Tei Andreas malo depita mota olei Simon odeli Isa. Ti Isa lolontonga olei Simon, lapatao̒ lotahuda mao̒, “yio̒ Simon, walae̒e Yona, yio̒ maunteelo Kepas.” (Kepas tutuuwauwa wolei Petrus, bolilio mao̒: hui̒dee botu.)
Yi tou̒ tau-tauwalo Samaria boito lodunggaya woli Isa, timongolio lohile tio̒otutua alihu Tio motibiluloa̒ woli mongolio. Oditolio ti Isa malo tibiluloa̒ teto duuhui mola hiheolio.
Lapatao̒ ti Isa luli lohualingo ode Kana to Galilea, tou̒toonu Tio mapee̒enta lomolio̒ taluhu lowali angguru. Tokota boito woluo pogawee ngota lo pamalenta, walai̒o donggo mongongoto to Kapernaum.