YAHYA 5:18 - KITABI HABARI MOPIOHE

¹⁸ Tahuda boito maloo̒ sababu to tahidihima kawasa lo Yahudi lebe mao̒ hipo tolopania u momate o-Lio mate-mateelo mao̒. Timongolio lohutu uito, diila bo sababu u Tio lolambanga wuu̒du lo agama tomimbihu dulahu Saabati, bo olo kalana Tio malo tahuda deu̒ Allahu Taa̒ala boito ti Paapa-Lio; boliilio mao̒ Tio mopo tutuuwauwa batanga-Lio wolo Allahu Taa̒ala.

YAHYA 5:18 ပူးပေါင်းရင်းမြစ်များ

JAKARIA 13:7

Eeya Taa Laba-labaalo kawasa lotahuda, “Pobongulo mola, wuu wamilo, wau tuhuwalo diiti tahe mokalaja duo̒lo-U̒! Pateaalo tio mate-mateelo mao̒, yi hihii-mbaawaalo mamo bubuua̒yawa. Wau̒ mamoluhu umati-U̒,

MATIUSI 12:5

Meaalo diipo pee̒enta timongoli lopobaca mao̒ todelomo butoe̒e Musa u timii̒du dulahu Saabati mongo iimamu tahe otuugasia to Bele lo Eeya, hipo lambangawa wuu̒du lodulahu Saabati, bo diila pilopo talalio?

YAHYA 1:19

Tahidihima kawasa lo Yahudi to Yerusalemu lopoa̒hu mongo iimamu wau tau-tauwalo Lewi lonao̒ odelei Yahya wau lohintu olio, “Yio̒ botie tatoonu?”

YAHYA 10:30

Wau̒ wau ti Paapa-U̒ yito tuwau.”

YAHYA 10:33

Tau-tauwalo Yahudi boito lolametao̒, “Diila bo kalana ngoa̒amila kalaja-Mu u mopiohu boito ami ohilaa momai̒ wolo botu ole-Mu, bo sababu Yio̒ hemo muayo Allahu Taa̒ala. Yio̒ ngotaalio lomanusia, wau ohilaa mopowali batanga-Mu Allahu Taa̒ala.”

YAHYA 14:23

Ti Isa lolametao̒, “Taa motolia̒ngu-U̒, mamo dudua̒ pongaajali-U̒. Ti Paapa-U̒ mamomonu mai olio. Ti Paapa wau Wau̒ mamei dungga mai ode olio wau motibiluloa̒ wolio.

YAHYA 14:9

Boti Isa lolametao̒, “Maa odito hiheolio Wau̒ pee̒-pee̒enta woli mongoli, wau debo diipo iloonuhemu Wau̒, Pilipusi? Taa u malo oonto ola-U̒, malo oonto oli Paapa. Woloolo mola yio̒ mowali moloi̒ya, ‘Pobilohe mai ti Paapa to mongowatotia’?

YAHYA 19:7

Tau-tauwalo Yahudi boito lolametao̒, “Modudua̒ butoo̒ lamiaatia Tio musi hukuu-maniyolo mate-mateelo mao̒ sababu Tio longaku batanga-Lio Walao̒ Allahu Taa̒ala.”

YAHYA 5:15

Yi malonao̒ tau boito lapatao̒ lopoo̒taa to tahidihima kawasa lo Yahudi deu̒ ti Isaalo talo poo̒luli olio.

YAHYA 5:16

Wau sababu uito timongolio mahipo tolopania mopoo̒suusa li Isa, sababu Tio lopoo̒luli tau todulahu Saabati.

YAHYA 5:17

Boti Isa lotahuda mao̒ olimongolio, “Allahu Taa̒ala debo hemo kalaja tunggula botia, wau Wau̒ olo musi mokalaja.”

YAHYA 5:23

Allahu Taa̒ala lohutu uito alihu ngoa̒amila tau mohulumati to Walao̒ debo odelo timongolio mohulumati to Allahu Taa̒ala. Taa diila mohulumati to Walao̒ diila mohulumati olo to Allahu Taa̒ala tamalolao mai to Walao̒.

YAHYA 7:1

Lapatao̒ uito ti Isa malonao̒ ode utoonulalo mao̒ to Galilea. Tio diila lohuto ode madala lo Yudea sababu tahidihima kawasa lo Yahudi mola teto o makusudu momate olio mate-mateelo mao̒.

YAHYA 7:19

Diila tei Musa tamaa longohi mai papaa-lentawalo Allahu Taa̒ala ode olemu? Bo towolota limongoli diaaluo mao̒ talo dudua̒ papaa-lentawalo boito. Yilongola timongoli ohilaa momate ola-U̒ mate-mateelo mao̒?”

YAHYA 8:54

Ti Isa lolametao̒, “Humayaalio Wau̒ mololohe ohulumati ode batanga-U̒ lohihilao, ohulumati boito diaaluo hunalio. Tamo hulumati ola-U̒ yito ti Paapa-U̒ tahe anggapuo limongoli Allahu Taa̒ala limongoli,

YAHYA 8:58

Ti Isa lolametao̒, “Otutu Wau̒ motahuda mai olemu: tou̒ tei Abraham diipo pilotutulio mai, Wau̒ mawoluo.”

PILIPI 2:6

To dasalilio Tio tutuuwauwa wolo Allahu Taa̒ala, bo Tio diila molaasa deu̒ owowoluwoa-Lio u ilahi boito musi poti bintengia-Lio.

WAHI 22:1

Malai̒kati boito olo lopo bilohei olaatia dutula u taluhio mongohi tutumulo. Dutula boito hei̒nta-intaawa debo odelo Kristali, wau tolo-tolohei lonto tambati huhuloa̒ lo Allahu Taa̒ala wau Walao̒ Himba boito,

WAHI 22:3

Todelomo kota boito diaaluo penu boli tuwau mao̒ u ilotuhata laa̒nati lo Allahu Taa̒ala. Tambati huhuloa̒ lo Allahu Taa̒ala wau Walao̒ Himba boito maa odungga todelomo kota boito. Mongo wato-Lio mataa̒aluku wau mohulumati to o-Lio,