YAHYA 3:5 - KITABI HABARI MOPIOHE

⁵ Ti Isa lolametao̒, “Otutu banali tahuda-U̒ botie: Wonu tau diila potutuolio mai monto taluhu wau monto Rohullah, tau boito diila mowali pongawaa̒ umati lo Allahu Taa̒ala.

YAHYA 3:5 ပူးပေါင်းရင်းမြစ်များ

MATIUSI 18:3

Lapatao̒ ti Isa lotahuda mao̒, “Pomalacayalo! Bo wonu timongoli molomelo wau mowali debo odelo tau̒kekeei̒, timongoli mamowali pongawaa̒ umati lo Allahu Taa̒ala.

MATIUSI 19:24

Wau utie olo utohilaa potahuda-U̒ mai olemu; lebe gambangi unta tuwau tomuwoto ode huango dudetu wolo taakaya ngota tumuwoto ode Dunia Bohu lo Allahu Taa̒ala.”

MATIUSI 21:31

Naa, towolota lowalao̒ duulota boito, tatoonu tamaa lohutu kahandaki liyamolio?” “Tamohuhula,” tametao̒ lomongo iimamu tau̒wa wau mongo tau̒wa lo Yahudi boito. Yi ti Isa lotahuda mao̒ olimongolio, “Pomalacayalo; Tahi potagia beya wau mongobua suuntali mameimulo mowali pongawaa̒ umati lo Allahu Taa̒ala wolimongoli.

MATIUSI 28:19

Sababu uito ponao̒lo ode ngoa̒amilalo bangusa to ngoilanggubu dunia, pohutua mao̒ timongolio mowali muri-U̒. Wau lihua mao̒ timongolio lou̒ molanggula tangguli Paapa, wau Walao̒, wau Rohullah.

MATIUSI 3:11

Watia mopolihu olimongoli wolo taluhu u mopo biloheo̒ deu̒ timongoli malo lilihu lonto duduu-sawaalo limongoli; bo tamamei dunga mai lapatao̒ Watia, mamo polihu olimongoli wolo Rohullah wau tulu. Tio lebe udaa̒ mao̒ wolaatia. Penu bo modelo sapatu-Lio watia diila paatuti.

MATIUSI 5:20

Oditolio eelai mao̒: Timongoli diila pongalo aakali mowali umati lo Allahu Taa̒ala, wonu diila mongilabotao̒ guguu-ruwaalo agama wau tau-tauwalo Parisi todelomo sua̒li moponao̒ kahandaki lo Allahu Taa̒ala!”

MARKUSI 10:14

Loo̒onto mao̒ sua̒li boito, ti Isa maloingo lapatao̒ Tio lotahuda ode tahidudua̒ o-Lio. “Hulia mao̒ tau̒kekeei̒ boito monao̒ mai ode ola-U̒! Diila mao̒ dinia timongolio, sababu taa debo odelo utieelo tamowali pongawaa̒ umati lo Allahu Taa̒ala.

MARKUSI 16:16

Taa diila palacaya mamoo̒tapu hukuumani. Bo taa palacaya wau lihualio, mamoa̒ahu.

MARKUSI 9:47

Wonu matomu moo̒sababu olemu ilodusa, luo̒ohe mao̒ mato boito! Lebe mopiohe yio̒ tumuwoto ode Dunia Bohu lo Allahu Taa̒ala didu omato ngotuwali, lou̒ yio̒ wolo matomu dulo tuwali pomahulolo ode delomo nalaka.

LUKASI 13:24

Ti Isa lolametao̒, “Potolopanilo u tumuwoto moli huhebu umeepito. Sababu, eelai! Dadaata tahemo tolopani tumuwoto bo diila mowali.

LUKASI 13:3

Sama-samaata diila! Bo eelai mola: wonu timongoli diila molilihu monto duduu-sawaalo limongoli, timongoli ngoa̒amila debo mate olo, debo odelo timongolio.

LUKASI 13:5

Sama-samaata diila! Pee̒entapo potahuda-U̒ mai; Wonu timongoli diila molilihu monto duduu-sawaalo limongoli, timongoli ngoa̒amila maamate olo debo odelo timongolio.”

YAHYA 1:13

tapilo tutulio mai diila lonto manusia, sababu tutumula bohu boito lonto Allahu Taa̒ala asaliilio.

YAHYA 3:3

Ti Isa lolametao̒, “Pomalacayalo, diaaluo penu boli ngotaa mao̒ tamowali pongawaa̒ umati lo Allahu Taa̒ala, wonu tio diila muli potutuolio mai.”

YAHYA 3:4

“Diila pongalo aakali tamaa iludaa̒ muli potutuolio mai,” loi̒ya mao̒ lei Nikodemus odeli Isa, “Tingga mowali tio muli tumuwoto ode delomo talomo liilolio wau muli pututuolio mai?”

WUNGGULI LOMONGO RASULU 2:38

Tei Petrus lolametao̒, “Polilihulo monto duduu-sawaalo limongoli. Wau mawajibulio timongoli ngota-ngota lihuwalo to tangguli Isa Almasi, alihu ngoa̒amila dusa limongoli maa ambunguolo. Yi Mongo wutato mamololimo palaseni Rohullah monto Allahu Taa̒ala.

WUNGGULI LOMONGO RASULU 3:19

Masababu uito Mongo wutato, polilihulo monto duduu-sawaalo limongoli, wau pohualingolo ode Allahu Taa̒ala, alihu Tio moluluto duduu-sawaalo limongoli.

ROMA 14:17

Sababu wonu Allahu Taa̒ala momalenta tutumulo lo tahingota-ngotaawa, wolo umowali tamelolio meaalo yilumolo, diilalo polohuna daa̒. U polohuna daa̒ yito deu̒ tau boito modudua̒ otohilaa lo Allahu Taa̒ala, molaasa oduo̒oto hilao wau mololimo wengahe uwohi lo Rohullah.

ROMA 8:2

Sababu butoo̒ lo Rohullah ulohutu mai olanto tilumumula lotituwau woli Isa Almasi tamalo lopatai olaatia lonto hukuumani uloo̒ sababu dusa wau opopate.

1 KORINTUS 15:50

Makusudu lowatia, Mongo wutato, deu̒ito-yito: batanga upilowali mai monto duhu wau tapu, diila mowali tumuwoto ode Dunia Bohu lo Allahu Taa̒ala; wau batanga umowali mate diila mowali bakaa.

1 KORINTUS 2:12

Wau ito diila yilohia-Lio mai rohu lodunia botie, bo Rohu ulonto Allahu Taa̒ala, alihu otaawanto ngoa̒amila u mailohi lo Allahu Taa̒ala olanto.

1 KORINTUS 6:11

Dengolo lota towolota limongoli muloololio mai opii̒li debo odelo uito. Bo botia timongoli piloi̒laalo belesi lonto dusa. Timongoli malowali tolomodu haku lo Allahu Taa̒alanto. Timongoli maluli mopiiohe wolo Allahu Taa̒ala, sababu timongoli palacaya to Eeya Isa Almasi wau sababu kawasa lo Rohu lonto Allahu Taa̒ala.

GALATIA 6:15

Tiluuna meaalo diila tiluuna, uito diila polohuna daa̒. U polohuna daa̒ yito mowali manusia bohu.

EPESUS 5:26

Ti Almasi lohutu mai uito alihu Tio moo̒ pobelesi jamaa̒ boito wolo pongaajali-Lio wau moli taluhu popolihu, alihu lapatao̒ uito Tio mowali wuduo-Lio ode Allahu Taa̒ala.

1 PETRUS 3:21

Naa, ilowali boito debo odelo pohumaya lo popolihu u masaatia botie mopoa̒ahu olimongoli. Popolihu botie diila tala tuwau lo upacala mopoo̒ belesi wawao̒ monto ngoa̒amila u hikootoloa, bo debo odelo dantimu to Allahu Taa̒ala monto hilaa u maloo̒tapu tinelo Eeya u mopiohu. Popolihu boito mopoa̒ahu olimongoli sababu ti Isa Almasi maluli tilumumulai lonto opopate,

1 YAHYA 2:29

Mai̒lotaawa limongoli deu̒ ti Almasi tilumumulo lodudua̒ u otohilaa lo Allahu Taa̒ala. Sababu uito musi otaawa mao̒ limongoli olo deu̒ timii̒du tatumumulo moduduo̒ otohilaa lo Allahu Taa̒ala yito walao̒ Allahu Taa̒ala.

1 YAHYA 5:1

Taa u palacaya deu̒ ti Isa yito Olongia Tamoo-poa̒ahua tapilo dantia mai lo Allahu Taa̒ala, tau boito walao̒ Allahu Taa̒ala. Taa u motolia̒ngo ngotaalio lotiyamo, motolia̒ngo walai̒o olo.