YAHYA 4:14 - KITABI HABARI MOPIOHE

¹⁴ “bo taa mongilu taluhu u mawohi-U̒ mai madiilalo mototoa̒ngo poli ohiheo-hiheolo mao̒. Sababu tahulu u mawohi-U̒ boito mamowali mato lotaluhu todelomo batangalio u mopentelai ode bulemengio wau mongohi olio tutumulo ututuulio tutu wau ohiheo-hiheolo mao̒.”

YAHYA 4:14 ပူးပေါင်းရင်းမြစ်များ

YESAYA 49:10

Timongolio diila tamowali motoa̒ango meaambo polaangolo, wau diila tao̒dungga lolaalabu dulahu tohuta luasi daa̒ wau delita. Sababu Wau̒, tamoomonua olimongolio, mamodelo olimongolio, wau mopodulungo olimongolio ode bubuu-tuwaalo taluhu.

YESAYA 55:1

Eeya lotahuda mai, “Duloolo timongoli ngoa̒amila tamo totoa̒ngo, pongilulo, taluhu madapa-dapato. Ponao̒lo mai timongoli tadiila odoi, tolimowalo pale lou̒ diila momaayali, wau tamelalo! Angguru wau susu madapa-dapato, tolimowalo wolo beebasi.

YESAYA 58:11

Wau̒ malaito modelo olimongoli wau mopo butuhu olimongoli tohuta u mohengu Wau̒ mamodaha olimongoli alihu debo seehati wau molotolo. Timongoli madebo odelo ilengi u pilomuloa wolo bubuu-ngawaalo wau uwewolio mao̒ u motuuheta taluhio, debo odelo butu lotaluhu udiila pee̒enta.

YEREMIA 2:13

Umati-U̒ helohutu dusa dulo dalaala: timongolio helo bulemenga ola-U̒, butu lotaluhu ulongohi tutumulo ode manusia; timongolio helohutu ode batangalio kulamu lotulotuto u diila mowali mongotonga taluhio.”

YEREMIA 31:25

Timongolio tamoongolo maposeehati-U̒ wau nyaamani, wau tamolaasa molulupuhu wau moongolo sababu polaangolo mapobutuhu-U̒.

YEHESKIEL 47:9

Penu boli ode utoonu potolohe lo dutulaa botie, teto olo mao̒dungga tilolahepalo tola wau binatangi wewo u hidala-dalaala. Taluhu Lau Mati mapo hutuwolio mowali diila olamita, wau penu boli ode utoonu potolohe lo taluhee boito, teto mao̒dungga tutumulo.

IMAAMATI 11:36

Ngopohia butu lotaluhu meaalo ali, totoonulalo u wewolio mowali najisi wonu otuhaata lopate.

MATIUSI 25:46

Yi tau-tauwalo boito mahukuu-maniyolo wolo hukuumani u ohiheo-hiheolo mao̒, hiambola tahi pohutua kahandaki lo Allahu Taa̒ala mamoo̒ toduo tutumulo ututulio tutu wau ohiheo-hiheolo mao̒.”

MATIUSI 5:6

Potisanangilo tutu taa mooloolo mohutu kahandaki lo Allahu Taa̒ala; Allahu Taa̒ala mamohutu molaasa sanangi hilaa limongolio!

YAHYA 10:10

Tamootao̒wa monao̒ mai bo mai motao̒, mai momate mate-mateelo mao̒ wau mai mongantulu. Bo Wau̒ dungga-dungga mai alihu manusia moo̒tapu tutumulo – tutumulo laba-labaalo daata.

YAHYA 11:26

Wau taa tumu-tumulo wau palacaya ola-U̒, diilalo mate ohiheo-hiheolo mao̒. Wolo yio̒ palacaya tosua̒li boito?”

YAHYA 4:10

Ti Isa lolametao̒, “Humayaalio otaawamu wowohi mai lo Allahu Taa̒ala wau tatoonu talohile taluhu olemu, tantuulo mao̒ yio̒ lohihilao tamohile uilumolo to o-Lio, wau Tio mamongohi mai olemu taluhu lo tutumulo.”

YAHYA 4:11

Loi̒ya mao̒ lotaabua boito, “Ti Tuani diila otuuntu, wau ali botie modeloma daa̒. Monto utoonu ti Tuani moo̒tapu mai taluhee lo tutumulo?

YAHYA 4:13

“Taa mongilu taluhu botie mamuli mototoa̒ngo,” tahuda mao̒ li Isa,

YAHYA 4:36

Taa u mongotolo malo lumulao̒ hipo lolimoa wuupalio wau hipo himoa̒ tilapulio duo̒lo tumumulo ututuulio tutu wau ohiheo-hiheolo mao̒. Yi taa u momua̒yadu wau taa u mongotolo mowali motisanangi pee̒-pe̒enta.

YAHYA 6:27

Diila mao̒ pokalaja u moo̒tapu mai ua̒alo u mowali mopulito wau mobunuto. Pokalajaalo u moo̒tapu mai ua̒alo udiila mowali mobunuto u mongohi tutumulo ututuulio tutu wau ohiheo-hiheolo mao̒. Ua̒alo boito mawohi mai lo Walao̒ Manusia olemu, sababu Tio mapiluduo̒ lo Allahu Taa̒ala.”

YAHYA 6:35

“Wau̒lo roti tamongohi mai tutumulo,” tahuda mao̒ li Isa olimongolio. “Taa u monao̒ mai ode ola-U̒ diila tapolaangolo poli u ohiheo-hiheolo mao̒.” Wau taa u palacaya ola-U̒ diila tamotoa̒ngo poli u ohiheo-hiheolo mao̒.

YAHYA 6:58

Uti-utieelo roti u lotuhutai lonto sologa; diila debo odelo roti u pilolameli nenemoyamu. Sababu tou̒ malo lamelo roti boito, timongolio debo yilate olo. Bo taa u molamelo roti botie matumumulo ohiheo-hiheolo mao̒.”

YAHYA 7:37

Topulito dulahu lo lameyangi boito, deu̒ito-yito dulahu ulaba-labaalo polohuna daa̒, ti Isa tilimihulao̒ todelomo Bele lo Eeya tulusi longiibode, “Taa u mototoa̒ngo ponao̒lo mai ode ola-U̒ mai mongilu.

ROMA 5:21

Naa, ito musi mate sababu ito malohutu dusa. Bo Allahu Taa̒ala momonu olanto wau longohi mai dalalo olanto luli lopiiohe wo-Lio. Wau sababu wumbutanto wolo Allahu Taa̒ala maluli lopiohe, yi Tio longohi mai tutumulo tutu wau ohiheo-hiheolo mao̒ to olanto lotimbulude li Isa Almasi, Eeyanto.

ROMA 6:23

Sababu opopate yito wuupa lodusa; bo tutumulo tutu wau ohiheo-hiheolo mao̒ pee̒-pee̒enta woli Isa Almasi Eeyanto yito wowohi uiludu mai lo Allahu Taa̒ala wolo palacuma.

2 KORINTUS 1:22

Woleeto Allahu Taa̒ala malo posaaha mai olanto lowali hakuu-Lio wau Rohu-Lio todelomo hilaanto odelo pongaku deu̒ Tio mamongohi mai olanto ngoa̒amila upilo danti-Lio.

EPESUS 4:30

Diila mao̒ posuukalia hilaa lo Rohullah. Timongoli masilaaha-Lio wolo Rohu, lowali miliki lo Allahu Taa̒ala. Rohu boito olo debo odelo pongaku deu̒ Dulahu Polobebasi mamei dungga mai ode limongoli.

1 PETRUS 1:22

Sababu timongoli lodungohe to pongaajali lo Allahu Taa̒ala, yi timongoli lopo belesi batanga wau timongoli lotolia̒nga tau-tauwalo tango iimani lou̒ ihilasi. Sababu uito, mamusi timongoli motolia̒nga ngota timongota wolo lealeaatu lohilao.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.

WAHI 7:16

Timongolio diilalo moo̒laasa polangolo meaalo mototoa̒ngo; mato lodulahu meaalo patulio uhinta-hintalabu diilalo moo̒pobu olimongolio,

WAHI 7:17

sababu Walao̒ Himba tahulo-huloa̒ tohuungo tambati huhuloa̒ li olongia boito mamowali diti limongolio. Tio mamodelo olimongolio ode butu lotaluhu u mongohi tutumulo. Wau Allahu Taa̒ala mamomaide ngoa̒amila ponu monto mato limongolio.”