YAHYA 3:36 - KITABI HABARI MOPIOHE

³⁶ Taa palacaya to Walao̒ boito mamoo̒tapu tutumulo ututuulio tutu wau ohiheo-hiheolo mao̒. Bo taa diila modungohe to Walao̒ boito diila moo̒tapu tutumulo. Tio hukuumanio lo Allahu Taa̒ala u ohiheo-hiheolo mao̒.

YAHYA 3:36 ပူးပေါင်းရင်းမြစ်များ

AYUBA 33:28

Allahu Taa̒ala longabuta olau̒ lonao̒ ode dunia lotaa yilate, tilinggula wau̒ donggo tumutumulo botia.

JABURU 2:12

posujudulo totalu-Lio wolo humuhela, diila bolo Eeya mamo muluka mai wau timongoli pobinasaa-Lio ngoi̒ntaalo mato, sababu omulukaa-Lio wali-walihuhu wolo tumahuo̒lo mola. Potisangilo tutu taa u motiwunela to Eeya!

JABURU 36:9

Timongolio olulia lohilao wolo ua̒alo laba-labaalo daata to Bele lo Eeya, wolo minumani monto dutulaa lo Eeya umopowali nyaamani.

JABURU 49:19

Tumbao̒ wonu bolo ngotaalio moo̒otoduo untungi todelomo tutumulio, wau hemomuji-muji sababu loo̒toduo mai hasiliilio,

HABAKU 2:4

Wau eelai mao̒: Taa u moleeto diila tamoa̒ahu, bo taa u mohutu kahandaki lo Allahu Taa̒ala matumumulo sababu otatapu wau molotolo hilaalio to Allahu Taa̒ala.”

MATIUSI 25:46

Yi tau-tauwalo boito mahukuu-maniyolo wolo hukuumani u ohiheo-hiheolo mao̒, hiambola tahi pohutua kahandaki lo Allahu Taa̒ala mamoo̒ toduo tutumulo ututulio tutu wau ohiheo-hiheolo mao̒.”

MARKUSI 16:16

Taa diila palacaya mamoo̒tapu hukuumani. Bo taa palacaya wau lihualio, mamoa̒ahu.

LUKASI 2:30

Sababu wolo mato lowatotia lohihilao watotia maloo̒onto Tamoo-poa̒ahua u lonto Eeya

LUKASI 3:6

Tau-tauwala to ngoilanggubu dunia mamoo̒onto Allahu Taa̒ala mopoa̒ahu mai manusia!’ ”

YAHYA 1:12

Penu boli odito debo woluo olo talo lolimo o-Lio wau palacaya o-Lio: timongolio yilohia-Lio haku lowali Walao̒ Allahu Taa̒ala,

YAHYA 10:28

Wau̒ mongohi mai olimongolio tutumulo ututuulio tutu wau ohiheo-hiheolo mao̒, wau u ohiheo-hiheolo mao̒ timongolio diila tabinasa. Diaaluo penu boli ngotaa mao̒ tamowali molambata olimongolio monto ola-U̒.

YAHYA 3:3

Ti Isa lolametao̒, “Pomalacayalo, diaaluo penu boli ngotaa mao̒ tamowali pongawaa̒ umati lo Allahu Taa̒ala, wonu tio diila muli potutuolio mai.”

YAHYA 4:36

Taa u mongotolo malo lumulao̒ hipo lolimoa wuupalio wau hipo himoa̒ tilapulio duo̒lo tumumulo ututuulio tutu wau ohiheo-hiheolo mao̒. Yi taa u momua̒yadu wau taa u mongotolo mowali motisanangi pee̒-pe̒enta.

YAHYA 5:24

Otutu banali totoonulalo tahudaa-U̒ botie: Taa umopoo̒ tuotao̒ totoonulalo tahudaa-U̒, wau palacaya o-Lio talolao mai ola-U̒, o tutumulo ututuulio tutu wau ohiheo-hiheolo mao̒. Tio diila tahukuu-maniyolo; tio malo lopato lonto opopate wau loo̒tapu tutumulo.

YAHYA 6:58

Uti-utieelo roti u lotuhutai lonto sologa; diila debo odelo roti u pilolameli nenemoyamu. Sababu tou̒ malo lamelo roti boito, timongolio debo yilate olo. Bo taa u molamelo roti botie matumumulo ohiheo-hiheolo mao̒.”

YAHYA 8:51

Otutu banali tahuda-U̒ botie, taa u moduduo̒ tahuda-U̒, ohiheo-hiheolo mao̒ diila tamaate.”

WUNGGULI LOMONGO RASULU 14:2

Bo tau-tauwalo Yahudi tadiila mohuto palacaya, helo popatu totau-tauwalo tadiila Yahudi, tilunggula timongolio malo lonuo̒ totau-tauwalo tapalacaya li Isa.

ROMA 4:15

Butoo̒ agama lo Yahudi mopodungga mai hukuumani lo Allahu Taa̒ala. Bo wonu butoo̒ diaaluo, yi totala olo diaaluo.

ROMA 5:9

Botia ito maluli lopiiohe wolo Allahu Taa̒ala lotimbulude to opopate li Almasi; sababu uito tantu ito mapo aahuwolo olo monto muluka lo Allahu Taa̒ala motimbulude li Almasi.

ROMA 8:1

Masaatia madiduu̒ hukuumani ode limongolio tahitumula lotituwau woli Isa Almasi.

GALATIA 3:10

Tau-tauwalo tahemo tiwunela tobutoo̒ lo agama, ngoa̒amilalo hitumula towalungo laa̒nati. Sababu todelomo Kitabi tulatulade, “Taa diila tio̒otutua moponao̒ ngoa̒amila u hitulade todelomo Buku Butoo̒ lo Agama, laa̒natia lo Allahu Taa̒ala!”

EPESUS 5:6

Diila mao̒ timongoli o aakalia lo loloo-iyaalo utoongi. Sababu susuu-aliyaalo botieelo u mopotoodei muluka lo Allahu Taa̒ala totau-tauwalo tadiila hidungohe o-Lio.

1 TESALONIKA 1:10

Timongolio helo bisala olo pasali woloolo mola timongoli motiwunela to podungga mai lo Walao̒ Allahu Taa̒ala monto Sologa, deu̒ito-yito ti Isa Almasi, tamaa pilotumulai lo Allahu Taa̒ala lonto opopate. Ti Isa boitolo olo tamopo aahu olanto monto muluka lo Allahu Taa̒ala u mamei dungga mai.

1 TESALONIKA 5:9

Allahu Taa̒ala lolulaotai olanto diila u hukuu-maniyolo, bo u poa̒ahuwolo, motimbulude to Eeyanto Isa Almasi.

IBRANI 10:29

Malo lebe mobuuhetao̒ hukuumani u musi podehuwolo totaa u hemo dutadutaa̒ Walao̒ Allahu Taa̒ala. Tau boito hemo nganggapu hina duhu daantia lo Allahu Taa̒ala, deu̒ito-yito opopate li Almasi tamo poo̒belesi monto dusa. Tio mohina Rohu tamoongohia odehu hilao̒.

IBRANI 2:3

Tidiyolo mao̒ wolo oa̒ahu ulebe polu-polutuo̒ monto tataa-huliyalo boito! Wonu ito diila mopoo̒tuota to oa̒ahu boito, ito tantu diila tamolopato monto hukuumani. Sababu Eeya lohihilaolo tabohu-bohulio lopo malalumu oa̒ahu boito, wau tau-tauwalo tamulomulo lodungoheo̒ malo pobukuti u otutuulio to olanto.

IBRANI 3:18

Tou̒ Allahu Taa̒ala lotadia odie, “Timongolio diila tatumuwoto odelipu boito umoo̒ huheli pee̒-pee̒enta wola-U̒” tingga malo tita poli tapilatuju lo Allahu Taa̒ala? Tapilatuju yito tau-tauwalo tahe momalakala to Allahu Taa̒ala, diila odito?

IBRANI 3:19

Botia ito mongalati deu̒ timongolio diila moo̒ tuwoto, sababu timongolio diila palacaya to Allahu Taa̒ala.

WAHI 21:8

Bo taa mooheya, tamoo-hiyanatia, taa moruusa, tamoomatea mate-mateelo mao̒, taa huloto, taa u momeke ii̒i-limiyalo gaibu tamoo-lubowa balaahala, wau ngoa̒amila tamoo-himbuloa, mapomahulo ode delomo auhu lotulu wau walirangi uhinta-hintalabu, deu̒ito-yito opopate tahapu oluolio.”