YAHYA 5:15 - KITABI HABARI MOPIOHE

¹⁵ Yi malonao̒ tau boito lapatao̒ lopoo̒taa to tahidihima kawasa lo Yahudi deu̒ ti Isaalo talo poo̒luli olio.

YAHYA 5:15 ပူးပေါင်းရင်းမြစ်များ

MARKUSI 1:45

Bo tau boito lonao̒, wau mololaalaaita helo hungguli ulotoduo boito ode utoonulalo mao̒ tunggula ti Isa diila lowali tilumuwoto ode kota wolo nanaasa. Tio bo lotibiluloa̒ to bulemengo kota to tataa-mbatiyalo udiila otau. Bo tau tulusi hiponao̒wa mai lonto utoonulalo mao̒.

YAHYA 1:19

Tahidihima kawasa lo Yahudi to Yerusalemu lopoa̒hu mongo iimamu wau tau-tauwalo Lewi lonao̒ odelei Yahya wau lohintu olio, “Yio̒ botie tatoonu?”

YAHYA 4:29

“Dulo mai bilohi talo poo̒taa mai olaatia totoonulalo hitua-tuawua u mapee̒enta pilohutu lowatia. Wolo otanu Tiolo boito Olongia Tamoo-poa̒ahua?”

YAHYA 5:10

Sababu uito tahidihima kawasa lo Yahudi malo loi̒ya totaa boheli loluli mao̒ boito, “Dulahu botie dulahu Saabati. Yio̒ diila mowali momintaa̒ amongumu.”

YAHYA 5:12

“Tatoonu Tio talo poa̒hu olemu lomintaa̒ amongumu wau lononao̒?” yilintu mao̒ limongolio.

YAHYA 5:16

Wau sababu uito timongolio mahipo tolopania mopoo̒suusa li Isa, sababu Tio lopoo̒luli tau todulahu Saabati.

YAHYA 5:18

Tahuda boito maloo̒ sababu to tahidihima kawasa lo Yahudi lebe mao̒ hipo tolopania u momate o-Lio mate-mateelo mao̒. Timongolio lohutu uito, diila bo sababu u Tio lolambanga wuu̒du lo agama tomimbihu dulahu Saabati, bo olo kalana Tio malo tahuda deu̒ Allahu Taa̒ala boito ti Paapa-Lio; boliilio mao̒ Tio mopo tutuuwauwa batanga-Lio wolo Allahu Taa̒ala.

YAHYA 9:15

Timongolio olo lohintu mao̒ olio woloolo mola tio malowali loo̒onto. Tio lolametao̒, “Tio malodutu mai latao̒ tomato lowatia, lapatao̒ pilobelesi mao̒ lowatia latao̒ boito watia malowali loo̒onto.”

YAHYA 9:25

“Wolo tio odusa meaalo diila,” tametao̒ lotau boito, “diila otaawa lowatia. Bo tuwau sua̒li u otaawa lowatia; muloololio mai watia pitoo̒, botia watia maloo̒onto.”

YAHYA 9:30

Tau boito lolametao̒, “Moo̒linggolabe daa̒ deu̒ diila otaawa limongoli lonto utoonu asalii-Lio, hiambola Tio malohutu olaatia lowali loo̒onto.

YAHYA 9:34

Tametao̒ limongolio, “Wolo? Yio̒ tapolu-polu lodusa anggadu pilotutulio mai, yio̒ mamo ngaajali olami?” Yi tumulalo mai tou̒ boito tio dilinilio tumuwoto ode bele potabiaalo.