YAHYA 4:40 - KITABI HABARI MOPIOHE

⁴⁰ Yi tou̒ tau-tauwalo Samaria boito lodunggaya woli Isa, timongolio lohile tio̒otutua alihu Tio motibiluloa̒ woli mongolio. Oditolio ti Isa malo tibiluloa̒ teto duuhui mola hiheolio.

YAHYA 4:40 ပူးပေါင်းရင်းမြစ်များ

ILOOWALI 32:26

Lapatao̒ ualo tau boito, “Huliaalo mai wau̒, bolo ngopee̒ mola dulahu mamobutu mai.” Tametao̒ lei Yako, “Watia diila molopata oli Tuani, ngopohia wonu ti Tuani mobalakati mai olaatia.”

POHUMAYA 4:13

Eelailo laito pongaajali umaa tilolimomu lonto olau̒. Dahailo uito tio̒otutua, sababu wolo pongaajali boito tutumulumu maa otilapulo.

LAHU MOLAMAHU 3:4

Boheeli tilolaau̒ mao̒ timongolio, ilodunggaau̒ putu lo wantohuu̒. Dilihimau̒ tio, wau diila yilopatuu̒ tunggula dilelou̒ ode bele liilaau̒, tohuwali lotaa u lopotutu mai olau̒.

YEREMIA 14:8

Eeya halapani lo Isirai̒lu bo tuwa-tuwaulo, talo poa̒ahu mai olamiaatia lonto topotala. Bo yilongola Eeya debo odelo tau deli tolipu lamiaatia, debo odelo tahua-huato bo lohepito ngohui lapatao̒ lonao̒?

LUKASI 10:39

Ti Marta owutato taabua tanggulio Maria. Ti Maria botie lotihuloo̒ titiilia li Isa Eeya helo dungohe popoo-ngajalii-Lio.

LUKASI 24:29

bo timongolio lolahangi o-Lio, “Potitolaapo totambati lamiaatia,” loi̒ya mao̒ limongolio o-Lio, “masaatia mabolo ngopee̒ mola hui wau mamo dio̒lomai olo.” Yi ti Isa tilumuwotao̒ u lotitihui totambati limongolio.

LUKASI 8:38

Taa u malo lopato lonto roroo-huwaalo u moleeto boito lomolohone mao̒ li Isa alihu tio mowali moduduo̒. Boti Isa lopoa̒hu olio lonao̒, tahuda-Lio mao̒,

YAHYA 4:39

Dadaata taulo Samaria tuango kota boito palacaya li Isa, sababu taabua boito loloi̒ya, “Tio lolele mai to olaatia totoonulalo hitua-hituawua u mapee̒enta pilohutu lowatia.”

YAHYA 4:41

Lapatao̒ lebe dadaata mao̒ poli taa palacaya li Isa sababu wolo u hepilo ngaajali-Lio lohihilao olimongolio.

YAHYA 4:43

Lapatao̒ duuhui mola lotibiluloa̒ to Sikhar, ti Isa lonao̒ mola ode Galilea.

WUNGGULI LOMONGO RASULU 16:15

Ti Lidia wau ngotuango belelio yiluhualio. Lapatao̒ yilihualio tio loloduo̒ olami. Ualio mao̒, “Wonu Mongo wutato molaasa u watia otu-otutuulo mao̒ malo malacaya li Isa, toduwolo motihangata tobele lowatia.” Tulusi tio helo huntula alihu ami moduduo̒ hihiilelio.

WUNGGULI LOMONGO RASULU 8:8

Yi tau-tauwalo tokota lo Samaria boito hiwengahe daa̒.

WAHI 3:20

Bilohi! Wau̒ tihutihula totalu lohuhebu wau hemongokoo̒. Wonu woluo taa u modungohe sualaa-U̒, wau momuo̒ mao̒ huhebu, Wau̒ matumuwoto modunggaya wolio; Wau̒ mamo lamela pee̒-pee̒enta wolio wau tio molamela pee̒-pee̒enta wola-U̒.