – modudua̒ Habari Mopiohe upilo habari mai lowatia – Allahu Taa̒ala motimbulude li Isa Almasi, mamomutoo̒ ngoa̒amila u hitua-tuawua u sangaja hetutuo̒ lohilao wau pikiilangi lotaa ngoa̒amila.

2 KORINTUS 5:10

Sababu tantuulo mao̒ ito ngoa̒amila mawuduwolio ode talu lo bubutoo̒ li Almasi, wau ngota-ngota mamoo̒tapu balasiilio motuuu̒de wolo huhutuulio todunia botie – huhutu mopiohe meaalo u moleeto.

2 TIMOTIUS 4:1

Ti Isa Almasi mamuli meidungga mai ode dunia botie u momutoo̒ tau-tauwalo tahitumula wau tamailate; wau Tio mamei dungga u momalenta odelo Olongia. Masababu uito pohileu̒ lou̒ tio̒otutua olemu totalu lo Allahu Taa̒ala wau li Isa Almasi:

1 PETRUS 4:5

Bo timongolio de musi mongohi mao̒ titihula to Allahu Taa̒ala tamalo tidapato u momutoo̒ taa u tumutumulo wau tamalate.