YAHYA 4:48 - KITABI HABARI MOPIOHE

⁴⁸ Ti Isa lotahuda mao̒ ode pogawee lo pamalenta boito, “Wonu timongoli diila loo̒onto totoonulalo moo̒linggolabe, yi timongoli diila palacaya.”

YAHYA 4:48 ပူးပေါင်းရင်းမြစ်များ

DANIALI 4:2

Wau̒ ohilaa mosilita mai pasali u moo̒linggolabe wau muu̒jijati u mapilohutu mai lo Allahu Taa̒ala Taa Laba-labaalo molanggato to olau̒.

DANIALI 6:27

Wau̒ momalentaao̒ ode ngoa̒amila taa u to madala lo yilaidiaau̒ alihu moohe wau mohurumati to Allahu Taa̒ala taahe tuboo lei Daniali! Tio yito Allahu Taa̒ala taa tumu-tumulo o hiiheo-hiiheolo mao̒, tunggula pulito jamani momalenta. Yilaidiaa-Lio diila taa binaasa. Olotoo-Lio diila taa o pulitio.

YIA̒APO 14:11

Eeya lotahuda mai odelei Musa, “Donggo ngolo mola hiheolio tau-tauwala botie moluwali ola-U̒? Tunggula omolua timongolio diila mohuto palacaya ola-U̒, eleponu Wau̒ malohutu mai odito daatalio u moo̒linggolabu towolota limongolio?

MATIUSI 16:1

Woluo dengolo lota taulo Parisi wau taulo Saduki lonao̒ mai odeli Isa ohilaa mopotala o-Lio. Timongolio mei̒hutu o-Lio moo̒linggolabe umopo bukuti mao̒ deu̒ Tio dungga-dungga mai monto Allahu Taa̒ala.

MATIUSI 24:24

Sababu malumenetai tahi poa̒ahua paaluti wau mongo nabi paluti. Timongolio mamokalaja mao̒ totoonulalo huhutu upolu-pulutuo̒ wau momoo̒o-linggolabewalo, wonu mowali, umati lo Allahu Taa̒ala olo.

MATIUSI 27:42

“Tio helo poa̒ahu taawewo, lebe-lebe pomao̒ batanga-Lio lohihilao diila mowali poa̒ahuwo-Lio! Wonu Tio olongia lo Isirai̒lu, opio-piohelio Tio molaahei botia monto ayu salipu boito, deu̒ito ami mapalacaya o-Lio.

MARKUSI 13:22

Sababu tahi poa̒ahua paluti wau mongo nabi paluti mamei dungga mai. Timongolio mamo kalaja mai huhuu-tuwaalo upolu-polutuo̒ wau momoo̒-linggolabeyalo u mohimbulo wonu potala mowali, umati lo Allahu Taa̒ala olo.

LUKASI 10:18

Ti Isa lolametao̒, “Wau̒ loo̒onto Ibilisi lodehu mai lonto hulungo odelo ilato.

LUKASI 16:31

Bo tei Abraham loloi̒ya, ‘Wonu timongolio diila momandungi palenta lei Musa wau mongo nabi, matantulo mao̒ timongolio diila tapalacaya olo, openu boli woluo taamate tamuli tumumulai.’ ”

YAHYA 12:37

Eleponu madadaata u moo̒linggolabe hepilohutu li Isa totalu limongolio, timongolio debo diila palacaya o-Lio.

YAHYA 15:24

Humayaalio tohuungi mongolio Wau̒ diila lohutu susuu-aliyaala udiipo pee̒enta mao̒ pilohutu lotaa wewo, yi timongolio diila ilodusa. Bo botia timongolio malo oonto wolo u pilohutu-U̒, wau timongolio molonuu̒u-U̒ meaalo li Paapa-U̒.

YAHYA 2:18

Tahidihima kawasa lo Yahudi helo tehengi li Isa, uali mongolio, “Nte pohutua mai u moo̒linggolabe odelo tuoto olami deu̒ yio̒ ohaku mohutu mao̒ debo odelo utie.”

YAHYA 20:29

Yi ti Isa lotahuda mao̒ olio, “Yio̒ palacaya sababu maloo̒onto ola-U̒, diila odito? Potisanangilo tutu taa palacaya eleponu diila moo̒onto ola-U̒!”

YAHYA 4:49

“Tuani,” ualo pogawee lo pamalenta boito, “aliheo̒ ponao̒lo mai tou̒ walao̒ lowatia boito diipo mate.”

WUNGGULI LOMONGO RASULU 14:3

Sababu uito tei Paulus wolei Barnabas lotibiluloa̒ lohiheo teto. Wau wolo buheli timongolio helo bisala pasali ponu lo Eeya. Yi Eeya olo lopobukuti mai deu̒ habari limongolio pasali loponu-Lio boito otutu; Tio lohudu mai olimongoli okawasa u mohutu totoonulalo u moo̒linggolabe wau susuu-aliyaalo upolu-polutuo̒.

WUNGGULI LOMONGO RASULU 15:12

Yi malei poo̒oyolo mola ngoa̒amila tahia̒mbua teto. Lapatao̒ timongolio malo dungohe olei Barnabas wolei Paulus luli lohungguli mao̒ ngoa̒amila u moo̒linggolabe wau susuu-aliyaalo upolu-polutuo̒ u mapilohutu lo Allahu Taa̒ala lotimbuludei olimongolio towolota lotau-tauwalo bangusa wewo tadiila Yahudi.

WUNGGULI LOMONGO RASULU 2:19

Wau̒ mamopo woluo momoo̒o-linggolabeyalo toitaato mola tohulungo, wau susuu-aliyaalo upolu-polutuo̒ to walungo lewe todunia; mawoluo mai duhu wau tulu, wumbuo̒ wau poloo̒.

WUNGGULI LOMONGO RASULU 2:22

Mongo wutato tau-tauwalo Isirai̒lu! Dungohilo wolo uiloi̒ya mai lowatia botie: ti Isa taulo Najaret boito mailohia tuugasi lo Allahu Taa̒ala ode wutato. Uito loi̒laalo daa̒ tou̒ tilolahepalo u moo̒linggolabu wau susuu-aliyaalo upolu-polutuo̒ upilohutu mai lo Allahu Taa̒ala tohuungi mongoli lotimbulude toli Isa boito. U ngoa̒amilalo boito mailotaawa lowutato lohihilao.

WUNGGULI LOMONGO RASULU 2:43

Ngohuntua daa̒ moo̒linggolabe u hepilohutu lomongo rasulu boito tilinggula ngoa̒amila tau lolinggolabu wau yiloohe.

WUNGGULI LOMONGO RASULU 4:30

Wohiyalo mai polo tulungi lo Eeya alihu taa mongongoto mowali poo̒luliolo wau ngoa̒amila u moo̒linggolabe wau susuu-aliyaalo upolu-polutuo̒ motoduo mai motimbulude to okokawasa wau olootolo monto tangguli Isa, Wato lo Eeya tamantali boito.”

WUNGGULI LOMONGO RASULU 5:12

Sababu bubaya lomongo rasulu yi ngohuntua u moo̒linggolabe wau susuu-aliyaalo upolu-poluto̒ lotoduo mai towolota lotaa dadaata. Wolo ngohilao ngoa̒amila taa palacaya lotia̒mbu to Sulambe Salomo to Bele lo Eeya.

WUNGGULI LOMONGO RASULU 6:8

Tei Stepanus laba-labaalo bilalakati lo Allahu Taa̒ala, tilinggula tio helohutu ngohuntua u moo̒linggolabe wau susuu-aliyaalo upolu-polutuo̒ towolota lo ulipu.

WUNGGULI LOMONGO RASULU 7:36

Tei Musa boitolo talodelo bangusa lo Isirai̒lu yilumualai lonto Masiri wolo helohutu u moo̒linggolabe wau susuu-aliyaalo upolu-polutuo̒ to Masiri, to Deheto Meela, wau tohuta datahu u luasi daa̒ wau delita wopato pulu lotaunu mola.

ROMA 15:19

udiludua̒ wolo totoonulalo u moo̒linggolabe wau susuu-aliyaalo upolu-polutuo̒; ngoa̒amilalo boito wolo kawasa lo Rohullah. Habari Mopiohe pasali li Isa Almasi mapilo habari lowatia ngoa̒amilalo ode tau-tauwala, tumulalo mai lonto Yerusalemu demola Ilirikum.

1 KORINTUS 1:22

Taulo Yahudi hipohilea lou̒ moo̒ohuu̒ u moo̒linggolabu odelo bukuti, wau taulo Yunani hemo pou̒daa̒ tinepo lodunia botie.

2 KORINTUS 12:12

Ngoa̒amila moo̒linggolabu wau susuu-aliyaalo upolu-polutuo̒ boito wau ngoa̒amila kalaja u duduulaa̒ mapilo pobilohei wolo sabali toli mongoli u lopobukuti mao̒ deu̒ watia ngotaalio lo rasulu.

2 TESALONIKA 2:9

Manusia Moleeto boito mamoti bilohei wolo kawasa tuwau uleidaa̒ monto Ibilisi. Tio mamopo woluo mai totoonulalo moo̒linggolabe u hidala-dalaala wau susuu-aliyaalo polu-polutuo̒ u polupolu loimbulo.

IBRANI 2:4

Ngopohia mao̒ leeto, Allahu Taa̒ala lodudua̒ lopoo̒ toheeto osakusi lotau-tauwala boito lou̒ lopowoluo totoonulalo u moo̒linggolabe wau susuu-aliyaalo upolu-polutuo̒ wau lolaya-layadeo̒ totoonulalo wowohi lonto Rohullah lodudua̒ otohilaa-Lio lohihilao.