YAHYA 3:34 - KITABI HABARI MOPIOHE

³⁴ Sababu taa uilao mai lo Allahu Taa̒ala mopo tunggulai tataa-heyaalo Allahu Taa̒ala, sababu Rohullah mailohi ode o-Lio lealeaatulo mao̒.

YAHYA 3:34 ပူးပေါင်းရင်းမြစ်များ

OLUO MONGO OLONGIA 2:9

Tou̒ malei dungga mola ode ngotuali, tei Elia loloi̒ya mao̒ odelei Elisa, “Pohileaalo wolo u otohilaamu monto olau̒ tou̒ wau̒ diipo bintao̒ mola lo Eeya wau mololaa mao̒ olemu!” Tei Elisa lolametao̒, “Powarisiyalo mai olaatia kawasa li Paaa̒, alihu watia mowali mobuulota woli Paaa̒.”

JABURU 45:7

Allahu Taa̒ala mongohi mai kawasa olemu u momalenta, kawasaamu moo̒ taahangi u ohiheo-hiheolo mao̒; wolo aadili yio̒ momalenta ulipumu.

YESAYA 59:21

Wau̒ mohutu mai daantia woli mongoli: Timongoli wohiya-U̒ mai kawasaa-U̒ wau pongaajali-U̒ u ohiheo-hiheolo mao̒. Pongaajalia mao̒ tomongo walau̒mu alihu timongolio olo moo̒ poa̒ajali mao̒ wawaalia mola botia tunggula ohiheo-hiheolo mao̒.”

IMAAMATI 7:35

Monto ua̒alo u podewolo ode Eeya, tayade ui-uitolo u yilohilio odelei Haruna wau mongo walai̒o todulahee timongolio pilopo mantaliilio lowali iimamu.

YIA̒APO 11:25

Lapatao̒ Eeya lolaahei todelomo heengo wau lotahuda odelei Musa. Eeya lohama ngotayadu kawasa u mailohi-Lio odelei Musa wau yiludu-Lio ode tau̒wa pitu lopulu lota boito. Tou̒ Rohullah boito lolaahei ode yitaati mongolio, yi malo ngiibodu timongolio debo odelo nabi, bo diila lohiheo.

MATIUSI 12:18

“Tabotieelo utoliya-U̒ Tatilulaotu-U̒, tapilonu-U̒ wau tamotuuu̒de tohilaa-U̒. Rohu-U̒ mawohi-U̒ mao̒ o-Lio, oa̒adili-U̒ mapo habario-Lio ode babaa-ngusawalo.

LUKASI 4:18

“Rohu lo Eeya woluo to ola-U̒, sababu Tio malo muduo̒ ola-U̒ mopohabari Habari Mopiohe ode taa mosikini. Tio lalao mai ola-U̒ mopo malalumu polobebasi totaa leitawalo wau mopoo̒luli totaa pitoo̒: u mopobebasi taa hideehe

YAHYA 1:16

Tio polupolu loponu: diila ohuheli-Lio, Tio mobalakati olanto.

YAHYA 15:26

Wau̒ mamolao mai olemu Tamoo-tulungia u asaliilio mai monto li Paapa-U̒. Tiolo Rohu tamamo poi̒laalo mai obobanali pasali lo Allahu Taa̒ala. Wonu bolo Tio meidungga mai Tio mamongohi sakusi pasali ola-U̒.

YAHYA 16:7

Bo Wau̒ molele mai u otutu olemu: Lebe mopioheo̒ olimongoli, wonu Wau̒ mohualinga mola; sababu wonu wau̒ diila mohualinga mola, Tamoo-tulungia boito diila tamei dungga ode olemu.

YAHYA 3:17

Sababu Allahu Taa̒ala lolao Wala-I̒o diila mai momutoo̒ dunia botie, bo mai mopoa̒ahu mao̒.

YAHYA 5:26

Debo odelo Allahu Taa̒ala lohihilao bungo lo tutumulo, yi Tio olo mopowali mai wala-I̒o bungo lotutumulo.

YAHYA 7:16

Ti Isa lolametao̒, “U pilongajali-U̒ botie diila ajalani-U̒, bo ajalani-Lio lo talolao mai ola-U̒.

YAHYA 8:40

Wau̒ mopo tunggulai olemu obobanali u ilodungohe-U̒ lonto Allahu Taa̒ala, bo timongoli ohilaa momate ola-U̒ mate-mateelo mao̒. Tei Abraham diila lohutu debo odelo uito!

YAHYA 8:47

Taa asaliilio mai monto Allahu Taa̒ala, modungohe tahuda lo Allahu Taa̒ala. Bo timongoli diila lonto Allahu Taa̒ala, uitolo sababuulio timongoli diila mohuto modungohu.”

WUNGGULI LOMONGO RASULU 1:2

tunggula todulahu Tio bilintaa̒a mola ode sologa. Tou̒ Tio diipo lobotula mola ode sologa, wolo kawasa lo Rohullah Tio helongohi totoonulalo tomongo rasuluu-Lio tatilulao-Tio.

WUNGGULI LOMONGO RASULU 10:38

Otaawa limongoli deu̒ Allahu Taa̒ala malo lulaotao̒ li Isa taulo Najaret boito wau longohi o-Lio Rohullah wau kawasa. Otaawa limongoli olo deu̒ ti Isa boito malonao̒ ode tilolahepalo mao̒ helohutu u mopiohe; Tio lopoo̒luli ngoa̒amila tau tahe kiluwaasa lo Ibilisi, sababu Allahu Taa̒ala pee̒-pee̒enta wo-Lio.

ROMA 8:2

Sababu butoo̒ lo Rohullah ulohutu mai olanto tilumumula lotituwau woli Isa Almasi tamalo lopatai olaatia lonto hukuumani uloo̒ sababu dusa wau opopate.

EPESUS 3:8

Towolota lou̒ ngoa̒amila umati lo Allahu Taa̒ala, wawaatiyalo talaba-labaalo hina. Bo penu odito Allahu Taa̒ala longohi mai olaatia ponu botie: tuugasi u mopohabari totau-tauwalo tadiila taulo Yahudi Habari Mopiohe tomimbihu okokaya li Almasi udiila opulitio;

KOLOSE 1:19

Allahu Taa̒ala lohihilaolo talo kahandaki alihu totoonulalo hitua-tuawua uwoluo tobatanga lo Allahu Taa̒ala, woluo olo wolo wimu-wimumuto tobatanga lo Wala-I̒o.

KOLOSE 2:9

Sababu ngoa̒amila watade lo Allahu Taa̒ala bilu-biluloa̒ toli Almasi, deu̒ito-yito to omanusia-Lio.

WAHI 21:6

Lapatao̒ Tio lotahuda mai, “Mailapato! Wau̒lo tabohulio wau tapulitio; Wau̒lo Eeya monto Bohulio demola Pulitio. Timii̒du taa u mototoa̒ngo, mapelumo-U̒ wolo beebasi monto butu lotaluhu u mongohi tutumulo.

WAHI 22:1

Malai̒kati boito olo lopo bilohei olaatia dutula u taluhio mongohi tutumulo. Dutula boito hei̒nta-intaawa debo odelo Kristali, wau tolo-tolohei lonto tambati huhuloa̒ lo Allahu Taa̒ala wau Walao̒ Himba boito,