YAHYA 4:20 - KITABI HABARI MOPIOHE

²⁰ “Nenemoya lamiaatia helolubo Allahu Taa̒ala tohuludu botie, bo bangusa li Tuani malo loi̒ya deu̒ bo to Yerusalemu wambao̒ tambatilio polubowa lotau to Allahu Taa̒ala.”

YAHYA 4:20 ပူးပေါင်းရင်းမြစ်များ

BOHULO MONGO OLONGIA 9:3

Eeya lotahuda mai olio, “Dua̒amu madilungohe-U̒, wau woleeto bele u bilongumu botie poi̒laalo-U̒ mai mowali tambati tolomodu u poi̒baadatialo ode Olau̒ ohiheo-hiheolo mao̒. Wau̒ malaito mopoo̒tuoto wau modaha tambati botie.

BOHULO TAWARI 21:26

Lapatao̒ tei Dauda lomangu mesba tuwau teto ode Eeya, wau helo podewo bake yilalango wau bake lo polodame. Lapatao̒ tio lodua̒ mola wau tilametai lo Eeya dua̒lio boito wolo lopolaahei tulu lonto hulungo u lomobu babaa-keyaalo toitaato mesba boito.

BOHULO TAWARI 22:1

Yi ualio mao̒ lei Dauda, “To tambati botieelo musi pomangulalo Bele lo Eeya Allahu Taa̒ala. Wau tomesba botieelo taulo Isirai̒lu musi mopodewo bake yilalango limongolio ode Eeya.”

OLUO TAWARI 7:12

Eeya luli lopopoi̒laalo batanga olio tou̒ hui. Eeya lotahuda mai olio, “Dua̒amu madilungohe-U̒ wau Wau̒ mamololimo bele botie odelo tambati tolomodu u podewowalo bake ola-U̒.

OLUO TAWARI 7:16

Ngoa̒amilalo boito mapohutuo-U̒ mai sababu tambati botie matilulaotu-U̒ wau pilopo tolomodu-U̒ mai lowali tambati poi̒baadatiala ola-U̒ u ohiheo-hiheolo mao̒. Wau̒ mamo poo̒tuotao̒ wau moduo̒lai mololaalaaita.

JABURU 132:13

Sababu Eeya malo lulaoto Sion; Eeya motohilaa Sion mowali tambati potibiluloa̒ lo Eeya.

JABURU 78:68

Tatilulaoto Eeya yito suku Yehuda, wau Huludu Sion u ilohilaa lo Eeya.

YESAYA 66:1

Eeya lotahuda mai, “Hulungo yito tambati huhuloa̒a-U̒, wau dunia potidutaa̒ lo oa̒atu-U̒. Oditolio bele debo odelo woloolo mola u ohilaa bongulomu ola-U̒, wau tambati woloolo mola u potihulomu mowali potibiluloa̒a-U̒?

LUKASI 9:53

Bo tau-tauwalo to kambungu boito diila lohuto lololimo li Isa, sababu loi̒laalo daa̒ Tio donggo dulu-dulungo ode Yerusalemu.

YAHYA 4:12

Tei Yako, tipaapa loluuhuru lamiaatia, longohi mai ali botie. Tio lohihilao malohama taluhu yililumio lonteea; odito olo mongo walai̒o wau binatangi bibiaahio. Wolo tolantobu li Tuani deu̒ ti Tuani talebe udaa̒ wolei Yako?”

TINGULI 11:29

Lapatao̒ Eeya Allahu Taa̒ala limongoli modelo mola olimongoli tumuwota ode lipu u de potibiluloa̒ limongoli, balakati boito musi wulito limongoli monto Hui̒dee Gerijim wau laa̒anati boito monto Hui̒dee Ebal. (

TINGULI 27:12

“Lapatio mao̒ timongoli mobalango Dutulaa Yordan, suku Simeon, Lewi, Yehuda, Isakhar, Yusu wau Benyamin musi timihulao̒ toitaato Hui̒dee Gerijim tou̒ moloi̒ya mao̒ balakati to bangusa botie.