YAHYA 4:23 - KITABI HABARI MOPIOHE

²³ Bo wakutuulio mamei dungga, tumbao̒ malei dungga mai, deu̒ wolo kawasa lo Rohullah tau-tauwalo mamolubo li Paapa odelo Allahu Taa̒ala tabanali debo odelo u otohilaa li Paapa.

YAHYA 4:23 ပူးပေါင်းရင်းမြစ်များ

BOHULO TAWARI 29:17

Otaawa lo watotia Eeya helotesi mai hilaa lo timii̒du ngotaalio wau Eeya motohilaa taa umantali hilaalio. Wolo hilao motulidu wau ihilasi wau hilao sanangi pilodewo mola lo watotia ngoa̒amilalo botie ode Eeya. Watotia malo sakusi woloolo mola umati lo Eeya tahi ambua tewe helodelo dewo limongolio ode Eeya wolo sanangi lohilao.

JABURU 147:11

Eeya sanangi totaa u saale, totaa u debo hemo tiwunela toponu lo Eeya.

JABURU 17:1

Dua̒ lei Dauda. Dungohilo mai iibodu lo watotia momolohone ua̒adili, poo̒tuotilo mai dua̒ lo watotia u tuulusi, yaa Eeya.

JABURU 32:2

Potisanangilo tutu taa u ololeetio diila yilia̒apo lo Eeya, wau taa udiila mohuto mohimbulo.

JABURU 51:6

To Eeya, to Eeyaalo wambao̒ watotia ilodusa, wau hepilohutu lowatotia wolo u ilanggapu lo Eeya moleeto. Yi patutilio Eeya mohukuumani mai olo watotia, sababu aadili sama-samaata putuusani lo Eeya.

POHUMAYA 15:8

Eeya mololimo dua̒ lotaa mopiohu, bo Eeya molonuo̒ dewo lotaa moleeto.

LAHU MOLAMAHU 2:14

Oo poombou̒ to hihii-yangowalo lobotu, to potituua̒lo to bibii-nggiyaalo u mopangato, polulia mai wau̒ momilohe bayamu, wau modungohe sualamu, sababu bayamu gaaga, sualamu moonungo.

YESAYA 10:20

Wakutuulio mamei dungga labito bangusa lo Isirai̒lu talo lopato diilalo mopowunela paladio to bangusa tamoo-ngawasa u ngopea̒ lopobinasa olimongolio, bo to Eeya, Allahu Taa̒ala tamantali lo Isirai̒lu.

YESAYA 29:13

Eeya lotahuda, “Tau-tauwala boito molubo ola-U̒ bo wolo loi̒ya, bo hilaa limongolio halahalahu monto ola-U̒. Agama limongolio bo wuu̒du lomanusia u hapaliyolo.

YESAYA 43:21

Timongoliolo bangusa tapilowali-U̒ duo̒lo batanga-U̒, alihu mowali mopololadu poloi̒laalo momuji ode Olau̒.”

YESAYA 58:2

Timongolio hemolubo ola-U̒ timii̒du dulahu, wau motohilaa motota mao̒ kahandaki-U̒, debo odelo timongolio hipohutua u mopiohu, wau tatapu molotolo hilao to butoo̒o-U̒. Timongolio hipoloi̒yawa deu̒ timongolio sanangi molubo ola-U̒ wau motohilaa butoo̒o-U̒ u aadili.”

YEREMIA 3:10

Lapatao̒ lohutu mao̒ ngoa̒amilalo boito, Yehuda tadiila tatapu wau molotolo hilao boito luli lohualingai ode Olau̒ bo lou̒ diila tio̒otutua, sababu hilaalio diila otutu wau belesi. Wau̒, Eeya, malo tahuda mai.”

YEREMIA 4:2

Wonu timongoli motadia domi tanggulu-U̒ wau timongoli tumumula motulidu hale aadili wau otutu, yi totoonulalo bangusa maa momolohone ola-U̒ alihu balakatiya-U̒ timongolio, wau timongolio mamomuji ola-U̒.”

YEHESKIEL 22:30

To wolota taulo Isirai̒lu boito, Wau̒ mololohe taa u mowali momongu dingingo meeseli, meaambo timihula to tataa-mbatiyalo u didii-ngingaalo meeselilio u momintengi lipu boito wonu bolo Wau̒ mamo ngantulu mao̒ todelomo omulukuaa-U̒ uwali-walihuhu; bo diaaluo penu boli ngotaa mao̒ tai̒lo dunggaa-U̒.

YAHYA 1:17

Butoo̒ Eeya tilolimonto lotimbulude olei Musa. Bo ponu wau otatapu wau olootolo hilao lo Allahu Taa̒ala piloi̒laalo lotimbulude li Isa Almasi.

YAHYA 12:23

Ti Isa lotahuda mao̒ ode limongolio, “Mawakutuulio Walao̒ Manusia pou̒daa̒alo.

YAHYA 16:2

Timongoli malualolio monto bebee-leyaala potabiaalo. Wau mamei dungga wakutuulio deu̒ taa momate olimongoli mate-mateelo mao̒ mamo lantobu tio hemotiwato to Allahu Taa̒ala.

YAHYA 16:32

Eelai mao̒! Saaa̒tilio mamei dungga, tumbao̒ malei dungga mai, timongoli mapo bubuu-ayaalio. Ngota-ngota timongoli mamo hualinga ode bele lohihilao wau mololaa mao̒ ola-U̒ tutuuwau. Bo Wau̒ diila tutuuwau sababu ti Paapa-U̒ woluo pee̒-pee̒enta wola-U̒.

YAHYA 4:21

“Pomalacayalo,” tahuda li Isa olio, “Tosaaa̒ti tuwau tau mamolubo Allahu Taa̒ala, diilalo tohuludu botie wau diila olo to Yerusalemu.

YAHYA 5:25

Pomalacayalo: Mamei dungga wakutuulio – tumbao̒ malei dungga wakutuulio – taamate mamo dungohe suala lo Walao̒ Allahu Taa̒ala. Wau taa modungoheo̒ matumumulo.

YAHYA 5:28

Diila mao̒ polinggolabu timongoli modungohe sua̒li botie, sababu wakutuulio mamei dungga deu̒ ngoa̒amila taa mailate modungohe sualaa-Lio,

ROMA 1:9

Watia laito hemoe̒ela mola olimongoli wonu watia modua̒. Allahu Taa̒ala sakusiilio deu̒ wolo uiloi̒ya lowatia boito otutu. Tiolo Allahu Taa̒ala tahe bayawa lowatia lou̒ lealeaatu lohilao wolo helo pohabari Habari Mopiohe pasali lo Wala-I̒o.

ROMA 8:15

Sababu Rohu, uilohi mai lo Allahu Taa̒ala ode limongoli, diila mohutu olimongoli mowali wato tilinggula timongoli tumumulo wolo wohe-wohe. Bolii̒o mao̒ Rohullah boito mopowali olimongoli mongo walao̒ Allahu Taa̒ala, wau wolo kawasa lo Rohullah boito ito mongunte Allahu Taa̒ala boito, “Paapa, oo ti Paapau̒!”

ROMA 8:26

Odito olo Rohullah dungga-dungga mai momantu olanto wonu ito molulupuhu. Sababu diila otaawanto woloolo mola ito mamusi modua̒; Rohu boito lohihilao modudulao̒ ode Allahu Taa̒ala u momolohone to Allahu Taa̒ala ode olanto wolo malo odito woloolo tilinggula diilalo mowali wulitolo.

GALATIA 4:6

Sababu timongoli yito mongo walao̒ Allahu Taa̒ala, Allahu Taa̒ala lopoa̒hu mai Rohu lo Wala-I̒o tilumuwoto ode delomo hilaa lo Wutato wau hilaa lowatia, deu̒ito-yito Rohu u mongibode, “Paapa, oo Paapau̒.”

EPESUS 6:18

Pohutuwalo mao̒ ngoa̒amilalo boito sambela modua̒ mola u mei̒ tulungi mai monto Allahu Taa̒ala. To timii̒du ohiyango, podua̒alo odelo woloolo mola Rohullah helodelo olimongoli. Mamusi timongoli laito dapadapato wau diila mao̒ potaa̒luku. Podua̒alo laito duo̒lo umati lo Allahu Taa̒ala.

PILIPI 3:3

Lebe-lebe pomao̒ itolo tau-tauwalo tamaa lololimo tuuna u tutuulio-tutu, diila timongolio. Ito lolubo Allahu Taa̒ala lou̒ dilelo lo Rohullah lohihilao, wau ito losukuru sababu ito tumutumulo lotituwau woli Almasi Isa. Ito diila lotiwunela tou̒ uu̒upaa-calawalo u osipati lahiri.

YOSUA 24:14

“Oditolio,” ualei Yosua wumbutio mola, “hulumatiyalo Eeya. Potiwatolo to Eeya wolo ihilasi boli tatapu wau molotolo hilao. Yinggila mao̒ ila-ila wewo u hetilubo linenemoyaamu muloololio mai to Mesopotamia wau Masiri. Potiwatolo bo to Eeya wambao̒.

1 PETRUS 2:9

Bo timongoli yito bangusa tatilulaoto, mongo iimamu tamomaya li olongia, bangusa tamantali, tolomodu duo̒lo Allahu Taa̒ala, umati lo Allahu Taa̒ala lohihilao. Allahu Taa̒ala lolulaota olimongoli wau lotianga olimongoli yilumuwalo lonto u modio̒lomo u tumuwoto ode delomo baa-Ngio ulaba-labaalo mobaango, wolo makusudu alihu timongoli mopololadu habari pasali lo totoonulalo huhutuu-Lio upolu-polutuo̒.

BOHULO SEMUEL 12:24

Pasisia mao̒ Eeya wau potiwatolo to Olio wolo tatapu wau molotolo hilao wau wolo lealeaatu lo hilaamu. Eelailo mola ngoa̒amila huhutu daa̒ u mapilohutu-Lio mai olimongoli.