YAHYA 5:19 - KITABI HABARI MOPIOHE

¹⁹ Ti Isa lolametao̒ ode tau-tauwala boito odie, “Pomalacayalo, Walao̒ diila mowali mohutu wolo-wolo, wolo kawasaa-Lio lolohilao. Tio bo mohutu wolo u iloontonga-Lio pilohutu li Paapa-Lio. Sababu wolo u pilohutu li Paapa-Lio, uito olo u pohutuo lo Walao̒.

YAHYA 5:19 ပူးပေါင်းရင်းမြစ်များ

ILOOWALI 1:1

Tou̒ bohulio, wakutu Allahu Taa̒ala lolumulo lopowali mai ngoilanggubu aalamu,

ILOOWALI 1:26

Lapatao̒ Allahu Taa̒ala lotahuda, “Botia Ito mamopowali manusia u mamowali debo odelo ito wau u tutuuwauwa wolanto. Timongolio mamotolo-kawasa to totoo-lawaalo, bubuu-rungiyalo, wau totoonulalo binatangi uwewo, mopio u moluamo meaalo u molinggelo, mopio udaa̒ meaalo kikiio̒.”

JABURU 138:3

Tou̒ watotia longiibode mola to Eeya, Eeya lolametai, piloo̒lotolo Eeya hilaa lowatotia tilinggula watotia lowali buheli.

JABURU 27:14

Poharapulo to Eeya, poo̒lotolalo wau poo̒tohetalo mola hilaamu; ooo̒, poharapulo mola to Eeya!

JABURU 50:6

Hulungo lopololadu deu̒ Allahu Taa̒ala lomutoo̒ umati-Lio, wau deu̒ Eeya lohihilao hakimulio.

PILOTIMUA̒TA 4:11

Eeya lotahuda mao̒ olio, “Tatoonu tamongohi mai tunggilo to manusia? Tatoonu tamohutu olio diila mowali mobisala wau talodu? Tatoonu tamohutu olio mowali moo̒onto meaalo pitoo̒? Diila bo Wau̒lo, Eeya?

POHUMAYA 2:6

Eeyaalo tamongohi mai hikimati; monto Eeyaalo manusia moo̒tapu mai ilimi wau pongotota.

YESAYA 44:24

Odieelo mola tahuda lo Eeya Tamoo-poa̒ahua olemu talo powali olemu tumulalo mai todelomo talomo, “Wau̒ulo Eeya talopowali mai totoonulalo u hitua-tuawua, u tutuuwau lomua̒de hulungo, wau lou̒ diila bilantu lopowali dunia.

YESAYA 45:24

Tau-tauwalo mamoloi̒ya, ‘Ua̒adili wau olootolo bo monto Eeya!’ Ngoa̒amila taa u molonuo̒ ola-U̒ mamonao̒ mai de ola-U̒ wau odungga lo woolito.

YEREMIA 17:10

Wau̒, Eeya, motulete mai hilao, wau hitua-tuawua uwoluo todelomo hilaa lo manusia tesiyo-U̒. Ngota-ngota mabalasiya-U̒ mai modudua̒a pii̒liilio, wau pohutuo-U̒ mai motuuu̒de wolo huhutuulio.”

MATIUSI 26:39

Lapatao̒ ti Isa lonao̒ mota lebe lolaminga ngopee̒, tulusi Tio leidumulo lomola tohuta wau lodua̒. “Paapa,” ua-Lio, “Wonu mowali, polaminga mao̒ monto olaatia sikisa u musi dutola lowatia botie. Bo diila moduduo̒ hilaa lowatia, bo moduduo̒ u tohilaa li Paapa.”

LUKASI 21:15

Wau̒ lohihilao mamongohi mai tataa-heyaalo wau tinepo olimongoli, tilinggula diaaluo mao̒ penu boli ngota monto mumuusuumu mowali moluwali meaalo momaahu wolo uloi̒ya limongoli.

YAHYA 10:18

Diaaluo penu boli ngotaa tamowali mohama mao̒ monto ola-U̒. Wau̒ mohudu mao̒ modudua̒ otohilaa lohihilao. Wau̒ okawasa u mohudu mao̒, wau okawasa muli mohama mao̒. Ui-uitolo tuugasi u tilolimo-U̒ lonto li Paapa-U̒.”

YAHYA 12:49

Sababu Wau̒ diila lotahuda mai to hilaa-U̒ lohihilao; ti Paapa talolao mai ola-U̒, mati Paapalo boito talo malentai ola-U̒ wolo uwajibu potahuda-U̒ wau u potunggulo-U̒.

YAHYA 12:50

Wau otaawa-U̒ deu̒ palentaa-Lio boito mongohi tutumulo ututuulio tutu wau ohiheo-hiheolo mao̒. Yi Wau̒ mopo tunggulai debo odelo upilo ngaajali li Paapa ola-U̒.”

YAHYA 14:10

Pilipus! Wolo yio̒ diila palacaya, deu̒ Wau̒ tuwau woli Paapa wau ti Paapa tuwau wola-U̒? Wolo umapilo tahuda-U̒ mai olemu, diila lonto ola-U̒ lohihilao. Ti Paapa-U̒ tadebo tuwau wolau̒, Tiolo tamohutu mai ngoa̒amilalo boito.

YAHYA 2:19

Ti Isa lolametao̒, “Lolohubelo Bele botie, wau todelomo utolo hui mola Wau̒ mamuli momongu mao̒.”

YAHYA 3:3

Ti Isa lolametao̒, “Pomalacayalo, diaaluo penu boli ngotaa mao̒ tamowali pongawaa̒ umati lo Allahu Taa̒ala, wonu tio diila muli potutuolio mai.”

YAHYA 5:21

Allahu Taa̒ala boito mopobongu mai taamate, wau mongohi olimongolio tutumulo ututuulio tutu wau ohiheo-hiheolo mao̒; odito olo Walao̒ mongohi mai tutumulo u ohiheo-hiheolo mao̒ totaa mohuto wohia-Lio tutumulo.

YAHYA 6:38

Sababu Wau̒ lotuhutai lonto sologa, diila mai mohutu u otohilaa-U̒ lohihilao, bo u otohilaa-Lio lo talolao mai ola-U̒.

YAHYA 8:28

Sababu uito ti Isa lotahuda mao̒ olimongolio, “De wonu timongoli malo palaio̒ mola Walao̒ Manusia, timongoli mamotota deu̒ ‘Wau̒lo Tio tai̒lunte WAU̒ WOLUO’, wau timongoli mamotota deu̒ diaaluo penu boli tuwau mao̒ u pilohutu-U̒ monto batanga-U̒ lohihilao. Wau̒ bo wambao̒ motahuda wolo upilo ngaajali mai li Paapa ola-U̒.

YAHYA 9:4

Ngotilonggadu donggo dulahu, ito musi mokalaja mao̒ kalajaa-Lio lo talolao mai ola-U̒. Hui mamei dungga, wau penu boli ngotaa mao̒ diila tamowali mokalaja.

WUNGGULI LOMONGO RASULU 2:24

Bo Allahu Taa̒ala luli lopotumulai o-Lio lonto wolota lotau-tauwalo tahe lopowate. Tio tiloloolo lo malikili mautu, bo Allahu Taa̒ala lolopata o-Lio, sababu diila pongalo aakali Tio kawasaalio tulusi lo opopate.

ROMA 6:4

Wolo polihu boito, ito yilobungio woli Almasi, wau lodudua̒ yilate pee̒-pee̒enta wo-Lio, alihu debo odelo ti Almasi pilopo tumulai lonto opopate tokawasa li Paapa talailaio̒, odito olo ito mowali tumumulo todelomo tutumulo u bohu.

ROMA 8:11

Wonu Rohullah, talo potumulai li Almasi lonto opopate, tumutumulo todelomo batangamu, yi Tio talo potumulai li Almasi lonto opopate boito, mamo potumulai olo wawau̒mu u mowali mate boito. Tio mohutu mai uito wolo Rohu-Lio u tumutumulo todelomo wawau̒mu.

1 KORINTUS 15:12

Wonu upilo habari mai lamiaatia boito yito ti Almasi maluli pilopo tumu-Lio mai lonto opopate, yilongola woluo to wolotamu tahi poloi̒yawa deu̒ taamate diilalo potumulo-Lio mai?

2 KORINTUS 4:14

Amiaatia yakini deu̒ Allahu Taa̒ala tamaaluli lopotumulai li Isa Eeya, mamopo tumulai olamiaatia olo woli Isa, wau modelo olimongoli wau olamiaatia ode talu-Lio.

2 KORINTUS 5:10

Sababu tantuulo mao̒ ito ngoa̒amila mawuduwolio ode talu lo bubutoo̒ li Almasi, wau ngota-ngota mamoo̒tapu balasiilio motuuu̒de wolo huhutuulio todunia botie – huhutu mopiohe meaalo u moleeto.

EPESUS 2:5

tilinggula tou̒ ito donggo hipatea delo dudelo lorohu sababu totoonulalo totalanto, Tio luli lopotumulai olanto pee̒-pee̒enta woli Almasi. Oditolio, bo sababu opopiohu hilaa lo Allahu Taa̒ala wambai̒o, timongoli piloa̒ahu-Lio.

EPESUS 3:16

Watia modua̒ mola bolo potala Allahu Taa̒ala talaba-labaalo lailaio̒ motuhatawa u mopoo̒ lotolo hilaa limongoli wolo Rohu-Lio.

PILIPI 3:21

Batanganto u molulupuhu wau mowali moa̒antulu botie, mamowali debo odelo batanga-Lio lohihilao u molaio̒. Tio mowali mohutu mai uito sababu Tio motolo miliki kawasa umopo taa̒luku totoonulalo u hitua-tuawaua.

PILIPI 4:13

Wolo kawasa uilohi mai li Almasi odelaatia, watia loo̒toduo mai lotolo u lotaalua wolo totoonulalo owowoluwoa u hidala-dalaala.

KOLOSE 1:11

Pohileaala dua̒ wolo kawasa lo Allahu Taa̒ala u udaa̒, timongoli polootolo-Lio mai tilinggula timongoli mambo modutolo totoonulalo u hitua-tuawua wolo sabali wau sanangi lohilao

KOLOSE 1:16

Sababu lotimbulude o-Liolo Allahu Taa̒ala lopowali totoonulalo u hitua-tuawua tosologa wau toitaato dunia, totoonulalo u hitua-tuawua u oontonga wau udiila oontonga, leituwoto olo ngoa̒amila rohu u okawasa wau u hemo malenta. Ngoilanggubu aalamu botie pilowali-Lio mai lotimbulude li Almasi wau odeli Almasi.

1 TESALONIKA 4:14

Ito palacaya deu̒ ti Isa mailate wau luli tilumumulai. Uito sababuulio ito palacaya olo deu̒ Allahu Taa̒ala mamuli mopo tumulai ngoa̒amila taa palacaya li Isa wau tamailate, alihu timongolio tumumulo pee̒-pee̒enta wo-Lio.

1 PETRUS 3:18

Sababu ti Almasi lohihilao yilate bo pee̒enta wambao̒, u ohiheo-hiheolo mao̒ sababu dusa lomanusia – ngotaalio tadiila ototala, yilate ode taa ototala. Ti Almasi lohutu uito alihu Tio mowali modelo olimongoli ode Allahu Taa̒ala. Tio pilatelio yila-yilateelo mao̒ delo pohuli lobatanga, bo luli pilotumulai delo pohuli lo rohu.

WAHI 2:23

Tahidudua̒ olio mapate-U̒ olo mate-mateelo mao̒ alihu ngoa̒amila jamaa̒ mongalati deu̒ Wau̒lo Tio molonea̒ pikiilangi wau hilaa lomanusia. Timongoli mabalasiya-U̒ modudua̒ huhutu limongoli ngota-ngota.