YAHYA 4:41 - KITABI HABARI MOPIOHE

⁴¹ Lapatao̒ lebe dadaata mao̒ poli taa palacaya li Isa sababu wolo u hepilo ngaajali-Lio lohihilao olimongolio.

YAHYA 4:41 ပူးပေါင်းရင်းမြစ်များ

ILOOWALI 49:10

Tei Yehuda mamodihu tunggudu lo bele biluloa̒ saaha li olongia, waliilio mola mamomalenta ohiheo-hiheolo mao̒. Babaa-ngusawalo mamodelo mai doi uwajibu pomayali odeli olongia, wau mosujudu wolo taa̒luku totalulio.

LUKASI 4:32

Timongolio lolinggolabe loo̒onto dudelo-Lio lou̒ mongaajali, sababu Tio helo ngaajali wolo tilihula.

YAHYA 4:40

Yi tou̒ tau-tauwalo Samaria boito lodunggaya woli Isa, timongolio lohile tio̒otutua alihu Tio motibiluloa̒ woli mongolio. Oditolio ti Isa malo tibiluloa̒ teto duuhui mola hiheolio.

YAHYA 4:42

Timongolio loloi̒ya mao̒ ode taabua boito, “Ami palacaya masaatia, diila bo kalena u pilolelemu mai olami, bo sababu ami lohihilao malo dungohe o-Lio, wau otaawa lami deu̒ Tio memangi Tamoo-poa̒ahua dunia.”

YAHYA 6:63

Tamohutu mai manusia tumumulo yito Rohullah. Olootolo manusia diaaluo hunalio. Tataa-heyaalo upilo tahuda-U̒ mai olemu botie tataa-heyaalo Rohullah wau tataa-heyaalo u mongohi tutumulo.

YAHYA 7:46

Tahi pokawalia boito lolametao̒, “Waa, diipo pee̒enta mao̒ woluo tahelo bisala debo odelo Tio!”

WUNGGULI LOMONGO RASULU 1:8

Bo timongoli mamoo̒tapu kawasa, wonu Rohullah malei dungga mai ode limongoli. Wau timongoli mamowali sakusi ola-U̒ to Yerusalemu, to ngoilanggubu Yudea, to Samaria, wau tunggula ode huudio lodunia.”

WUNGGULI LOMONGO RASULU 15:3

Jamaa̒ to Antiokhia lodepita olimongolio demota bulemengo kota, lapatao̒ timongolio lonao̒ loli Penesia wau Samaria. Mola teto timongolio lohungguli mao̒ woloolo mola tau-tauwalo tadiila Yahudi malohudu batanga limongolio ode Allahu Taa̒ala. Habari boito helo eengahe daa̒ totau-tauwalo tapalacaya mota teto.

WUNGGULI LOMONGO RASULU 8:12

Bo tei Pilipus lopohabari mao̒ olimongolio pasali lo Habari Mopiohe tomimbihu woloolo mola Allahu Taa̒ala mamo malenta odelo olongia wau pasali li Isa Almasi, Olongia Tamoo-poa̒ahua boito. Yi timongolio palacaya to habari upilo tunggulai lei Pilipus lapatao̒ timongolio yilihualio – mopio mongobua meaalo mongo lolai̒.

WUNGGULI LOMONGO RASULU 8:25

Lapatao̒ longohi ososakusi limongolio wau helo pohabari tahuda lo Allahu Taa̒ala, tei Petrus wolei Yahya luli lohualinga ode Yerusalemu. Wau tou̒ hinao̒wa, timongolio helo pohabari Habari Mopiohe boito to dadaata kambungu lo Samaria.

IBRANI 4:13

Diaaluo mao̒ penu boli mahaluku tuwau utuutuo̒ monto bibilohu Allahu Taa̒ala. Totoonulalo u hitua-tuawua hilaalawa wau hibua̒de totalu-Lio. Wau ito musi mongohi titihulanto to o-Lio.