YAHYA 4:11 - KITABI HABARI MOPIOHE

¹¹ Loi̒ya mao̒ lotaabua boito, “Ti Tuani diila otuuntu, wau ali botie modeloma daa̒. Monto utoonu ti Tuani moo̒tapu mai taluhee lo tutumulo?

YAHYA 4:11 ပူးပေါင်းရင်းမြစ်များ

YEREMIA 2:13

Umati-U̒ helohutu dusa dulo dalaala: timongolio helo bulemenga ola-U̒, butu lotaluhu ulongohi tutumulo ode manusia; timongolio helohutu ode batangalio kulamu lotulotuto u diila mowali mongotonga taluhio.”

YAHYA 3:4

“Diila pongalo aakali tamaa iludaa̒ muli potutuolio mai,” loi̒ya mao̒ lei Nikodemus odeli Isa, “Tingga mowali tio muli tumuwoto ode delomo talomo liilolio wau muli pututuolio mai?”

YAHYA 4:14

“bo taa mongilu taluhu u mawohi-U̒ mai madiilalo mototoa̒ngo poli ohiheo-hiheolo mao̒. Sababu tahulu u mawohi-U̒ boito mamowali mato lotaluhu todelomo batangalio u mopentelai ode bulemengio wau mongohi olio tutumulo ututuulio tutu wau ohiheo-hiheolo mao̒.”

YAHYA 7:37

Topulito dulahu lo lameyangi boito, deu̒ito-yito dulahu ulaba-labaalo polohuna daa̒, ti Isa tilimihulao̒ todelomo Bele lo Eeya tulusi longiibode, “Taa u mototoa̒ngo ponao̒lo mai ode ola-U̒ mai mongilu.

WUNGGULI LOMONGO RASULU 10:14

Tei Petrus lolametao̒, “Diila, Eeya! Diipo pee̒enta mao̒ watotia helo lamela wolo-wolo u haramu meaalo najisi.”

1 KORINTUS 2:14

Taa diila o Rohullah, diila mowali mololimo u piloi̒laalo mai lo Rohu boito, sababu ode tau boito susuu-aliyaala boito debo odelo tuwaulio lo ohulodu wambai̒o. Tau boito diila moo̒ pahaamu o-Lio, sababu susuu-aliyaala boito bo mowali tilikiyolo wolo dudelo lorohani.

WAHI 21:6

Lapatao̒ Tio lotahuda mai, “Mailapato! Wau̒lo tabohulio wau tapulitio; Wau̒lo Eeya monto Bohulio demola Pulitio. Timii̒du taa u mototoa̒ngo, mapelumo-U̒ wolo beebasi monto butu lotaluhu u mongohi tutumulo.

WAHI 22:1

Malai̒kati boito olo lopo bilohei olaatia dutula u taluhio mongohi tutumulo. Dutula boito hei̒nta-intaawa debo odelo Kristali, wau tolo-tolohei lonto tambati huhuloa̒ lo Allahu Taa̒ala wau Walao̒ Himba boito,

WAHI 22:17

Rohullah wau Bulentiti Taabua lotahuda mai, “Duloolo!” Timii̒du taa u modungohe utie musi olo moloi̒ya, “Duloolo!” Tatoonu tamo totoa̒ngo, mamusi tio monao̒ mai! Wau tatoonu tai̒lo hilao, mamusi mohama taluhu u mongohi tutumulo boito wolo beebasi.

WAHI 7:17

sababu Walao̒ Himba tahulo-huloa̒ tohuungo tambati huhuloa̒ li olongia boito mamowali diti limongolio. Tio mamodelo olimongolio ode butu lotaluhu u mongohi tutumulo. Wau Allahu Taa̒ala mamomaide ngoa̒amila ponu monto mato limongolio.”