YAHYA 3:6 - KITABI HABARI MOPIOHE

⁶ Manusia odelo pohuli lotapu pilotutu mai lomongo dulaa̒lio, bo odelo pohuli lorohani pilotutu mai lo Rohullah.

YAHYA 3:6 ပူးပေါင်းရင်းမြစ်များ

ILOOWALI 5:3

Tou̒ tei Adamu o umulu ngohetuto tolopulu lotaunu, tio loo̒tapu walao̒ talolai̒ u mohaamawa wolo batangalio, tulusi yilohialio tanggula Set.

ILOOWALI 6:12

Allahu Taa̒ala lomilohei dunia boito wau bo loo̒onto ololeeto wambao̒, sababu ngoa̒amila manusia hileeta tutumulio.

ILOOWALI 6:5

Eeya loo̒onto mai mailaba leetio tau-tauwala todunia; ngoa̒amila pikilangi limongolio laito moleeto.

AYUBA 14:4

Tingga mowali manusia tao̒ dusa mopodungga mai sua̒li u wimu-wimumuto ngoa̒amilalo?

AYUBA 25:4

Tingga woluo manusia mantali tomato lo Allahu Taa̒ala? Tingga mowali tio mantali to bibilohu Eeya?

JABURU 51:10

Poluliaalo mai watotia modungohe habari moe̒engahu, alihu hilaa upilopo toyopu mai lo Eeya botie muli motingalaa̒ meengahu.

YAHYA 1:13

tapilo tutulio mai diila lonto manusia, sababu tutumula bohu boito lonto Allahu Taa̒ala asaliilio.

YAHYA 3:7

Diila mao̒ polinggolabu wonu Wau̒ motahuda mai: timongoli ngoa̒amila paatuti muli potutuolio mai.

ROMA 7:18

Otaawa lowatia diaaluo penu boli tuwau u mopiohe todelomo batanga lowatia; deu̒ito-yito todelomo pii̒li lowatia odelo manusia. Sababu woluo todelomo hilaa lowatia u mohutu mopiohe, bo watia diila mambo moponao̒ leeto.

ROMA 7:5

Sababu, muloolololio mai ito tumutumulo helo dudua̒ pipii-iliyaalo lomanusia. Tou̒ boito totoonulalo ilohilaa u odusa, u tilumoodei sababu woluwolio lobutoo̒ agama, odulude todelomo batanganto. Uito sababuulio ito helohutu susuu-aliyaalo u moo̒pate.

ROMA 8:13

Sababu wonu timongoli tumumulo modudua̒ pii̒li lomanusia, yi timongoli maamate; bo wonu wolo kawasa lo Rohullah, timongoli tulusi wambao̒ mopopate totoonulalo huhutuumu u odusa, yi timongoli matumumulo.

1 KORINTUS 6:17

Bo taa mopotuwau batangalio wolo Eeya, Rohu lo Eeya wolo Rohu lotau boito mowali tuwau.

2 KORINTUS 5:17

Taa umalo tituwau woli Almasi, mowali manusia bohu sama-samaata. U deedelo madiduu̒ – ngoa̒amilalo malowali bohu.

GALATIA 5:24

Tau-tauwalo tamalowali miliki li Isa Almasi, tau-tauwala boito malo popate pii̒li lo manusialio wolo totoonulalo napusu wau u otohilaalio.

EPESUS 2:3

Muloololio mai ito ngoa̒amila tutuuwauwa olo woli mongolio; ito tumutumulo lodudua̒ pii̒li lo manusiaanto wau helohutu wolo uloo̒ sanangi batanga wau pikiilanginto. Tou̒ boito ito yito tahe ilotuhata muluka lo Allahu Taa̒ala olo, tutuuwauwa debo odelo tau-tauwalo wewo.

KOLOSE 2:11

Sababu lotituwau woli Almasi, timongoli matiluuna, diila wolo tuuna upilohutu lomanusia, bo wolo tuuna u pilohutu li Almasi, talopo lopato olimongoli lonto kawasa lo watade u odusa.

1 YAHYA 3:9

Taa u malowali Walao̒ Allahu Taa̒ala, diila mololaalaaita mohutu dusa, sababu pii̒li lo Allahu Taa̒ala lohihilao woluo to olio. Wau sababu Allahu Taa̒ala boito ti Paapalio, yi tio diila mowali mololaalaaita mohutu dusa.