YAHYA 4:24 - KITABI HABARI MOPIOHE

²⁴ Sababu Allahu Taa̒ala boito Rohu, wau bo wolo kawasa lo Rohullah tau-tauwalo moo̒tubo li Paapa odelo woloolo mola Tio woluo.”

YAHYA 4:24 ပူးပေါင်းရင်းမြစ်များ

JABURU 145:18

Eeya meembidu totaa u mongiibode to Eeya, wau momolohone to Eeya wolo otutu wau belesi hilao.

JABURU 50:23

Taa u mopodewo sukuru odelo bakelio, tioolo tamo hurumati ola-U̒; wau to taa u mopodapato dalalo mapoi̒laalo-U̒ mai oa̒hu monto ola-U̒.”

JABURU 51:17

Yaa Eeya, tulungia mai watotia mobisala, yi watotia mamomuji-muji mola to Eeya.

JABURU 66:18

Humayaalio watia sanangi momikiilangi u moleeto, tantu Eeya diila mohuto modungohu.

YESAYA 57:15

Sababu odieelo mola tahuda mai lo Allahu Taa̒ala Taa Laba-labaalo molanggato wau mantali, taa okawaasa u ohiheo-hiheolo mao̒, “Wau̒ bilubiluloa̒ to tambati u molanggato wau mantali, bo olo towolota lotau-tauwalo tahi dupapawa lohilao wau tamolee̒e to duduu-saalio, u moponguli sumaangati wau halapani limongolio.

YAHYA 4:23

Bo wakutuulio mamei dungga, tumbao̒ malei dungga mai, deu̒ wolo kawasa lo Rohullah tau-tauwalo mamolubo li Paapa odelo Allahu Taa̒ala tabanali debo odelo u otohilaa li Paapa.

2 KORINTUS 1:12

Amiaatia meengahe, sababu hilaa lamiaatia helo poyakini olamiaatia deu̒ tutumulo lamiaatia todunia botie – lebe-lebe mao̒ wumbuta lamiaatia wolo Wutato – mapilo ponao̒ lamiaatia wolo ihilasi wau hilaa belesi. Hepilohutu lamiaatia uito, diila wolo tinepo lomanusia, bo wolo omambo uilohi mai lo Allahu Taa̒ala.

2 KORINTUS 3:17

Naa, Eeya tamila-kusudu tewe yito Rohu. Wau tou̒toonu Rohu lo Eeya woluo, teto olo woluo oloolopato.

PILIPI 3:3

Lebe-lebe pomao̒ itolo tau-tauwalo tamaa lololimo tuuna u tutuulio-tutu, diila timongolio. Ito lolubo Allahu Taa̒ala lou̒ dilelo lo Rohullah lohihilao, wau ito losukuru sababu ito tumutumulo lotituwau woli Almasi Isa. Ito diila lotiwunela tou̒ uu̒upaa-calawalo u osipati lahiri.

1 TIMOTIUS 1:17

Allahu Taa̒ala, Olongia lo totoonulalo jamani, paatuti hurumatiolo wau pujiolo laito, sababu Tiolo tao̒ hiheo-hiheolo mao̒, tadiila oontonga wau tatuwa-tuwaulo! Amin.

BOHULO SEMUEL 16:7

Bo Eeya malo tahuda mai odelei Semuel, “Yio̒ diila mao̒ oa̒anga lolakulio u gaaga wau molanggato wawai̒o; diila tio taa kahandakiyo-U̒. Wau̒ diila momilohe debo odelo bibilohio lo manusia. Manusia bo momilohe baya, bo Wau̒ momilohe hilao.”