YAHYA 4:10 - KITABI HABARI MOPIOHE

¹⁰ Ti Isa lolametao̒, “Humayaalio otaawamu wowohi mai lo Allahu Taa̒ala wau tatoonu talohile taluhu olemu, tantuulo mao̒ yio̒ lohihilao tamohile uilumolo to o-Lio, wau Tio mamongohi mai olemu taluhu lo tutumulo.”

YAHYA 4:10 ပူးပေါင်းရင်းမြစ်များ

JABURU 10:17

Yaa Eeya, Eeya modungohe dua̒ lotaa hina wau hemo poo̒lotolai hilaa limongolio.

JABURU 46:4

penu boli deheto moluhu wolo majanunu wau oliyoo̒ buo̒ola daa̒ ulaba-labaalo, wau huhuu-luduwaalo humuhela lo totai̒o mai.

PILOTIMUA̒TA 17:6

Wau̒ matimihula to talumu toitaato botu leidaa̒ tuwau to Hui̒dee Sinai. Wumbade mao̒ botu boito yi taluhu malumualai tunggula tau-tauwala boito mowali mongilu.” Tei Musa lohutu mao̒ odito silakusia lomongo tau̒wa lo Isirai̒lu.

LAHU MOLAMAHU 4:15

Butu lotaluhu to ilengiu̒ mopolimbue̒ taluhu lo tutumulo utolo-tolohe monto Libanon!

YESAYA 12:3

Debo odelo taluhu mopoo̒luli hilao wau mopowengahu taa mototoa̒ngo, odieelo mola timongoli mamo tiwengahu, sababu piloa̒ahu mai lo Allahu Taa̒ala.”

YESAYA 35:6

Taa diila mowali monao̒ luma-lumantio̒ debo odelo buu̒lu, taa bubu motinga-tingalaa̒ meengahu. Sababu butu lotaluhu mopentelai to huta datahu u luasi wau delita, dutulaa tolotolohe tohuta datahu wau luasi udiila tilolopani.

YESAYA 42:6

“Wau̒, Eeya, motianga wau mongohi tuugasi olemu u moponao̒ u aadili. Yio̒ deloo-U̒ wau taalaa-U̒ u mowali daantia ode umati lo manusia, wau tinelo ode ngoa̒amila bangusa.

YESAYA 43:20

Binatangi molinggelo mamo pou̒daa̒ ola-U̒; sarigala wau bulungi unta mamomuji ola-U̒ sababu Wau̒ mopotolohe taluhu tohuta datahu wau luasi udelita, wau duduu-tulalo tohuta luasi daa̒ udiila tilolopani u longohi minumani to umati tilulaotu-U̒.

YESAYA 44:3

Sababu Wau̒ mobangguatai didi ode huta u mohengu, wau mopotolohe duduu-tulaalo tohuta mohengu wau diila molomiodu. Wau̒ mamongohi mai kawasa ode walimu mola, wau mobalakati walao̒ wau wombumu.

YESAYA 49:10

Timongolio diila tamowali motoa̒ango meaambo polaangolo, wau diila tao̒dungga lolaalabu dulahu tohuta luasi daa̒ wau delita. Sababu Wau̒, tamoomonua olimongolio, mamodelo olimongolio, wau mopodulungo olimongolio ode bubuu-tuwaalo taluhu.

YESAYA 9:6

Tio momalenta odelo olongia wali mai lei Dauda, okokawasaalio udaa̒ tutu. Lipulio laito dame aamnai sontosa wau maa̒amulu; pamalentaalio dutadutaa̒a tobutoo̒ wau ua̒adili botia wau ohiheo-hiheolo mao̒. Eeya Taa Laba-labaalo kawasa tantu moponao̒ mao̒ uito.

YEREMIA 2:13

Umati-U̒ helohutu dusa dulo dalaala: timongolio helo bulemenga ola-U̒, butu lotaluhu ulongohi tutumulo ode manusia; timongolio helohutu ode batangalio kulamu lotulotuto u diila mowali mongotonga taluhio.”

YEHESKIEL 16:35

Wuu Yerusalemu, tasuuntali, dungohiilo wolo upilo tahuda mai lo Eeya Taa Laba-labaalo molanggato, “Yio̒ malohinggi boo̒mu, wau odelo tasuuntali yiludumu batangamu ode mongo tilantahu wau babaa-laahalaamu u moo̒lonuo̒ boito. Mongo walau̒mu hepilatemu yila-yilateelo mao̒ wau pilopo bakemu ode babaa-laahalaalo boito.

JAKARIA 13:1

Eeya Taa Laba-labaalo kawasa lotahuda, “To dulahee boito mamo pentelai butu lotaluhu tuwau u mopo mantali walimai lei Dauda wau ulipu lo Yerusalemu monto dusa wau polotubowa balaahala u mapilohutu limongolio.

JAKARIA 14:8

To dulahee boito, taluhu seehati matumolohe monto Yerusalemu; ngotayadu monto taluhee boito matumolohe ode Lau Mati wau ngotayadio poli ode Lau Tenga. Taluhee boito matumolohe ngohilayaa̒ lotaunu, mopio tosembo lodidi meaalo tosembo lo polodulahu.

LUKASI 11:13

Openu timongoli moleeto, debo otaawa limongoli olo mongohi u mopiohu towalai̒ mongoli. Tidiyolo mao̒ Allahu Taa̒ala to Sologa! Allahu Taa̒ala mamongohi mai Rohu-Lio to limongolio tamohile to o-Lio!”

YAHYA 16:3

Timongolio mohutu mai uito olemu sababu timongolio diipo moo̒onuhe li Paapa-U̒ meaalo ola-U̒.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 3:16

Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.

YAHYA 4:14

“bo taa mongilu taluhu u mawohi-U̒ mai madiilalo mototoa̒ngo poli ohiheo-hiheolo mao̒. Sababu tahulu u mawohi-U̒ boito mamowali mato lotaluhu todelomo batangalio u mopentelai ode bulemengio wau mongohi olio tutumulo ututuulio tutu wau ohiheo-hiheolo mao̒.”

YAHYA 6:35

“Wau̒lo roti tamongohi mai tutumulo,” tahuda mao̒ li Isa olimongolio. “Taa u monao̒ mai ode ola-U̒ diila tapolaangolo poli u ohiheo-hiheolo mao̒.” Wau taa u palacaya ola-U̒ diila tamotoa̒ngo poli u ohiheo-hiheolo mao̒.

YAHYA 6:51

Wau̒lo roti u lotuhutai lonto sologa – roti u mongohi tutumulo. Taa u molamela roti botie matumumulo ohiheo-hiheolo mao̒. Roti u mawohi-U̒ ode tutumulo manusia todunia ui-uitolo tapu-U̒.”

WUNGGULI LOMONGO RASULU 9:11

Eeya lotahuda mai, “Ntali pomonggatolo botia. Ponao̒lo mola ode bele lei Yudas todalalo motulidu. Yintua mao̒ mola teto u tanggulio Saulus, taa asaliilio mai lonto kota Tarsus. Tau boito donggo hemodua̒,

ROMA 8:32

Wala-I̒o lohihilao diila pilolee̒-Lio mai, bo tumbao̒ yiludu-Lio mai u polohuna daa̒ ode olanto ngoa̒amila; uwalita, Tio diila tamohudu mai de olanto totoonulalo hitua-tuawua uwewolio?

1 KORINTUS 1:30

Allahu Taa̒ala lohihilaolo tamohutu mai tilinggula Wutato motituwau woli Isa Almasi. Lotimbulude li Isa Almasi, ito pilowali molinepo. Wau lotimbulude o-Lio olo Allahu Taa̒ala lohutu mai olanto luli mopiiohe wolo batanga-Lio, lopowali olanto tolomodu umati-Lio, wau lolopato olanto.

1 KORINTUS 10:4

wau longilu minumani rohu u tutuuwauwa. Timongolio ngoa̒amilalo longilu lonto hui̒dee botu lorohani upee̒-pee̒enta woli mongolio; hui̒dee botu boito yito ti Almasi lohihilao.

2 KORINTUS 9:15

Mamusi ito mosukuru mola ode Allahu Taa̒ala to wowohi-Lio upolu-polutuo̒ boito!

EPESUS 2:8

Allahu Taa̒ala momonu olimongoli, uito sababuulio Tio mopoa̒ahu olimongoli sababu timongoli palacaya li Isa. Oa̒ahu limongoli boito diila tilapulo tolopani limongoli lohihilao. Uito yito wowohi lo Allahu Taa̒ala. Oditolio, diaaluo penu boli ngota mao̒ tamowali moti sombongi lo batangalio tomimbihu sua̒li boito.

IBRANI 6:4

Sababu, tau-tauwalo tamaa lomaahe iimani, diila pongalo aakali muli deloolo. Timongolio omoo̒omolu mailoluo todelomo tilango lo Allahu Taa̒ala, wau mai̒lo laasawa limongolio wowohi-Lio. Timongolio olo malodudua̒ kiluwasa lo Rohullah.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.

WAHI 21:6

Lapatao̒ Tio lotahuda mai, “Mailapato! Wau̒lo tabohulio wau tapulitio; Wau̒lo Eeya monto Bohulio demola Pulitio. Timii̒du taa u mototoa̒ngo, mapelumo-U̒ wolo beebasi monto butu lotaluhu u mongohi tutumulo.

WAHI 22:17

Rohullah wau Bulentiti Taabua lotahuda mai, “Duloolo!” Timii̒du taa u modungohe utie musi olo moloi̒ya, “Duloolo!” Tatoonu tamo totoa̒ngo, mamusi tio monao̒ mai! Wau tatoonu tai̒lo hilao, mamusi mohama taluhu u mongohi tutumulo boito wolo beebasi.

WAHI 7:17

sababu Walao̒ Himba tahulo-huloa̒ tohuungo tambati huhuloa̒ li olongia boito mamowali diti limongolio. Tio mamodelo olimongolio ode butu lotaluhu u mongohi tutumulo. Wau Allahu Taa̒ala mamomaide ngoa̒amila ponu monto mato limongolio.”