YAHYA 4:34 - KITABI HABARI MOPIOHE

³⁴ Lapatao̒ ti Isa lotahuda mao̒, “Ua̒alo-U̒ yito modudua̒ u otohilaa-Lio lo tamalolao mai ola-U̒, wau mopoo̒ lapato kalaja uiludu-Lio mai ola-U̒.

YAHYA 4:34 ပူးပေါင်းရင်းမြစ်များ

AYUBA 23:12

Totoonulalo palenta lo Allahu Taa̒ala laito hedungoheu̒, kahandaki lo Eeya hedudua̒au̒, wau diila lodudua̒ hilaau̒ lohihilao.

JABURU 40:8

Lapatao̒ watotia loloi̒ya, “Uti-utieelo watotia, todelomo lilibu buku leituladei duo̒lo watotia.

MATIUSI 26:39

Lapatao̒ ti Isa lonao̒ mota lebe lolaminga ngopee̒, tulusi Tio leidumulo lomola tohuta wau lodua̒. “Paapa,” ua-Lio, “Wonu mowali, polaminga mao̒ monto olaatia sikisa u musi dutola lowatia botie. Bo diila moduduo̒ hilaa lowatia, bo moduduo̒ u tohilaa li Paapa.”

MATIUSI 3:15

Boti Isa lolametao̒, “Huliaalo mao̒ bo tosaaa̒ti botie. Sababu lou̒ odito ito mamohutu mao̒ ngoa̒amila u kahandakio lo Allahu Taa̒ala.” Oditolio mailihua lei Yahya ti Isa.

MATIUSI 9:19

Ti Isa lato tilimihulao̒ wau pee̒-pee̒enta wolo tahidudua̒ o-Lio malonao̒ mota wolo tau boito.

LUKASI 15:10

Odito olo malai̒kati lo Allahu Taa̒ala meengahu wonu woluo ngotaalio tamoleeto molilihu monto duduusaalio. Pomalacayalo!”

LUKASI 19:10

Walao̒ Manusia leidungga mai u mololohe wau mopoaahu taa u yilapalo.”

LUKASI 2:49

Ti Isa lolametao̒, “Yilongola tipaapa woli maama hemo lolohe olaa-Tia? Wolo diila otaawa lipaapa wau limaama u Watia musi woluo todelomo bele li Paapa lo Watia?”

YAHYA 17:4

Watia malo pou̒daa̒ mola li Paapa toitaato dunia botie wolo lopoo̒ lapato kalaja u pilopoa̒hu mai li Paapa olaa-Tia.

YAHYA 19:28

Otaawa li Isa deu̒ botia mailapato ngoa̒amilalo, wau alihu wolo u tulatuladu todelomo Kitabi mowali motoduo mai, Tio malo tahuda “Wau̒ mototoa̒ngo.”

YAHYA 19:30

Ti Isa lolamitao̒ angguru boito tulusi lotahuda, “Mailapato!” Tulusi Tio lotidungu mola wau yilate.

YAHYA 4:32

Boti Isa lolametao̒, “Woluo ua̒alo to ola-U̒, udiila otaawa limongoli.”

YAHYA 5:30

“Wau̒ diila mowali mohutu wolo-wolo modudua̒ otohilaa-U̒ lohihilao. Wau̒ bo momutoo̒ motuuu̒de lou̒ wolo u pilomalentai lo Allahu Taa̒ala. Wau putuusani-U̒ aadili, sababu Wau̒ diila modudua̒ u otohilaa-U̒ lohihilao, bo wambao̒ u otohilaa lo Allahu Taa̒ala talolao mai ola-U̒.

YAHYA 5:36

Bo u silakusiya-U̒ lebe udaa̒ mao̒ lou̒ silakusia lei Yahya. Wolo u masaatia pilohutu-U̒ botie, deu̒ito-yito kalaja u pilotuugasi mai li Paapa ola-U̒, u mopobukuti deu̒ ti Paapa malolao mai ola-U̒.

YAHYA 6:33

Sababu roti uwohi mai lo Allahu Taa̒ala yito Tio tamo tuhutai monto sologa wau mongohi tutumulo ode manusia todunia.”

YAHYA 6:38

Sababu Wau̒ lotuhutai lonto sologa, diila mai mohutu u otohilaa-U̒ lohihilao, bo u otohilaa-Lio lo talolao mai ola-U̒.

YAHYA 8:29

Wau Tio tamalolao mai ola-U̒ woluo wola-U̒. Diila pee̒enta mao̒ Tio mopoluli ola-U̒ tutuuwau, sababu Wau̒ laito hemohutu wolo umoo̒ sanangi hilaa-Lio.”

WUNGGULI LOMONGO RASULU 20:35

Todelomo totoonulalo palakala watia malongohi mai obaaya olimongoli deu̒ wolo mokalaja tio̒otutua debo odelo utie ito musi motulungi tau-tauwalo tadiila hilootola. Sababu ito musi moe̒ela mola wolo u mapilo tahuda mai li Isa Eeya lohihilao, ‘Lebe sanangi tutu mongohi wolo mololimo.’ ”

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.