YAHYA 4:42 - KITABI HABARI MOPIOHE

⁴² Timongolio loloi̒ya mao̒ ode taabua boito, “Ami palacaya masaatia, diila bo kalena u pilolelemu mai olami, bo sababu ami lohihilao malo dungohe o-Lio, wau otaawa lami deu̒ Tio memangi Tamoo-poa̒ahua dunia.”

YAHYA 4:42 ပူးပေါင်းရင်းမြစ်များ

YESAYA 45:22

Wuu, ngoilanggubu tuango dunia, pomalingolo mai de Olau̒ alihu timongoli poa̒ahuwolo, sababu bo Wau̒ulo Allahu Taa̒ala, diaaluo uwewo!

YESAYA 52:10

Eeya lopobilohei okokawasaa-Lio totalu lomato totoonulalo bangusa. Yi ngoilanggubu dunia mamosakusi osalaamati monto Allahu Taa̒alanto.

MATIUSI 1:21

Ti Maria mamotutu mai talolai̒ kikiia̒ ngota. Talolai̒ boito musi unteemu mao̒ Isa, sababu Tio mamopoa̒ahu umati-Lio monto duduu-sawaalo limongolio.”

LUKASI 2:32

debo odelo baango ulopo baangai dalalo babaa-ngusawalo wewo, tau monao̒ mai ode Eeya; deu̒ito-yito baango u mopotoduo mai ohulumati duo̒lo umati-Mu Isirai̒lu.”

YAHYA 1:29

Loloombulio mola, tei Yahya loo̒onto li Isa lonao̒ mai ode olio. Tulusi tei Yahya loloi̒ya mao̒, “Bilohi, boi-boitolo Walao̒ Himba lo Allahu Taa̒ala tamo luluto dusa lodunia.

YAHYA 11:17

Tou̒ ti Isa leidungga mota ode tambati boito, tei Lajarus mawopahui hiheolio tokuubulu.

YAHYA 17:8

Mapilo tunggulao̒ lo Watia olimongolio tahuda u pilotahuda mai li Paapa olaa-Tia; wau timongolio malo lolimo mao̒. Otaawa limongolio deu̒ Watia otu-otutuulo mao̒ dungga-dungga mai lonto li Paapa wau timongolio palacaya deu̒ ti Paapaalo tamalolao mai olaa-Tia.

YAHYA 4:29

“Dulo mai bilohi talo poo̒taa mai olaatia totoonulalo hitua-tuawua u mapee̒enta pilohutu lowatia. Wolo otanu Tiolo boito Olongia Tamoo-poa̒ahua?”

YAHYA 4:41

Lapatao̒ lebe dadaata mao̒ poli taa palacaya li Isa sababu wolo u hepilo ngaajali-Lio lohihilao olimongolio.

WUNGGULI LOMONGO RASULU 13:23

Lonto wali mola lei Dauda boitolo Allahu Taa̒ala lopohetu ode Bangusa lo Isirai̒lu ngotaalio Olongia Tamoo-poa̒ahua, debo odelo umaa pilodanti-Lio mai. Wau ti Isa boitolo Olongia Tamoo-poa̒ahua boito.

WUNGGULI LOMONGO RASULU 4:12

Bo motimbulude li Isa wambao̒ tau mowali moa̒ahu. Sababu to ngoilanggubu dunia towolota lomanusia diaaluo penu boli ngotaa mao̒ wewolio taloo̒tapu kawasa lonto Allahu Taa̒ala u mopoa̒ahu mai olanto.”

WUNGGULI LOMONGO RASULU 5:31

Wau Allahu Taa̒ala malohudu o-Lio huhuloa̒a wau okokawasa ulailaio̒ odelo Tau̒wa wau Tamoo-poa̒ahua; alihu bangusa lo Isirai̒lu moo̒toduo wakutu u molilihu monto ngoa̒amila dusalio wau moo̒toduo pongo ngambungu.

2 KORINTUS 5:19

Amiaatia helo pohabari deu̒ lotimbulude li Almasi, Allahu Taa̒ala lohutu mai manusia luli lopiiohe wolo batanga-Lio. Allahu Taa̒ala lohutu mai lou̒ diila lopoilaalo suusa totoonulalo totala u mapilohutu lomanusia ode batanga-Lio. Wau amiaatia maa tilugasia lo Allahu Taa̒ala u lopohabari habari boito.

1 TIMOTIUS 4:10

Uitolo sababuulio ito mohipate wau mokalaja moo̒ohuu̒, sababu ito motiwunela lealeaatulo mao̒ ode Allahu Taa̒ala tatumu-tumulo; deu̒ito-yito Tamoo-poa̒ahua ngoa̒amila tau, laba-labaalo daa̒ tau-tauwalo tapalacaya.

1 YAHYA 2:2

Lou̒ motimbulude li Isa Almasi boitolo duduu-saanto ilambungu-Lio. Wau diila bo duduu-saanto wambao̒, tumbao̒ dusa ngoilanggubu umati lomanusia olo.

1 YAHYA 4:14

Amiaatia lohihilao maloo̒onto Walao̒ Allahu Taa̒ala, wau amiaatia helo pohabari deu̒ Tio yilao mai lo Allahu Taa̒ala u lowali Olongia Tamoo-poa̒ahua dunia botie.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.