YAHYA 4:13 - KITABI HABARI MOPIOHE

¹³ “Taa mongilu taluhu botie mamuli mototoa̒ngo,” tahuda mao̒ li Isa,

YAHYA 4:13 ပူးပေါင်းရင်းမြစ်များ

LUKASI 16:24

‘Paaa̒ Abraham!’ wuwaatio̒ lotaakaya boito. ‘Tolia̒nga mai watia. Ahuli mai tei Lajarus mopolomo lo uluu̒lio todelomo taluhu tulusi mai mopobata mao̒ dila lowatia. Watia sikisa daa̒ todelomo tulu botie!’

YAHYA 4:12

Tei Yako, tipaapa loluuhuru lamiaatia, longohi mai ali botie. Tio lohihilao malohama taluhu yililumio lonteea; odito olo mongo walai̒o wau binatangi bibiaahio. Wolo tolantobu li Tuani deu̒ ti Tuani talebe udaa̒ wolei Yako?”

YAHYA 4:14

“bo taa mongilu taluhu u mawohi-U̒ mai madiilalo mototoa̒ngo poli ohiheo-hiheolo mao̒. Sababu tahulu u mawohi-U̒ boito mamowali mato lotaluhu todelomo batangalio u mopentelai ode bulemengio wau mongohi olio tutumulo ututuulio tutu wau ohiheo-hiheolo mao̒.”

YAHYA 6:27

Diila mao̒ pokalaja u moo̒tapu mai ua̒alo u mowali mopulito wau mobunuto. Pokalajaalo u moo̒tapu mai ua̒alo udiila mowali mobunuto u mongohi tutumulo ututuulio tutu wau ohiheo-hiheolo mao̒. Ua̒alo boito mawohi mai lo Walao̒ Manusia olemu, sababu Tio mapiluduo̒ lo Allahu Taa̒ala.”

YAHYA 6:49

Tinenemoyamu lolamelo manna tohuta datahu u luasi daa̒ wau delita wau timongolio yilate olo.