YAHYA 4:9 - KITABI HABARI MOPIOHE

⁹ Taabua lo Samaria boito lolametao̒, “Ti Tuani taulo Yahudi, wau watia taulo Samaria; yilongola ti Tuani mohile uilumolo monto olaatia?” (Sababu tau-tauwalo Yahudi diila owumbuta wolo taulo Samaria).

YAHYA 4:9 ပူးပေါင်းရင်းမြစ်များ

MATIUSI 10:5

Tamopulaa duulota rasulu boito lapatao̒ yilao li Isa wolo loo̒tapu popoo-tuhatawalo utie, “Diila mao̒ ponao̒ ode madala lotau-tauwalo tadiila Yahudi. Diila mao̒ olo ode kokoo-tawaalo taulo Samaria.

LUKASI 10:33

Bo lapatio mao̒ tau ngota lo Samaria donggo pasi-pasiyali, yilumaode olo teto. Tou̒ loo̒onto tau boito, mawunu-wunulo daa̒ hilaalio, sababu motolia̒ngo.

YAHYA 4:27

Tou̒ boito tahidudua̒ li Isa lohualingai. Timongolio lolinggolabu loo̒onto li Isa hemobisala wolo taabua ngota. Bo diaaluo penu boli ngotaa mao̒ limongolio talohintu totaabua boito, “Ti ibu palalu wolo?” meaalo lohintu toli Isa, “Yilongola ti Paaa̒ hemobisala wolo taabua boito?”

YAHYA 8:48

Tau-tauwalo Yahudi boito lolametao̒ li Isa, “Wolo diila otutu loi̒ya lami botie deu̒ Yio̒ taulo Samaria tai̒lo tuanga lolati?”

WUNGGULI LOMONGO RASULU 1:8

Bo timongoli mamoo̒tapu kawasa, wonu Rohullah malei dungga mai ode limongoli. Wau timongoli mamowali sakusi ola-U̒ to Yerusalemu, to ngoilanggubu Yudea, to Samaria, wau tunggula ode huudio lodunia.”

WUNGGULI LOMONGO RASULU 10:28

Tulusi tio loloi̒ya mao̒ olimongolio, “Mongo wutato lohihilao motota deu̒ taulo Yahudi hedinio lo agamaalio u mobiilohe meaanto mohumbuta wolo tau-tauwalo monto bangusa wewo. Bo Allahu Taa̒ala malo pobilohei ode laatia deu̒ watia diila mowali monganggapu penu boli tatoonu olo najisi meaanto haramu.

WUNGGULI LOMONGO RASULU 10:32

Oditolio ahulilo mota tau ode Yope motiangai tai̒lunte Simon Petrus. Tio donggo hanga-hangaata tobele ngotaalio lo tamoolahea walito; bele boito tobiihu deheto.’