YAHYA 5:17 - KITABI HABARI MOPIOHE

¹⁷ Boti Isa lotahuda mao̒ olimongolio, “Allahu Taa̒ala debo hemo kalaja tunggula botia, wau Wau̒ olo musi mokalaja.”

YAHYA 5:17 ပူးပေါင်းရင်းမြစ်များ

JABURU 65:6

Eeya lolametai olamiaatia wolo longohi mai olamiaatia ohohaama, hepilohutu mai lo Eeya susuu-aliyaalo moo̒linggolabe u mopoa̒ahu olamiaatia! Eeyaalo halaapani lo ngoa̒amila bangusa demola deheto u molamingo.

YESAYA 40:26

Pomilohulo mola ode hulungo, wau poo̒tuotalo! Tatoonu talopowali popoo-liyamaalo? Eeya talo ngaatulu olimongolio debo odelo pasuukani, Otaawa lo Eeya jumulaa limongolio ngoa̒amila, wau motianga ngota-ngota wolo tanggulio. Diaaluo penu boli tuwau mao̒ u yilooli, sababu udaa̒alio kawasa lo Eeya!

MATIUSI 10:29

Dinggota mohelu duluo wowali taliyolo wolo mato lodoi ngopita upulito kikiio̒. Penu boli odito diaaluo mao̒ penu tuwau modehu ode huta wonu diila kahandakio lo Allahu Taa̒ala limongoli.

YAHYA 10:36

yilongola timongoli helo loi̒ya ola-U̒ hemo muayo Allahu Taa̒ala sababu Wau̒ lotahuda Walao̒ Allahu Taa̒ala? Lebe-lebe pomao̒ Wau̒ tilulaoto Allahu Taa̒ala wau yilao-Lio mai ode dunia.

YAHYA 14:10

Pilipus! Wolo yio̒ diila palacaya, deu̒ Wau̒ tuwau woli Paapa wau ti Paapa tuwau wola-U̒? Wolo umapilo tahuda-U̒ mai olemu, diila lonto ola-U̒ lohihilao. Ti Paapa-U̒ tadebo tuwau wolau̒, Tiolo tamohutu mai ngoa̒amilalo boito.

YAHYA 5:16

Wau sababu uito timongolio mahipo tolopania mopoo̒suusa li Isa, sababu Tio lopoo̒luli tau todulahu Saabati.

YAHYA 5:18

Tahuda boito maloo̒ sababu to tahidihima kawasa lo Yahudi lebe mao̒ hipo tolopania u momate o-Lio mate-mateelo mao̒. Timongolio lohutu uito, diila bo sababu u Tio lolambanga wuu̒du lo agama tomimbihu dulahu Saabati, bo olo kalana Tio malo tahuda deu̒ Allahu Taa̒ala boito ti Paapa-Lio; boliilio mao̒ Tio mopo tutuuwauwa batanga-Lio wolo Allahu Taa̒ala.

YAHYA 9:4

Ngotilonggadu donggo dulahu, ito musi mokalaja mao̒ kalajaa-Lio lo talolao mai ola-U̒. Hui mamei dungga, wau penu boli ngotaa mao̒ diila tamowali mokalaja.

WUNGGULI LOMONGO RASULU 14:17

Bo diila ilolipata-Lio longohi mai bubuu-kutiyaalo pasali lobatanga-Lio, deu̒ito-yito lou̒ lohutu umopiohu. Tio lopo tuhutai didi olemu lonto hulungo wau tilapulo huta to sembolio. Tio longohi mai ua̒alo olemu wau loposanangi hilaamu.”

WUNGGULI LOMONGO RASULU 17:28

Debo odelo u heloi̒ya lotau, ‘Ito hitumula wau hio̒oliyoa̒ wau woluo todunia botie sababu okokawasa-Lio!’ Tutuuwauwa olo lou̒ heloi̒ya lo dengolo lota tamoo-sai̒ria limongoli. Timongolio loloi̒ya, ‘Ito ngoa̒amila yito mongo wala-I̒o.’

1 KORINTUS 12:6

Woluo hidala-dalaala dudelo u mokalaja kalaja lo Eeya, bo tamongohi mai lotolo boito ode timii̒du tau yito Allahu Taa̒ala tatuwau olo.

KOLOSE 1:16

Sababu lotimbulude o-Liolo Allahu Taa̒ala lopowali totoonulalo u hitua-tuawua tosologa wau toitaato dunia, totoonulalo u hitua-tuawua u oontonga wau udiila oontonga, leituwoto olo ngoa̒amila rohu u okawasa wau u hemo malenta. Ngoilanggubu aalamu botie pilowali-Lio mai lotimbulude li Almasi wau odeli Almasi.

1 TESALONIKA 2:13

Donggo Woluo poli sua̒li tuwau uwewo ulohutu olamiaatia lolapali oduo̒lo ode Allahu Taa̒ala. Sua̒li boito yito, deu̒ tou̒ amiaatia lopo tunggulai habari lonto Allahu Taa̒ala olimongoli, timongoli lodungohe wau lololimo habari boito diila odelo habari lonto manusia, bo odelo habari u tutuulio tutu lonto Allahu Taa̒ala. Tiolo tadonggo kalakalaja todelomo batanga limongoli tapalacaya li Almasi.

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.